Svínaflensan ógurlega

Nú er komið í ljós að svínaflensan svokallaða er mildasti heimsfaraldur sem sögur fara af. Í byrjun maí mátti skilja á fréttamiðlum að þvílíkt fár væri í uppsiglingu þar sem svínaflensan var að Spánska veikin sem gekk yfir 1918 væri barnaleikur miðað við það sem nú væri í vændum. Ég var staddur erlendis á þessum tíma og dag eftir dag snérust heilu fréttatímar heimsféttamiðlana um þá ógn sem mannkyni öllu stafaði af svínaflensunni. Ferðir milli landa voru takmarkaðar og ferðamannaiðnaður Mexícó lagður í rúst.

Svo reyndist þetta ægilega fár geisa fyrst og fremst í fjölmiðlum. Samt sem áður dugði það til að æra fólk og ríkisstjórnir þannig að milljarðar skiptu um hendur vegna fjölmiðlaógnarinnar.  Nokkru áður komu fjölmiðlar á þeirri ógnarspá að fuglaflensa mundi verða ægilegasti faraldur allra tíma. Afleiðing þess var að milljónum fugla var slátrað og menn veltu því fyrir sér hér á landi hvaða varnarviðbúnað yrði að setja upp til að farfuglarnir kæmu ekki hingað ósótthreinsaðir. Svo hvarf sú vá.

Það er alltaf verið að finna upp nýja og nýja váboða. Stefnulausir stjórnmálamenn eru fljótir að renna í fjölmiðlaslóðina til að freista þess að slá sig til riddara sem baráttufólk gegn vánni. Þeir krefjst þess að gripið verði til dýrra aðgerða og það án tafar á kostnað almennings. Þannig hefur það verið með svínaflensuna og fuglaflensuna. 

Sama gildir e.t.v.  um loftslagsbreytingarflensuna?

Athugasemdir

[Jenný Stefanía Jensdóttir, 17.12.2009 kl. 00:58]

Sæll,

Geri ráð fyrir að þú hafir fylgst með fréttum af H1N1 utan úr heimi, og fagna því ef þú hefur einhvers staðar séð (sem ég hef ekki) að þessi útbreiðsla sé mild!   Veiran er að byrja að stökkbreyta sér, og ef víðtæk bólusetning hefur orðið til þess að "milda flensuna" þá er það stórkostlegt.

Pistillinn þinn hljómar hins vegar svona "told you so, paranojurnar ykkar".  Það sem Íslendingar þurfa hins vegar að hafa verulegar áhyggjur af, ekki ef, heldur þegar næsti faraldur geisar, er gífurlega hröð útbreiðsla í litlu samfélagi.   Helsta vörn við veiruflensu er "handþvottur" og undanfarna mánuði, hef ég tekið eftir því hér í Kanada að hjá öllum fyrirtækjum, almenningssalernum, og þar sem fjöldi fólks sækir, er búið að planta brúsum með handsótthreinsiefni á alla mögulega og ómögulega staði.

Þetta er líklega paranoja, en jafn líklegt að útbreiðsla á svínaflensu hefði náð Íslandsmeti, ef aðgengi að sótthreinsiefnum og áróður fyrir handþvotti væri eins ríkur og raun ber vitni. 

Knock on wood!

[Jón Magnússon, 17.12.2009 kl. 09:31]

Það var frétt um þetta í Fréttablaðinu í gær Jenný. Þar var vísað í Bresk heilbrigðisyfirvöld sem segja að um hundrað sinnum lægra dánarhlutfall sé í svínaflensunni en Spænsku veikinni. Einnig er vitnað í bandarísk yfirvöld sem telja að um mildasta heimsfaraldur sé að ræða. Ekki veit ég um stökkbreytingarnar en mér er nær að halda að það sé viðbótarógn sem haldið er að fólki án mikillar innistæðu.

Ef pistillinn hljómar eins og þú segir þá var það ekki meininginn. Ég var að skrifa út frá frétt. Jenný ég er innilega fylgjandi almennu hreinlæti þar á meðal handþvottum og tek undir með þér hvað það varðar. 

Meiningin mín var fyrst og fremst að benda á hvað fjölmiðlar fara oft offari í umfjöllun sinni og hvaða áhrif það hefur á stjórnmálamennina. Það hefði verið betra hefðu þeir haldið ró sinni og bent fólki á almennt hreinlæti í stað þess að grípa til rándýrra óþarfra ráðstafanna.

[Alex (IP-tala skráð) 17.12.2009 kl. 17:31]

Einu sinni gáfu stjórnmálamenn fólki drauma, en þegar ekkert rættist og fólk fór að missa áhugann á blaðrinu í þessum trúðum þá þurfti að breyta  taktikinni til að ná til fólks. Núna eru bara martraðir í boði

[Jón Helgi (IP-tala skráð) 17.12.2009 kl. 20:40]

Eitthvað um hálfu ári áður en spænska veikin 1918 gekk yfir var væg flensa í gangi eins og er nú, allt stökkbreytt afbrigði af sömu veirunni, kallast deadly second wave á ensku. og þetta var árið 1918 og 1/3 af öllu mannkyninu veiktist, þetta var á tímum lítilla manganga, svo til engar flugvélar. því fleiri sem veikjast því meiri möguleikar á stökkbreytingu, því meiri möguleikar á sterkara afbrygði. þróun i eðli sínu. Það er ekkert bull í gangi hér þetta hefur gerst áður, menn eiga að læra af fortíðinni er það ekki?

[Ár & síð, 17.12.2009 kl. 21:11]

Spænska veikin kom fyrst fram sem væg flensa fyrri hluta árs 1918 en stökkbeyttist svo í drápspestina miklu. Auðvitað má segja sem svo að það hafi verið fáránlegt af Kanadamönnum að lýsa yfir neyðarástandi þegar fjórir höfðu látist en kannski urðu þessi rosalegu viðbrögð um heim allan, stöðugur sprittþvottur, bólusetningar og varúð, til þess að stökkbreytt veira hefur enn ekki náð að gera sig gildandi. Það má jafnvel bera þetta saman við öryggisbelti í bíl, það eru nær engar líkur á að ég lendi í slysi á þessum 4-5 km sem ég ek til vinnu en samt spenni ég beltið - til að vera viss. Og ætli bætt húsakynni, næring og margt annað stuðli ekki að lægri dánartölu líka?

[Halldór Jónsson, 20.12.2009 kl. 21:11]

Spánska veikin, hvort hann hét H2N1, drap hundrað milljón manns. Indverjinn Chandra er með þá kenningu að vírusinn hafi komið utan út geimnum með kómetu og dreifst um alla jörð. Þetta byggir hann á því að veikin gekk samtímis á öllum stöðum jarðarinnar án þess að flugsamgöngur væru fyrir hendi.

Minn lænir segir að allr bólusetningar hressi ónæmiskerfið. Ég er sjálfur sannfærður um góð áhrif innflúensubólusetninga sem vörn við kvefi og umgangspestum. Ég held a' það sé margar skræfur sem eru hræddir við nálar sem eru mest á móti bólusetningum