Jóhanna hvar ert þú nú?

 Fyrir margt löngu söng andstæðingur þáverandi minnihlutastjórnar í Suður Afríku lagið "Give me hope Joanna"  Nú gæti íslensks alþýða sungið með sama hætti, en ríkisstjórn Jóhönnu Sigurðardóttur hefur valdið stórum hópi fólks miklum vonbrigðum.

Í fyrsta lagi verður Jóhanna að freista þess að taka Icesave málið úr þeirri gíslingu sem það er í,  á Alþingi, og leita eftir því við forsætisráðherra í Hollandi og Bretlandi að gera nauðsynlegar breytingar á samningnum. Það er ljóst að við verðum að afgreiða þetta mál sem allra fyrst.  Það er brýn nauðsyn. En það er ekki sama hvernig það er gert og Jóhanna er sú eina sem getur stöðu sinnar vegna leitað nýrra leiða.

   Eða þarf e.t.v. að kalla á forsetann, sem gæti verið snöfurmannlegri í samskiptum við erlenda fyrirmenn?

Í öðru lagi þá verður Jóhanna að setja fram ákveðnar tillögur um það hvað skuli gera varðandi vanda þeirra sem keyptu íbúðarhúsnæði á gengistryggðum lánum skömmu fyrir hrun íslensku krónunnar og koma með ákveðnar tillögur um takmörkun og/eða afnám vísitölubindingar lána.  Þettta var brýnt þegar Jóhanna tók við í byrjun febrúar og er enn brýnna nú. Þessi vandi hleypur ekki frá okkur.

Í þriðja lagi þá þarf að taka til í ríkisbúskapnum, leggja niður óþarfa ríkisstofnanir miðað við aðstæður og draga úr millifærlsum og stykjum einfaldlega vegna þess að geta ríkissjóðs til að fjármagna góðærisævintýrin er ekki lengur fyrir hendi.

Í fjórða lagi verður að hætta framlögum til velferðarkerfis atvinnuveganna og byggja á þeirri starfsemi sem í raun skilar arði. Á sama tíma á að leggja fé í nýsköpun sem líkleg er til að vera arðbær. 

Í fimmta lagi verður að ljúka endurskipulagningu bankanna og miða við að þeir verði reknir með hagnaði eða í jafnvægi en mér er sagt að í dag kosti ríkisbankakerfið 8 milljarða á mánuði.  Sé það rétt þá eru þar þyngri byrðar á þjóðina en Icesave og ljóst að það getur ekki verið markmið ríkissjóð að reka 3 banka alla með miklum halla.

Ríkisstjórn Jóhönnu Sigurðardóttur verður hálfs árs innan nokkurra daga.  Þá er eðlilegt að spurt sé hvort að Jóhanna geti eða sé líkleg til að gefa þjóðinni von um lausn þeirra vandamála sem mest eru aðkallandi?

Athugasemdir

[365, 29.7.2009 kl. 15:51]

Þessi stjórn er ekki fær um að leysa nein mál, hvorki stór né smá.  Gerið þið séð þessa stjórn í anda leiða gamla konu yfir gangbraut?

[Ómar Sigurðsson (IP-tala skráð) 29.7.2009 kl. 18:08]

Þetta er góð grein Jón og góð lýsing á því sem þarf að ráðast í strax. En Óskar þú sýnir ótrúlegann hroka og dramb í þínu svari. Við eigum ekki að kokgleypa öllu sem að okkur er rétt. Það kann vel að vera að við verðum að greiða þessa skuld sem við skuldum ekki, en það þarf að vera einhver skynsemi í lausninni. Á hverjum degi koma fram meinbugir á þessum samning, og það er ekki meirihluti fyrir honum á alþingi. Hvers vegna heldur þú að það sé Óskar? Í skoðanakönnunum hefur áttatíu prósent þjóðarinna sagst vera andvíg samningnum. Svo er nú alveg kapituli út af fyrir sig að maður sem ekki hefur neina lögfræði eða viðskiptamenntun skuli hafa verið fengin til að stýra samningagerðini. Kommarnir eru alltaf sjálfum sér líkir.

[Einar Björn Bjarnason, 29.7.2009 kl. 18:40]

8 milljarða halli á mánuði, er svakaleg tala.

þetta er sennilega byrtingarmynd þess, að bankarnir eru í dag að halda rekstri fjölmargra fyrirtækja uppi, sem eru í raun gjaldþrota - og eru í svokallaðri gjörgæslu.

Þetta falsar, í raun atvinnuleysistölur, sem væru sennilega allt að 2. falt hærri, ef þessum fyrirtækjum hefði verið einfaldlega hleypt í gjaldþrot.

Má velta fyrir sér, hvort þetta svari kostnaði.

Því, ef þetta heldur áfram, þá einfaldlega þverr eigið fé bankanna og þeir verða áfram lamaðir til útlána, með tilheyrandi vandræðum fyrir þjóðfélagið sem skapast ef bankakerfið heldur áfram að vera lamað til lengri framtíðar.

Kv.

[Ágúst H Bjarnason, 29.7.2009 kl. 20:21]

Jóhanna má ekkert vera að þessu. Hún er nefnilega í sumarleyfi samkvæmt kvöldfréttum Sjónvarpsins.  Hún þarf frí eins og aðrir, sagði Steingrímur.

Kannski forsetinn sé betri kostur í þetta verkefni, þrátt fyrir allt?

[Gísli Ingvarsson, 29.7.2009 kl. 20:45]

Alþingi Íslendiga ber ábyrgðina á því að svona er komið fyrir Jóhönnu reyndar með dyggri stjórnarandstöðu VG. Ég hélt alltaf að Sjálfstðisflokkurinn væri alvöru stjórnmálaflokkur með ábyrgð þjóðarbúsins sem höfuð verkefni. Að þessi flokkur hefði slysast til að vera höfundur að mesta tjóni sem þjóðin hefur valdi sjálfri sér síðan á Sturlungaöld. Í ljós hefur komið að svo er ekki. Skemmdaverkarstarfið heldur áfram. Snilldin var að rugla svo VG og Borgaraflokkinn að forysta sjálfstæðisflokksins hefur fengið langþráð sumarfrí.

[Gísli Baldvinsson (IP-tala skráð) 29.7.2009 kl. 21:15]

Jóhanna er reyndar í smá fríi, en við símann! Nú er lögð nótt við dag til að ná breiðri samstöðu um IC-reikninginn enda má það ekki frestast enn og einu sinni afgreiðsla AGS. Hvort sem okkur líkar betur eða verr, þá er rakspottinn þar. Með gögnum sem farin eru frá stjórnvöldum er ma. rammi að fjárlögum sem taka á þessum hlutum sem þú nefnir. Þú veist auðvitað aðkomu forsetans skv. stjórnskipunarlögum! Viltu útfæra/skýra fjórða liðinn. Hann er mér óskýr. 2. og 5. liður eru handan við hornið. Endurskipulagning bankanna tengist heldur betur afgreiðslu AGS. Það sem veldur nú áhyggjum er hótun flokksmanna þinna um málþóf. Að sátt er sannarlega unnið sem þú hlýtur að vita þarna hinu megin.

[Sigurgeir Jónsson, 29.7.2009 kl. 21:16]

Tíminn vinnur með Íslendingum í icesave málinu.Staða Breta og Hollendinga og alls ESB er ekki eins góð í því máli eins og talsmenn samningsins vilja vera láta.Krafa ESB ríkjanna og EES ríkjanna tveggja um að samningurinn verði samþykktur með hraði sýnir að vantrú eykst á ESB í Evrópu og heiminum öllum ef Íslendingar láta ekki kúga sig.Orð franska sendiherrans um mikilvægi Íslands vegna norðurslóða sýnir að ESB er greinilega hrætt um að Íslendingar snúi sér frá Evrópu og það eigum við að gera.Evrópa verður orðinn að fátæku gamalmennahæli eftir 30 ár.