Ráð undir rifi hverju

Þegar aðilar vinnumarkaðarins gera ítrekaðar tilraunir til að stjórna þjóðfélaginu með undirliggjandi hótunum bregst stjórnmálamaðurinn Steingrímur J. Sigfússon við af einurð og festu. Ekki skortir hann hugmyndir.

Sameinaður þrýstihópur verkalýðs og atvinnurekenda mótmælir fyrirhuguðum orku- og umhverfissköttum og formaður vinstri grænna segir það vera í lagi aðeins þurfi að finna nýja skatta.  Þó hugmyndaríkur sé þá sér vinstri græni formaðurinn og fjármálaráðherrann þá helstu lausn á hverjum vanda að auka skattlagningu. Lausnin var ekki langt undan. Hækka á tryggingargjald sem mun auka launakostnað fyrirtækja og auka atvinnuleysi. Forseti ASÍ fann bæði  hægri og vinstri hringleið til að útskýra að sú leið væri fín fyrir verkalýðinn.

Þetta er frábært úrræði. Samkvæmt álagningaskrá tryggingagjalds greiðir ríkissjóður tæpan fjórðung þess. Sveitarfélögin og fyrirtæki þeirra og ríkisins greiða síðan stærsta hluta tryggingagjaldsins. Með sama áframhaldi og hugmyndaauðgi og stefnufestu verður ríkissjóður skattlagður meir og meir til að eyða ríkissjóðshallanum. 

Athugasemdir

[Sigurbjörg Eiríksdóttir, 30.10.2009 kl. 11:21]

Já svona er þetta. Ekki gæfulegt. Góð grein hjá Kristjáni Gunnarssyni í Mogganum í dag.

Kveðja af Suðurnesjum.

[Gunnar Th. Gunnarsson, 30.10.2009 kl. 13:07]

Sérstakur verndari vinstrimanna og "álitsgjafi" úr HÍ, Stefán Ólafsson, gagnrýndi ríkisstjórn Sjálfstæðismanna fyrir að skatttekjur ríkissjóðs hefðu aukist, og það þrátt fyrir að sumir skattar væru aflagðir og skattprósenta minnkuð í öðrum.

Væri ekki brilljant ffyrir Steingrím að fá góð ráð hjá Sjálfstæðismönnum. Samkvæmt Stefáni þá kunna þeir þetta

[Jón Magnússon, 30.10.2009 kl. 23:28]

Já honum er margt til lista lagt Sigurbjörg.

[Jón Magnússon, 30.10.2009 kl. 23:30]

Ég held að þessi vinstri stjórn ætti að fá ráð hjá þeim sem hafa prédikað sparnað og ráðdeild alla tíð í ríkisrekstrinum. Það þarf virkilega á því að halda í dag. En því miður þá verður ekki séð að stjórnmálastéttin átti sig nægjanlega á því.