Kák

Ríkisstjórnin boðar nýja skatta og hækkaða skatta eftir atvikum. Svo virðist sem það sé ekki nákvæmlega útfært en hins vegar ljóst að ríkisstjórnin stefnir að því að skattleggja hinn vinnandi mann sem fyrst inn í atvinnuleysis- eða örorkubætur.  Hvatinn til að vinna hverfur.

Skrýtið að Steingrímur J. Sigfússon sem árum saman talaði um að fjármagnsskatturinn væri allt of lágr skuli ekki vera með  tillögu um að hækka hann. Hvað skyldi valda því? 

Ríkisstjórnin virðist ekki sammála um neitt nema að hækka skatta en það er ekki ljóst hvaða skatta nema skatta hins vinnandi manns og skatta á bílinn hans.  Skyldi þessi stefna ríkisstjórnarinnar vera til þess fallinn að draga úr atvinnuleysi eða efla markaðsstarfsemina í þjóðfélaginu?

Athugasemdir

[Guðbjörn Guðbjörnsson, 10.11.2009 kl. 11:52]

Hálfkák og varla það!

[Sigrún Jóna (IP-tala skráð) 10.11.2009 kl. 15:07]

það þarf nú meira til en hækkuð skattprósenta, að verða öryrki.

Og mikið eiga þeir gott, sem halda að einhver vilji missa heilsuna og verða óvinnufær, en að geta notið þeirra lífsgæða að vinna hitta fólk og vera hluti af samfélaginu.

Það eru ekki öryrkjar. ekki fyrr en þeir verða 67 ára og eru þá skilgreindir sem eldri borgarar og bætur lækka um svona ca 20%

Vona bara að ég verði alheil af mínum meiðslum sem gerðu mig að öryrkja, á 10-20 sekúndum. 

Jón Magnússon, þú mættir og ættir að halda örorkunni utan við þessar skattabreytingar. Enginn vill tala, eða blogga um okkur, þegar við erum eina stéttin sem kjör skerðast hjá, eins og 1.júlí 2009.

Eða þegar loforð eru svikin við okkar hóp.

[Jón Magnússon, 10.11.2009 kl. 15:28]

Þú ert að misskilja Sigrún ég er ekki að tala um þetta öðruvísi en með þeim hætti að þessi skattlagning hrekur fólk út í ákveðna hluti. Kannastu ekki við að þrælavinna geti gert fólk að öryrkjum? Það er með þeim hætti sem ég var að fjalla um málið. Leitt að þú skyldir misskilja þetta.

[Jón Magnússon, 10.11.2009 kl. 15:29]

Nei því miður Guðbjörn en það er allt annað sem við þurfum núna.