Uppgjöf ríkisstjórnarinnar

Ríkisstjórnin hefur ekki mótað neinar marktækar tilraunir til að draga úr ríkisútgjöldum. Afleiðingin er sú að hækka á skatta á fólkið í landinu. Ríkisstjórnarskatturinn er hluti af aðgerðarleysiskostnaðinum  sem Mats Josefsson ráðgjafi ríkisstjórnarinnar benti á fyrir nokkru að mundi gera kreppuna hér verri og dýpri en hún hefði þurft að vera.

Fólk sem horfir fram á gríðarlegar skattahækkanir spyr sig eðlilega að því af hverju ríkisstjórnar- og embættismannabruðlið heldur áfram eins og ekkert sé. 

Hvað með að leggja niður Varnarmálastofnun, sendiráð, sameina ríkisbanka????

Nei Steingrímur ætlar að koma á fót nýjum ríkisstofnunum.  Væntanlega næst ríkissparisjóðum þegar þrír ríkisbankar eru til staðar í landinu.

Ríkisstjórn sem hefur þær einu tillögu að skattpína fólkið í landinu þarf að víkja,

Athugasemdir

[Sigurður Þórðarson, 18.11.2009 kl. 19:26]

Mikið erum við sammála.

Utanríkisþjónustan er ofvaxin miðað við stærð þjóðarinnar. Varnarm´lastofnun og Fiskistofa ættu að leggjast niður og starfsemi þeirra eftir  því sem þörf krefur að fara í Landhelgisgæsluna sem ætlað er að sinna þessu hvort sem er. Sennilega verður ekki nema einn ríkisbanki, Landsbankinn, sem menn eru ekki sammála um hvað stendur vel eftir að honum var gert að yfirtaka skuldabréf á umdeildu verði. 

 Talsmaður neytenda er að sinna því sama og Neytendasamtökin  og sama má segja um hina ýmsu talsmenn jafnréttis og mannréttinda þ.m.t. barna. Er brýn þörf fyrir samkeppnsi- og neytendastofu sem er stjórnsýsla og öllum ákvörðunum þeirra er hvort sem er hægt að vísa til dómstóla?  Ríkisstjórnin virðist ekki vera að hugsa á þessum nótum, þvert á móti á að opna "Fjölmiðlastofu" og eftirlitsiðnaðurinn á að dafna. 

En til að gæta allrar sanngirni þá er enginn flokkur að halda fram þessum sjónarmiðum, því miður. 

[Gústaf Níelsson, 18.11.2009 kl. 20:19]

Mætti ekki líka draga úr fæðingarorlofssplæsinu, sem er áætlað nærri 10.000 milljónir í kreppufjárlagafrumvarpinu?

[Jón Magnússon, 19.11.2009 kl. 16:58]

Þetta er allt saman satt og rétt hjá ykkur Sigurður og Gústaf. En það þarf fleiri hugmyndir en þetta. Síðan er það spurningin þegar verið er að skattleggja þjóðina upp úr öllu valdi hvort ekki sé rétt að fella niður alla skattaafslætti fyrir suma.