Birtingarmynd bullsins.

Vátryggingafélag á Íslandi Sjóvá-Almennar tryggingar er í áhætturekstri í Macau í Kína. Hvernig skyldi nú standa á því? Er ekki Sjóvá-Almennar tryggingar vátryggingafélag?  Hvernig stendur þá á því að Sjóvá Almennar tryggingar er að kosta byggingu glæsihúss í Kína?

Frétt um það að Sjóvá Almennar tryggingar tapi rúmum 3 milljörðum á byggingarstarfsemi glæsihúss í Kína fannst mér með miklum ólíkindum. Raunar er þetta ein birtingarmynd þess bulls sem hefur verið í gangi og nefnd útrás.  Þetta er sorgleg birtingarmynd vegna þess að áður en fjárfestingarbullið byrjaði og Sjóvá-Almennar tryggingar var rekið sem tryggingarfélag þá skilaði það þokkalegum arði og átti digra sjóði. Á þeim tíma var tryggingarfélagið ekki í áhættufjárfestingum í Kína eða öðru því um líku bulli sem tryggingarfélagi kemur ekki við.

Þegar að er gáð þá virðist birtingarmynd efnahagshrunsins á Íslandi vera margbreytilegri en ætla mátti í fyrstu. Það er greinilegt að margir leikendur hafa leikið þar afgerandi afleiki. 

Mig minnir að John D. Rockefeller hafi sagt að góður kaupsýslumaður færi aldrei í önnur viðskipti en þau sem hann gjörþekkti.  Hann taldi að menn gætu hagnast á grundvelli yfirburðarþekkingar. Með gagnályktun má þá ætla að tapið sé ekki síst vegna vanþekkingar.

En hver tók eiginlega ákvörðun um það að vátryggingafélag á Íslandi færi að reisa lúxusíbúðir í Kína til að tapa á því milljörðum króna?

Sjóvá tapar 3,2 milljörðum í Hong Kong

Athugasemdir

[Jakob Þór Haraldsson (IP-tala skráð) 24.6.2009 kl. 17:40]

Vel orðað hjá þér félagi: "Frétt um það að Sjóvá Almennar tryggingar tapi rúmum 3 milljörðum á byggingarstarfsemi glæsihúss í Kína fannst mér með miklum ólíkindum. Raunar er þetta ein birtingarmynd þess bulls sem hefur verið í gangi og nefnd útrás.  Þetta er sorgleg birtingarmynd vegna þess að áður en fjárfestingarbullið byrjaði og Sjóvá-Almennar tryggingar var rekið sem tryggingarfélag þá skilaði það þokkalegum arði og átti digra sjóði." 

Sorglegt hvernig þessir siðblindu og heimsku íslensku viðskitpamenn hafa farið í endarlaust glórulausar "fjárfestingar erlendis...!"  Fyrir 8 árum þá voru bankar & tryggingarfélög hérlendis með digra sjóði - "fé án hirðis...." en nú 8 árum síðar erum við að tala um "hirðir án fjárs...."  auðvitað þurfa okkar íslensku GLÆPAMENN (útrásar skúrkarnir okkar) að SVARA fjölda spurninga tengt hruninu.  Ég vona að þeir hafi eitthvað annað að segja en "okkur urðu á TÆKNILEG mistök...!" - það virkar ekki á einn eða neinn...!

kv. Heilbrigð skynsemi

[Tómas Ibsen Halldórsson, 24.6.2009 kl. 20:58]

Þetta er hreint ótrúlegt.  Það er eins og "höfðingjarnir" hafi þefað upp alla sjóði, hvar sem er, hverju nafni sem þeir voru nefndir og ausið úr þeim sjálfum sér til framdráttar.  Sjóðir s.s. varúðarsjóðir tryggingafélaga, lífeyrissjóðir eða stofnfjársjóðir sparisjóða urðu þessum víkingum að bráð.   Ekkert varð til að seðja græðgi þeirra.

[Halldór Jónsson, 25.6.2009 kl. 23:24]

Getur ekki verið að uppgefið tap þeirra Dalton bræðra sé ekkert tap heldur skattaundanskot ? Þeir bara ljúgi þessu með tapið.

Og það er víst sama uppi á teningnum í Tryggingamiðstöðinni. Þar eru Hrói Höttur Íslands og félagar hans búnir að ryksuga alla bótasjóði til sín. Alveg eins og þeir gerðu í BYR og Glitni.

Af hverju er ekki lengur beitt gæsluvarðhaldi grunaðra manna til þess að hindra það að þeir spilli sakargögnum ?  En sá grunur lék á að Sigurjón digri, Sigurður Einarsson og Hreiðar Már hefðu  mánuðum saman haft aðgang að öllum skjölum fallinna fyrirtækja sinna.

Finnst einhverjum líklegt að þeir hafi verið að bæta við upplýsingum í bókhaldið ?