Sérkennilegur veruleikaheimur fjármálaráðherra

Sama dag og Vinnumálastofnun tilkynnti um að 283 hefði verið sagt upp í hópuppsögnum um síðustu mánaðarmót, sagði fjármálaráðherra á blaðamannafundi að það væri ánægjuefni að atvinnuleysi hefði ekki aukist og mundi samkvæmt spám ekki ná 10%.

Atvinnuleysi karla á höfuðborgarsvæðinu er samkvæmt upplýsingum Vinnumálastofnunar nú um 11%. En höfuðborgarsvæðið er ekki í kjördæmi fjármálaráðherra svo sem flestir vita.

Atvinnuleysi er nú með því mesta sem verið hefur í landinu. Einu ánægjulegu tíðindin hvað atvinnuleysið varðar er að það dragi úr því og það verulega.

Forsætisráðherra segir að ekkert liggi á að mynda ríkisstjórn og fjármálaráðherra segir það ánægjuefni að atvinnuleysi skuli ekki aukast. Var það þetta sem fólkið vildi sem kaus V og S?

Eitt er víst að tími Jóhönnu varir ekki að eilífu og með sama áframhaldi verður hann liðinn áður en varir.

 

Athugasemdir

[Guðrún María Óskarsdóttir., 6.5.2009 kl. 01:04]

Sæll Jón.

Tíminn sem það tekur að mynda ríkisstjórn er allt of langur að mínu viti, ekki hvað síst undir þeim kringumstæðum sem uppi eru.

kv.Guðrún María.

[Jakob Þór Haraldsson, 6.5.2009 kl. 03:33]

Það JÁKVÆÐASTA við VINSTRI menn er þeirra flotti HÚMOR....  Með & á móti stjórnin fær mig alltaf til að brosa breitt - fyrst var það "Skjaldborg" - ekki fengu við "tjaldborg" - svo var það "Velferðabrú" - en það skortir BARA fjármagn til að reisa hana, svo var það "Vinna & velferð" - sú vinna felst nú aðallega í því að maður gengur um & mælir göturnar í sjálfboðavinnu....  Ég vona svo innilega að Kolbrún verði AFTUR umhverfisráðherra svo hægt sé að FRIÐA Drekasvæðið, svo Drekinn í skjaldmerki okkar fái að vera í friði á "Drekasvæðinu...!"  Alveg óborganlegt lið, í víðasta skilningi þess orðs!  "Can yOu believe it - they are not going to pay..?"  Íslendingar eru fyndinn þjóð...

kv. Heilbrigð skynsemi

[sandkassi (IP-tala skráð) 6.5.2009 kl. 14:11]

Þetta er svo sannarlega afkáralegt ástand Jón, menn eru blindir.