Á þeirra kostnað

Óteljandi eru samstöðufundir, heimsóknir og fjálgleg ræðuhöld, leiðtoga NATO ríkja síðustu 3 ár. Þau hafa hvatt Úkraínumenn til dáða á vígvellinum og afhent þeim vopn þannig að þeim mætti sem best duga í baráttunni við "illyrmið" Pútín.

Stöðugt var hamrað á að landamæri væru heilög og Úkraínumenn þyrftu að vinna fullnaðarsigur á Rússum. Þau heilögu landamæri voru dregin af alræmdasta kommúistaleiðtoga Sovétríkjanna sálugu,í lok síðari heimstyrjaldar og síðan við skiptingu á dánarbúi Sovétríkjanna á síðasta áratug síðustu aldar.

Hvattir áfram sérstaklega af Bandaríkjunum sem lögðu fram mikið fé, en einnig ríkjum Evrópu sem lögðu einnig fram mikið fé til að halda stríðsrekstrinum gangandi, tóku Úkraínumenn á sig miklar fórnir þar sem hundruðum þúsunda ungra manna var att fram á vígvöllinn. Ekki fæst upplýst hvað margir þeirra féllu, en ljóst að mannfall var mikið. Gjörspillt yfirstétt Úkraínu hélt samt sínu striki og makaði krókinn enda Úkraína gjörspilltasta land Evrópu fyrir stríðið og varla skánaði það við stór "gjafir" NATO ríkja. 

Nú krefjast Bandaríkjamenn að fá endurgreitt það sem þeir lögðu fram af fjármunum til Úkraínumanna með því að fá veð í helstu þjóðareignum Úkraínu, en í ljós kom, að ýmis stærstu ríki Evrópu höfðu þá þegar gengið frá endurgreiðslu samningum vegna framlags þeirra til að viðhalda stríðinu. 

Verður þá öll þjóðareign Úkraínu seld eða veðsett hinum öflugu talsmönnum frelsisins, sem hver um annan þveran þyrptust til Kænugarðs aftur og aftur til að tala kjark í Úkraínumenn með fyrirheit um órofa stuðning. 

Verða þá breytingar á landamærum Úkraínu þegar upp er staðið minnsta málið en aðalmálið stærsta framsal þjóðarauðs Úkraínu til stærstu ríkja Vesturlanda? 

Ætla Vesturlönd með Bandaríkin í broddi fylkingar þegar upp er staðið að gera Úkraínu að lénsríki sínu og innheimta stríðsskaðabætur vegna stríðsins sem þau stóðu í raun fyrir. Það  gæti orðið þessu fátæka landi svo þungbært að Úkraína gæti aldrei risið undir því ekki frekar en Þjóðverjar vegna Versalasamninganna 1919, eða Haiti búar vegna nauðungarsamninga við Frakka á sínum tíma. 

Fari svo þá eru mestu svikin við Úkraínu framundan. Svik sem binda landið á skuldaklafa til allar framtíðar? 

Vorum við sem kölluðum eftir friði strax í upphafi stríðsins fyrir þrem árum þá e.t.v. einu raunverulegu vinir Úkraínu og fólksins þarna í Austurvegi?

 

 

Stórsigur AFD. Sama fylgi og Samfylkingin

 Hægri flokkurinn Alternative für Deutschland (AFD) fékk 20.8% atkvæða í  þýsku kosningunum í gær eða nákvæmlega sama fylgi hlutfallslega og Samfylkingin.

AFD tvöfaldaði fylgi sitt og er ótvíræður sigurvegari kosninganna, þó að Kristilegir (CDU/CSU) eru að fá næstverstu úrslit flokksins þó þeir bæti við sig atvkæðum á meðan AFD tvöfaldar fylgi sitt.

AFD berst fyrir því að tekin verði upp ákveðnari stefna í málum hælisleitenda. Þess vegna er því haldið fram að þeir séu öfga hægri flokkur og megi ekki komast í ríkisstjórn. 

Helsta innlegg Sósíalistaflokks fráfarandi kanslara í kosningabaráttunni var að gangast fyrir útifundum ásamt hinum "lýðræðislegu" kommúnistum í vinstri flokknum til að mótmæla því að fólk kysi AFD eða AFD kæmist í ríkisstjórn.

Var einhver að tala um fasisma?

En svo fór að Sósíalistar guldu afhroð og töpuðu meira en þriðjungi fylgis síns. Sósíalistum finnst samt að þeir eigi að vera í ríkisstjórn þó fólk hafni þeim af því að þeirra mati hvar svo sem er í heiminum eru þeir áskrifendur að stórasannleikanum í þjóðfélgsmálum. 

Það er ógæfa miðhægri flokka eins og CDU/CSU í þýskalandi að fallast á það að úthýsa beri skoðunum AFD, en allir aðrir þar á meðal kommúnistar séu eðlilegri valkostur. Þessi sjónarmið í ýmsum Evrópulöndum hefur leitt til þess að sósíalistar hafa haldið um stjórnartaumana í löndum eins og Frakklandi, Þýskalandi og Svíþjóð lengi vel. 

Kanslaraefni kristilegra á þann valkost að mynda hægri stjórn með AFD eða hefja nýja eyðimerkurgöngu með sósíalistum eins og Angela Merkel. Svo gæti þá farið að AFD tvöfaldaði enn fylgi sitt í næstu kosningum.

AFD lýðræðislegur flokkur og starfar eftir lýðræðilegum meginreglum. Hvað réttlætir þá að gefa það út að þeir séu óstjórntækir? 

Hætt er við að Þjóðverjum finnist þeir hafa verið sviknir ef næsta ríkisstjórn Þýskalands verður samstjórn Kristilegra og Sósíalista. Þá breytist ekkert og sama helstefna að skipta um þjóð í landinu heldur áfram.

Já og hryðjuverkin munu ef eitthvað er færast í aukana. Sífelld fleiri Þjóðverjum finnst með réttu nóg komið. 

Baráttan um buxurnar

Jón Gnarr þingmaður Viðreisnar lét til sín taka á löggjafarþingi þjóðarinnar í gær. Í fyrsta lagi náði hann að stela athyglinni með því að gera mikið veður út af því að hann hefði klæðst í gallabuxur.  Fréttastofu RÚV fannt það aðalatriðið í fréttaflutningi frá Alþingi í gær. Þó var sérstök umræða um strandveiðar. 

Jón Gnarr var að vandræðast með það, hvort hann væri klæddur að heldri manna sið og í samræmi við það sem eðlilegt er á Alþingi, þegar  hann skrýddist gallabuxunum. Í sjálfu sér átti þessi sjálfhverfa sýniþörf Jóns Gnarr lítið erindi við almenning. 

Þessi umræða er ekki ný, en RÚV finnst hún alltaf jafn merkileg. Einfaldleiki málsins varðandi klæðaburð alþingismanna er að það er ekki skylda að vera í einkennisbúningi heldur snyrtilega klæddur. Sumir róttækir þingmenn, sem hafa lítið til málanna að leggja annað en vekja á sér athygli, hafa iðulega mætt eins og skítakamrar til fara og talið það innlegg í þjóðmálabaráttuna. Með því eru þeir að gera lítið úr sjálfum sér og draga úr virðingu Alþingis.

En Jón Gnarr náði að auglýsa gallabuxurnar sínar vel og öllu minni athygli vakti samt ræða hans um strandveiðar, þar sem hann minntist á það í upphafi umræðnanna að hann hefði raunar ekkert vit á strandveiðum og vissi meira um landbúnaðarmál. Að sjálfsögðu var því við hæfi að þingmaðurinn blandaði sér í umræðuna sem hann segist ekkert vit hafa á. En óháð þessu sjálfsmati Jóns Gnarr, þá var ræða hans um strandveiðar mun betri en hugsvölun sýniþarfar hans á gallabuxunum sínum.

Hótel fyrir heiminn þ.á.m.hryðjuverkafólk.

Í gær fimmtudag ók afganskur hælisleitandi inn í hóp fólks og slasaði 30 manns suma lífshættulega í München í Þýskalandi.

Þ. 20. desember s.l. ók hælisleitandi frá Sádi Arabíu á fjölda fólks á jólamarkaði í Magdeburg í Þýskalandi, 6 dóu og 299 slösuðust sumir lífshættulega.

Í ágúst s.l. myrti sýrlenskur Íslamisti þrjá einstaklinga og særði 8 til viðbótar á hátíð fjölbreytileikans í Solingen í Þýskalandi

Árið 2016 var það hælisleitandi frá Túnis, sem framdi samskonar hryllings hryðjuverk í Berlín.

Þessi hryðjuverk og mörg önnur hafa gjörbreytt Þýskalandi. Rólegu huggulegu stundirnar sem þýskar fjölskyldur áttu áður á jólamörkuðum og álíka eru ekki lengur í boði nema að viðhafðri mikilli lögregluvernd og steinblokkum sem takmarka möguleika hryðjuverkafólks á því að aka inn í mannþröngina.

Samt tekst þessum meindýrum of oft að framkvæma hryðjuverkin.

Því er jafnan neitað af evrópskum stjórnmálamönnum, íslenskum þar á meðal að það sé samhengi á milli innflytjendastefnu löglegra en þó frekar ólöglegra og fjölgun glæpa þ.á.m. hryðjuverkum.

Það verður aldrei umflúið, að þegar þú flytur inn fólk hvaðan æva úr heiminum, þá flytur þú líka inn öll heimsins vandamál.

Á þetta benti Douglas Murray (DM) skilmerkilega á í bók sinni Dauði Evrópu, sem kom út fyrir 10 árum, en þrátt fyrir gildar ábendingar og varnaðarorð og jafnvel hrós hefðbundinna stjórnmálamanna, þá brást stjórnmálaelítan ekki við að neinu leyti.

Hann benti líka á að með sama áframhaldi yrði ekkert eftir lengur sem héti þjóðleg einkenni eða þjóðleg gildi. Við hefðum gert Evrópu að hóteli og heimili fyrir allan heiminn. Við erum á vondri leið í þá átt að eiga ekkert land fyrir okkur, engin þjóðleg gildi eða sameiginlega þjóðlega menningu og arfleifð.

Barnabörnin okkar munu því ekki ef svo heldur áfram sem horfir upplifa það íslenska sem hefur um aldir verið bústaður og vistarvera á Íslandi og þurfa að sætta sig við það, að íslenska verði ekki lengur gilt samskiptamál í Reykjavík árið 2050. 

Er það eftirsóknarvert?

Friður í Úkraínu

Utanríkisráðherra og forseti Íslands sögðu eftir að Trump var kosinn forseti Bandaríkjanna, að veður gerðust nú vályndari og ófriðarhætta magnast. Á hverju skyldu þær hafa byggt þær skoðanir?

Ísland hefur ekki verið boðberi friðar í stríðinu í Úkraínu, þvert á móti því miður og illu heilli lokað sendiráðinu í Moskvu í stað þess að nota það m.a. til að tala fyrir friði.  

Stefna Biden var sigur Úkraínu. Það voru gjörsamlega óraunhæf markmið, en samt tóku þáverandi og núverandi utanríkisráðherrar Íslands undir þá stefnu,í stað þess að vera málssvarar friðar. Farið var fram óðslega gegn Rússum, sem bitnaði fyrst og fremst á íslenskum framleiðendum, sem urðu af milljarðatekjum vegna fráleitrar hernaðarstefnu Íslands.

Trump talar fyrir friði og í gær talaði hann við Putin um friðarsamninga. Trump sagði að þeir væru sammála um að stöðva mannfórnir í milljónatali, en byrja friðarsamninga strax til að ljúka stríðinu í Úkraínu. 

Trump talaði líka við Zelensky um símtal sitt við Pútín og um friðarviðræður, sem munu  byrja á morgun föstudag. Zelensky sagði að Trump hefði gert honum grein fyrir viðtalinu við Pútín og að Úkraína og Bandaríkin væru að setja saman tillögur um að stöðva frekari árásir Rússa og koma á varanlegum friði.

Af hverju var þetta ekki gert fyrr? Af hverju gerði Biden aldrei neitt til að stöðva þessar hrikalegu mannfórnir eða Þórdís Kolbrún og síðan Þorgerður Katrín að tala fyrir friði. Sennilega hefur meir en milljón ungra manna fallið vegna þeirra afglapa að stuðla ekki strax að vopnahléi og friðarsamningum. 

Svo er spurningin hvar þær eru staddar utanríkisráðherra og forseti lýðveldisins og fleira íslenskt valdhrokafólk, þegar það  talar um vaxandi óveðursblikur og vaxandi líkur á stríðsátökum með valdatöku Trump. 

  

Heitt eða kalt

Í stórblaðinu Financial Times (FT) í gær var frétt um að rannsóknir ákveðinna vísindamanna sýndu, að  hitastig mældist hærra en fyrr og nýliðinn janúar hefði verið  meiri en viðmið Parísarsamkomulagsins um hlýnun á öldinni. Vísindamennirnir eru að sjálfsögðu gildir prelátar loftslagskirkjunnar.

Í sama blaði var grein,þar sem fjallað var um þrjá einstaklinga sem hefðu dáið úr kulda vegna þess hve kalt hefði verið í miðvesturríkjum Bandaríkjanna í janúar. 

Svo kom frétt um að verð á gasi í Evrópu væri það hæsta í meir en tvö ár vegna mikilla kulda í norðvestur Evrópu og Asíu í janúar og spáð væri áframhaldandi kulda sem mundi auka eftirspurnina og valda enn auknum verðhækkunum á gasi.

Hvar er nú hitinn sem prelátar loftslagskirkjunnar mæla. Það er greinilegt að mælar loftslagskirkjunnar mæla eftir hentugleikum með sama hætti mælar og svikamylla loftslagsráðs Sameinuðu þjóðanna sem var afhjúpað á sínum tíma fyrir að ljúga vísvitandi um mikla bráðnun í Himalajafjallgarðinum. Sennilega taka þeir Sölva heitinn Helgason lífskúnstner á þetta.

Er ekki kominn tími til að segja sig frá Parísarsamkomulaginu og hætta að skattleggja neytendur og greiða milljarða í þessa svikamyllu loftslagskirkju og Davos miljarðamæringa.

Fréttin um kuldana í Evrópu er raunveruleg og það sem fólkið finnur. En hitametin eru bara á hitamælum sanntrúaðra. 

Er ekki kominn tími til að segja sig frá þessari vitleysu og hætta að senda milljarða af skattfé einstaklinga í þetta rugl. 

 

Okkar er réttlætið.

Í kosningabaráttunni í Þýskalandi krefjast sósíaldemókratar að stjórnmálaflokknum Valkostur fyrir Þýskaland(AFD) (Alternative für Deutschland) verði haldið fyrir utan allt og enginn stjórnmálaflokkur vinni með þeim.

Skv. skoðanakönnunum mælist fylgi AFD 22% en sósíalistanna 17%, samt  telja sósíalistarnir það lýðræðislegt að flokkur sem hefur fylgi um fjórðung kjósenda og er stærri en þeir sjálfir, verði haldið frá öllum lýðræðislegum áhrifum. 

Hvað réttlætir að svonefndur lýðræðislegur stjórnmálaflokkur í lýðræðislandi hossi sér svo í háhæðum, að hans eins sé mátturinn og dýrðin og geti og megi segja til um hvort að skoðanir annarra séu hæfar eða óhæfar. Er rétt eða lýðræðislegt að virða skoðanir fjórðungs kjósenda að vettugi. 

Hvað hefur svo AFD til saka unnið? Raunar ekki annað en að segja sannleikann um alvarlega stöðu Þýskalands vegna allt of margra hælisleitenda. Þann sannleik telja sósíaldemókratar víðast hvar í Evrópu að megi ekki segja og rétt sé að refsingar liggi við að segja sannleikann hvað það varðar. 

Sama heilkenni einkaréttar á "réttlæti og dyggðum" gerir líka vart við sig hjá íslensku vinstri flokkunum. Á sama tíma er athyglisvert að íslenskir kjósendur höfnuðu öllum þeim flokkum sem barist hafa hvað harðast fyrir opnum landamærum, VG, Pírötum og Sósíalistum.  Segir það einhverja sögu um vilja íslendinga?

 

Þetta gengur ekki.

Hvernig stendur á því að á annað hundrað ólöglegir innflytjendur geta langtímum saman farið huldu höfði í landinu?

Hvað er að? Ræður ríkislögreglustjóri og starfsfólk hans ekki við það verkefni að halda uppi lögum í landinu. Ber þetta vott um metnaðarleysi, skort á starfsfólki eða skilvirka yfirstjórn hjá lögreglu og öðrum stjórnvöldum?

Þetta er með öllu ólíðandi og verður að koma í lag strax.  

Það er alltaf hætta fólgin í því fyrir löghlýðna borgara þegar brotamenn leynast langtímum saman og geta haldið áfram brotastarfsemi hindrunarlaust. 

 

154 hælisleitendur finnast ekki

Hvenær urðum við svona snargalin?

Hvenær urðu Vesturlönd skyndilega snargalin spurði Janet Daly dálkahöfundur Daily Telegraph fyrir nokkru.

Hvenær datt fólki í hug að karlmaður gæti ákveðið að hann væri kona?

Af hverju samþykkti stór hluti stjórnmálastéttar Vesturlanda að iðnbyltingin og frjálst markaðshagkerfi sem tryggði meiri velferð en þekkst hefur í mannkynssögunni væra af hinu illa sem þyrfti að gera erfitt fyrir og helst útrýma og taka upp sjálfsþurftarbúskap?

Hvernig stóð á því að hlustað er á þá sem segja að lýðræðis- og mannréttindabyltingin í kjölfar upplýsingaaldarinnar sé svívirðileg afurð feðra- og nýlenduveldisins?

Þetta rugl hafa stjórnmálamenn Vesturlanda verið að vandræðast með í tæpa 2 áratugi og sett upp ríkisstofnanir og ráðið fjölda opinberra starfsmanna til að sinna þessum ótrúlegu ósannindum og algjöru rugli á kynbreytingarstofnunum, við „sjálfbæra orkuöflun, við að níða niður markaðskerfið, gera loftslagstilraunir með trjákurli og dæla eitri á sjó og landi.

Ef til vill er þetta allt afleiðing af því þegar Vestrið sigraði kommúnismann árið 1989 og í sigurvímunni uggðu menn ekki að sér. Gömlu kommúnistarnir skriðu síðan úr holum sínum við að prédika kynjafræði, loftslagsfræði, sjálfbærnifræði, vindmyllufræði, andsamkeppnis fræði, feðraveldisfræði, rasisma þar sem fólk ljóst á hörund eru ávallt hinir illu. Allt er þetta rekið áfram eins og um trúarbrögð sé að ræða.

Sókn woke ómenningarinnar og vinstrisins gegn þeim gildum, sem gerðu Vesturlönd sterk hefur verið hörð og óvægin en á sama skapi gjörsamlega glórulaus della. Sótt er að trúarlegum gildum, fjölskyldunni, að þeim hugmyndum, að sinna verka njóti hver þannig að orka og framkvæmdavilji einstaklingsins fái að njóta sín. En wokeið og nývinstrið vill lama slíkan framkvæmdavilja einstaklingsins með alls kyns reglum boðum og bönnum sem nú tröllríður t.d. Evrópusambandinu og Bretlandi undir dyggri leiðsögn öfgavinstrisins í persónu Ed Miliband.

Þeir sem hafa mótmælt þessu rugli hafa átt á brattann að sækja og iðulega verið útilokaðir frá umræðunni auk þess að þola hatursáróður og merkimiða eins og rasistar, fasistar, fólk í afneitun eða fólk sem heldur að jörðin sé flöt hafa verið viðhöfð um okkur sem höfum haldið uppi málstað og gildum vestrænna sjónarmiða um frelsi, mannréttindi og framfarasókn á grundvelli frelsis einstaklingisins.

En skyndilega breytist umræðan eins og hendi sé veifað. Nýr forseti Bandaríkjanna bendir á það sem öllum hefði alltaf átt að vera ljóst, en í dyggðaflöggun og dekri við ruglið og afneitun á yfirburðum vestrænna gilda, hafa forustumenn Vesturlanda þ.á.m. Bandaríkjanna ekki síst afneitað því sem hefur tryggt mestu framfarasókn mannkyns fyrr og síðar þ.e. vestræn gildi, lýðræði og mannréttindi.

Forsetinn gerir ekki annað en að segja það augljósa, sem engum upplýstum manni ætti að vera hulið:

Það eru bara tvö kyn, karlar og konur. Það eru engar konur og kvár.

Það er þörf á ódýrri orku til að styðja við vöxt og aukna auðlegð og velferð.

Aukin iðnaðarframleiðslu er góð fyrir alla.

Ólöglegir innflytjendur eru hérna ólöglega og það ber að fara að lögum.

Þessi einföldu sannindi sem Donald Trump benti á í innsetningarræðunni er almenn skynsemi og engilsaxar nefna „common sense“

Mér finnst miklu skipta að fá að vita strax, hvort að þeir sem bjóða sig fram til formennsku og annarra embætta hjá Sjálfstæðisflokknum eru sammála því sem kom fram í innsetningarræðunni og vísað er til hér að ofan sem almennri skynsemi eða þeir ætla að halda áfram dyggðaflöggun og daðri við wokið og vinstrið eins og því miður átti sér stað í ríkum mæli í þau allt of mörgu ár, sem ríkisstjórn VG, Sjálfstæðisflokks og Framsóknar var við völd. 

Misnotkun á almannafé

Nánast á hverjum degi hneykslast fréttastofa RÚV á einhverju sem varðar nýkjörinn forseta Banadríkjanna og því sem hann stendur fyrir. Ekki er minnst á það jákvæða og hverju hann hefur komið til leiðar á stuttum ferli eins og vopnahlé á Gasa sem hann á allan heiður að og að stíga skref í átt að vopnahléi og/eða friðarsamningum milli Rússlands og Úkraínu. 

Það er e.t.v. þess vegna sem að forseti lýðveldisins talaði í setningarræðu á Alþingi um aukna ófriðarhættu, að því sem skilja mátti með tilkomu nýs valdamanns í Hvíta húsinu í Washington DC.

Á RÚV þykir ekki fréttnæmt að segja frá því, að á hverjum degi eftir valdatöku Trump koma fram ný sönnunargögn um það, með hvaða hætti Biden stjórnin og raunar Obama stjórnin misnotuðu ríkisins fé og dældu út peningum skattgreiðenda í þágu aðallega woke stjórnmálasamtaka og stjórnmálamanna, en einnig til að fjármagna starfsemi stríðsherra og hryðjuverkasamtaka jafnvel þeirra sem berjast gegn bandarískum hagsmunum. 

Í stórblaðinu Daily Telegraph er vakin athygli á þessu í leiðara í dag. Þar segir að mikið af þessum styrkjum hafi runnið í gegnum USAID stofnuna en aðrir hafi verið greiddir beint úr ríkissjóði. Þannig hafi í Bretlandi ýmis woke samtök, samtök samkynhneigðra og transara notið mikilla styrkja,  sem og ólöglegir hælisleitendur og fjölmenningarsamtök.

Þetta er smátt og smátt að koma í ljós eftir því sem Elon Musk og samstarfsmenn hans í ráðuneyti sem kallast "Department of Government Efficiency" nær að grafast meira og betur fyrir um hvað hefur verið að gerast í bruðlinu hjá Biden og Obama, þar sem að peningum var iðulega dælt út til andstæðinga þeirra gilda sem Vesturlönd hafa staðið fyrir og hafa gert þau að forustuþjóðum í heiminum, þar sem best og öruggast er að búa. 

Hér á landi hefur Guðmundur Franklín einn vakið athygli á þessum ósóma í fjölmiðli og á hann þakkir skyldar fyrir það. Enginn meginfjölmiðill hefur gert þessu skil ekki einu sinni Morgunblaðið og finnst manni þó að þeim ætti að renna blóðið til skyldunar eins og Daily Telegraph í Bretlandi. 

Við íslendingar eigum rétt á að fá góðar hlutlægar fréttir svo þjóðhöfðingi okkar biskup eða aðrir framámenn verði sér ekki til minnkunar vegna þekkingarskorts og afvegaleiddrar umræðu RÚV um alþjóðamál.