Ríkisstjórnin mótmælir

Það er fátítt í lýðræðisríkjum að ríkisstjórnir grípi til sérstakra mótmæla í ályktunarformi. Það gerðist þó í gær þegar ríkisstjórn Íslands sá ástæðu til að mótmæla mótmælum og aðför að heimilum dómsmálaráðherra og forstjóra álbræðslunnar í Straumsvík.

Af gefnu tilefni velti ég því fyrir mér hvort ekki var sama ástæða til að koma þessum sjónarmiðum ríkisstjórnarinnar á framfæri þegar aðför var gerð að heimilum annars fólks eins og staðið hefur yfir í tæpt ár.  Má e.t.v. gera aðför að heimilum sumra en ekki annarra? 

Ég hef fordæmt þessi hermdarverk óháð því að hverjum þau beinast.  Sjálftökufólk réttlætisins hafa aldrei reynst góðir dómarar og rýfur jafnan öryggi og innanlandsfrið.  Þess vegna þarf allt ábyrgt fólk að fordæma brot á friðhelgi einstaklinga og heimila þeirra óháð því hverjir eiga í hlut.

Ég velti því líka fyrir mér hvernig mótmæladrottningin frá því í janúar 2008, Álfheiður Ingadóttir heilbrigðisráðherra, og þeir aðrir sem sitja í ríkisstjórninni og  studdu aðförina að Alþingi, ríkisstjón, Seðlabanka og Fjármálaeftirliti greiddu atkvæði um þessi einstöku mótmæli ríkisstjórnar Jóhönnu Sigurðardóttur.

Athugasemdir

[Rauða Ljónið, 21.10.2009 kl. 11:30]

Sæll. Jón það er engin álbræðsla í Straumsvík þar er áliðjuver álbræðsla er allt annar iðnaður og hefur verið notaður sem niðrændi orð og ummæli yfir þá starfsemi að vinstri mönnum og kommúnistum.

Álfheiður Ingadóttir ætli hún hafi verði sammála á ríkisstjórnarfundinum, konan sem studdi árás ofbeldismanna hún var þar í hópnum á lögreglustöðina og sagði aðgerðasinn vera vini sína og hið bestafólk er nú kominn til æðstu metorða með stuðningi Steingríms J. Sigfússonar og velþóknun Jóhönnu Sigurðardóttir.
Hinn 20. janúar urðu menn í þinghúsinu vitni að því að Álfheiður var í símasambandi við þá, sem gerðu árás á þinghúsið. Hún gerði einnig hróp að lögreglu, þegar hún flutti handtekna til geymslu í bílakjallara þingmanna. Í þingsalnum var hún með hróp og köll þótt hún sleppti sér ekki á sama hátt og fyrir þá er utanstóðu.

Kv. Sigurjón Vigfússon

[Birgir Viðar Halldórsson, 21.10.2009 kl. 13:52]

Álfheiður hlýtur að hafa farið af ríkisstjórnarfundi þegar þetta var rætt og samþykkt... konan sem studdi árás á lögreglustöðina fyrir nokkrum mánuðum.

[Jón Magnússon, 21.10.2009 kl. 18:01]

Það er rétt að það er álver en ekki álbræðsla og þú segir heldur betur fréttir. Þakka þér fyrir það.

[Jón Magnússon, 21.10.2009 kl. 18:02]

Það er ákkúrat það sem ég velti fyrir mér Birgir hvort hún hafi staðið að þessari ályktun.

[Halldór Jónsson, 23.10.2009 kl. 16:54]

Það heyrðust engin mótmæli þegar skríllinn stóð í kringum hús Davíðs nótt eftir nótt með háreysti og ófrið svo gekk nærri heilsu Ástríðar. Það er eins og þú segir Jón, réttlætið og mannvirðingin fer eftir því hver á í hlut. Álfheiður hefur verið sjálfsagt vel upp alin í foreldrahúsum.