Húsið brennur

Sænska stúlkan Gréta Túnberg byrjaði að skrópa í skólanum og mótmæla hlýnun í heiminum af mannavöldum fyrir rúmum 9 árum.

Vinstri elítan bar hana á höndum sér og tók hvert orð sem foreldrar hennar höfðu lagt henni í munn sem spádómsorðum. 

Fyrir 6 árum ávarpaði hún Evrópuþingið og síðar alsherjarþing Sameinuðu þjóðanna (SÞ). Hún sagði að jörðin(húsið) væri að brenna og við hefðum eyðilagt æsku hennar ásamt öðrum vísdómsorðum um nauðsyn þess að snúa til baka og lifa sjálfþurftarbúskap í eymd og volæði. Sem hún gerir ekki.

Kommúnistinn framkvæmdastjóri SÞ tók undir hvert orð eins og Guð hefði sagt það og sama gerði öfgavinstri elítan og óprúttnir kaupahéðnar, sem sáu gróðafæri í bullinu, þar sem almenningur yrði skattlagður og þeir gætu grætt á öllu með sölu og kaupum á loftslagskvótum og fáránlegum aðgerðum eins og henda trjákurli í sjó eða dæla koltvísýringi niður í hraun á Íslandi.

Liðin eru 6 ár og Gréta verið upptekinn í mótmælum vinstra fólks og kommúnista við að mótmæla  samkeppnisþjóðfélaginu.

Á sama tíma hefur komið í ljós að allt sem hún og  Guterres framkvæmdastjóri sögðu var rugl. Ekkert af því hefur komið fram. Húsið er ekki að brenna. Ísbirnir lifa góðu lífi í Grænlandi, Svalbarða og víðar. Sjávaryfirborð hefur ekki hækkað. Ekkert eyland hefur farið á kaf. Grænlandsísinn er enn of mikill.

Þessi sjúka galna barátta gegn koltvísýringi hefur hins vegar haft þær afleiðingar að raforkuverð í Evrópu hefur hækkað svo mikið að sumt fólk á þann eina kost að velja að hita húsin sín eða hafa nóg að borða. 

Það væri verðugt rannsóknarefni fyrir háskóla í Evrópu að kanna hvað mikið af eldra fólki hefur dáið vegna aðgerða í loftslagsmálum sem hefur leitt af sér hærra vöruverð og hærri skatta og margföldun raforkuverðs í álfunni. En slík rannsókn verður sennilega ekki gerð vegna þess að engin ríkisstjórn mun styðja hana á sama tíma og þær henda milljörðum í alls kyns rannsóknir um að allt sé að fara til helvítis vegna hlýnunar.

Sérkennilegt að stjórnmálaelítan í Evrópu og demókratar í Bandaríkjunum skuli telja það brýnasta í pólitík að gera lífskjör borgaranna verri. 

 

Ekki bregður fréttastofa RÚV vana sínum

Í gær birti ég umfjöllun um hryllinginn þegar tugir þúsunda jafnvel milljón varnarlausra ungra breskra stúlkna voru hnepptar í kynlífsánauð allt niður í 11 ára gamlar stúlkur, þar sem þeim var hópnauðgað, hellt yfir þær bensíni og hótað að kveikja í ef þær hlýddu ekki. Yfirvöld brugðust. Lögregla,stjórnamálamenn, barnarverndaryfirvöld og fréttamiðlar. 

Fréttastofu ríkisútvarpsins hefur ekki þótt þetta skipta svo miklu máli að ástæða sé til að fjalla um þetta hvað þá að kalla til einhvern af sínum rómuðu fréttaskýrendum. 

Þessi mál múslimsku karlabba frá Pakistan, sem voru með nauðgunargengi í mörgum borgum Bretlnds komst aftur á dagskrá vegna ummæla Elon Musk. Ekki orð um það hjá RUV, en þess í stað kom ekki frétt, þar sem vísað væri til að margir fordæmdu Musk fyrir viðræður við hægri sinnaða stjórnmálamenn í Evrópu. Af alkunnri hlutlægni RÚV var talað við sósíalistana forsætisráðherra Noregs, Þýskalands og Bretlands.

Yfirbragð fréttarinnar var að Musk væri að takmarka tjáningarfrelsið. Staðreyndin er þó sú, að hann opnaði fyrir möguleika fólks til tjáningar þegar hann fór að reka X svo mjög að nú segist eigandi Facebook að þeir muni draga úr ritskoðun. 

Ekki var hinsvegar minnst á það hjá fréttastofu RÚV að í gær fór fram atkvæðagreiðsla í breska þinginu um tillögu Kemi Badenoch formanns Íhaldsflokksins um opinbera rannsókn á nauðgunargengjunum og ábyrgð þeirra sem áttu að gæta öryggis okkar minnstu bræðra og systra en gerðu það ekki. Tillaga Kemi Badenoch var felld. Allir þingmenn Verkamannaflokksins greiddu atkvæði gegn tillögunni. Sjálfur hefur formaður flokksins Keith Starmer verið sakaður um að bera mikla ábyrgð í þessu máli. 

En hvað þurfa þingmenn Verkamannaflokksins að fela og hvaða hagsmuni eru þeir að verja með því að stilla sér upp við hlið nauðgunargengjanna og spilltu embættismannanna og hvaða hagsmuni er fréttastofa RÚV að vernda með því að skýra ekki frá neinu sem kemur illa við glansmyndina um fjölmenninguna.

Sú glansmynd fjölmenningarinnar hefur heldur betur verið dregin fram aftur og aftur í fréttamiðli allra landsmanna á meðan þess er vandlega gætt að skýra ekki frá neinu sem fellt gæti skugga á þá glansmynd.

M.a. þessvegna segir RÚV ekki frá því að 33% afplánunarfanga á Íslandi eru ef erlendu bergi brotin og 70% þeirra sem sátu í gæsluvarðhaldi á síðasta ári. Sennilega er það líka þess vegna sem fréttastofa RÚV segir ekki frá nauðgunargengjum múslímskra karlmanna í Bretlandi því ekkert kusk má koma á glansmynd fáránleikans sem RÚV ber svo innilega fyrir brjósti.

Fordæða fjölmenningarinnar

Í fjölmörgum enskum borgum hafa gengi Pakistanskra karla komist upp með að misbjóða, nauðga og hneppa varnarlaus stúlkubörn í kynlílfsánauð og yfirvöld í Bretlandi brugðust alls staðar. Lögreglan, barnaverndarnefndir, stjórnmálamenn og fjölmiðlar. Elon Musk spurði um daginn, hvernig gat þetta gerst og af hverju er engin dregin til ábyrðar? 

Dálkahöfundurinn Allison Pearson skrifaði athyglisverða grein í Daily Telegraph í gær um þetta. Ég leyfi mér að birta hana í lauslegri þýðingu. 

"Einu sinni var gott og göfugt land og fólk sem bjó í löndum sem hvorki voru góð né göfug og fólk sem bjó í þessum löndum, sem hvorki var gott eða sanngjarnt, ferðaðist til góða landsins og gerði það að heimili sínu af því að það vissi að það var gott.

En sumir karlmenn sem gerðu góða landið að heimili sínu komu með gildi frá upprunalöndum sínum, sem voru hvorki góð né sanngjörn. Slíkir menn hötuðu stúlkubörn sem þeir sáu í góða og göfuga landinu. Stúlkurnar voru hvítar en ekki siðsamar, þær voru skítugir villutrúarmenn, sem fóru um einar eins og þær væru strákar. Komumennirnir fyrirlitu þær og tældu, sem leiddi til að þeir fyrirlitu stúlkubörnin enn meir. 

Ófreskjurnar en það var einmitt það sem þessir menn urðu með tímanum misbuðu og misnotuðu þúsundum stúlkna - svo margar að engin veit með vissu hve margar þær voru og munu aldrei fá að vita það, af því að sumar eru týndar eða myrtar. Ófreskjurnar dældu í þær eiturlyfjum og mútuðu þeim og gerðu þær að kynlífsþrælum og brenndu stundum upphafsstafi sína í hold þeirra. Þeir komu fyrir allskyns hlutum í líkama þeirra svo þær gætu betur gagnast allt að fjórum mönnum í einu.

Það getur verið erfitt að skilja þetta kæri lesandi, en fólkið í góða landinu verndaði ekki dætur sínar. Mér þykir leitt að segja að þær voru skildar eftir varnarlausar á víðavangi til að mæta örlögum sínum.

Lögreglan sem hefur þær skyldur að gæta þeirra sem eru berskjaldaðastir og varnarlausastir annaðhvort handtók stúlkurnar, gerði ekkert með beiðnir þeirra um hjálp eða skildu þær eftir hjá kvölurum sínum. Vegna þess að góða og göfuga landið hafði orðið fyrir því að verða hneppt skrýtin álög, sem voru kölluð fjölmenning. Þau álög sögðu að engu skipti hve illir aða spilltir mennirnir væru við stúlkubörnin, það mætti aldrei tala um það. Þetta var að vera hnepptur í svarta galdur og hvílíkt óhugnanlega öflug voru þessi álög. Þau voru nógu sterk til að víkja burt réttlæti og samúð. Ekki nóg með það þau leiddu til þess að hver sem þorði að segja að Pakistanskir múslimakarlar væru að misnota hvítar stúlkur varð sekur af því að öll menning er jöfn, jafnvel menning þeirra, sem trúa ekki á jafnrétti, eða segja að stúlkur sem eru ekki hreinar meyjar séu hórur og eigi skilið að verða refsað.

Allir sem börðust gegn þessun álögum sem rugluðu landsmenn þeirra voru kallaðir "rasisar" kynþáttahatarar. Það að vera rasisti jafngilti því að þú værir afturhaldssinni eða hægri öfgamaður. Að vera rasisti eða afturhaldssinni eða hægri öfgamaður átti fólk að hata og það miklu frekar en þá sem misnotuðu og nauðguðu hvítum stúlkubörnum eða þannig var fólkinu í góða landinu sagt að þetta ætti að vera af leiðtogum sínum og fréttamiðlum.

Þegar ófreskjurnar bölvuðu stúlkubörnunum, sem þeir voru að nauðga og kalla þær "hvíta drusla" eða "hvíta k    " þá lýsti það engum rasisma eða kynþáttafordómum af því að fjölmenningin og BBC sagði að það gæti ekki verið þannig.

Nokkrar hugdjarfar konur sem vöknuðu upp úr álögunum og héldu því fram að ungum stúlkum væri hætta búinn af breskum Pakistönskum mönnum, voru úthrópaðar og þvingaðar til að biðjast afsökunar á því að vera svona skeytingalausar í orðavali eða þær misstu þingsæti sín eða sæti í skuggaráðuneytinu. En hið illa- þessi hræðilega illska sem landið hafði ekki þekkt í meir en þúsund ár, hélt áfram í góða sanngjarna landinu. 

Yfirvöldin sem voru í vitorði með þessum hryllingi vildu tryggja að það mætti aldrei nefna þetta hatur á nafn og stúlkubörnin máttu ein þola kvalirnar og pínuna áfram. Nauðgarar þeirra fengu aðgang að börnunum sem þeir höfðu komið fyrir með nauðgunum sínum. Já þannig var það. Svo sterkt var fjölmenningarhjalið að það leiddi til þess að fólk yfirgaf eigin gildi,sem því hafði verið innprentað að það ætti að vernda frá barnæsku.

Ófreskjurnar voru ekki reknar frá góða og sanngjarna landinu. Ekki einn einasti þeirra var sendur aftur til landanna sem eru hvorki góð eða sanngjörn vegna þess að þá hefði mannréttindi þeirra veri brotin.

Einn góðan veðurdag kom ríkasti maður heims og sá hvað hafði gerst og braut e.t.v. þessi svörtu álög. Elon hafði lesið útskrift dómstóla sem sagði hvað þessar ófreskjur höfðu gert við stúlkubörn. Hann gat ekki trúað því að svona ótrúleg siðspilling,fólskuverk og óeðli hefði fest rætur í góða og sanngjarna landinu.

Elon gat ekki samþykkt að þúsundir hvítra stúlkubarna skyldu hafa verið notaðar sem fórn til að fullnægja guðum fjölmenningarinnar. Hann fordæmdi í réttlátri reiði sinni huglausu leiðtoga landsins og í örvinglan sinni hrópuðu þeir "rangar upplýsingar".

En fólkið var ekki tilbúið til að taka undir það. Það hafði vaknað af álögunum og sá hryllingin sem ófreskjunum hafði verið leyft að komast upp með og þegar álögin brustu kom í ljós hversu ill dulsögnin um fjölmenninguna var þegar hún kom í ljós grímulaus. Fólkið náði áttum á ný og krafðist þess að hinum seku yrði refsað jafnvel þeim sem sætu í mestu virðingar- og valdstöðum í landinu.

Þar sem þetta er ævintýri tel ég að það gæti verið ágætt að segja að þau hafi öll lifað góðu lífi það sem eftir var, jafnvel eftir að samþykkt hefði verið að allar ófreskjurnar þyrftu að yfirgefa landið við mikinn fögnuð þjóðarinnar. Samt sem áður er stór og skammarlegur blettur kominn á sögu góða og göfuga landsins,sem aldrei verður hægt að má af. Skömm gagnvart hinum siðmenntaða heimi.

Þeim hryllingi má ekki gleyma þar sem varnarlaus stúlkubörn voru misnotuð, pyntuð og þeim var leyft að þjást og deyja til að komist yrði hjá því að hugsanlega gæti það hlaðið undir kynþáttahatur. Sú fórn á altari fjölmenningarinnar var algjörlega siðlaus." 

 

Síðasti woke forsætisráðherrann segir af sér

Þau voru vígreif fyrir nokkrum árum vinstri woke forsætisráðherrarnir fjórir þau Katrín Jakobsdóttir, Jacinda Ardern á Nýja Sjálandi, Nicola Sturgeon í Skotlandi og Justin Trudeau í Kanada. Helstu áherslumál þeirra voru að búa borgurum sínum verri lífskjör með alls kyns loftslagssköttum og leggja sérstaka áherslu á atriði sem stangast á við líffræðilegar staðreyndir á forsendum transhugmyndafræðinnar. Kyn og loftslag var helsta inntak woke hugmynda þeirra eins og raunar framkvæmdastjórnar Evrópusambandsins, en margt annað kom til. 

Nú eru þau öll horfin af vettvangi stjórnmálanna en orðstír þeirra mun ekki lifa um ár og aldir eins og Steinn Steinar orti í kvæði sínu um Kommúnistaflokk Íslands, þó margt sé líkt með skyldum. 

Jacina Ardern neyddist til að segja af sér eftir röð axarskafta gjörsamlega rúin trausti, þá kom röðin að Nicola Sturegon, sem neyddist til að segja af sér eftir röð hneykslismála.

Loks bar fordild Katrínar Jakobsdóttur hana pólitísku ofurliði. 

Nú er það Trudeau sem hrökklast úr embætti forsætisráðherra og formennsku flokks síns í Kanada, svo rúinn trausti að flokksmenn hans töldu það helst til varnar sínum sóma að hann færi sem fyrst og sem lengst í burtu. Trudeau þessi var sérstakur boðsgetstur á fund forsætisráðherra Norðurlanda fyrir nokkru í sérstöku boði Katrínar Jakobsdóttur. 

Kyn og loftslag var inntak stefnu þeirra auk þess að standa að því að svipta borgarana almennum mannréttindum á Kóvíd tímanum. Í því efni gekk Jacinda Ardern lengst fram. 

Kyn og loftslagsstefnan leiddi til þess að auknar álögur voru lagðar á borgaranna vegna trúarbragðanna um ofurhlýnun jarðar.

Þá var það kynræna sjálfræðið, lögfesting hugmynda transsamfélagsins, sem Katrín Jakobsdóttir fékk alla til að kokgleypa m.a. þingmenn Sjálfstæðisflokksins hvað svo sem þeir voru að hugsa á þeim tíma ef þeir voru yfir höfðu eitthvað að hugsa.

Nicola Sturegon kom slíkri löggjöf í gegn um skoska þingið,  þó hún væri ekki alveg jafn galin og sú sem samþykkt var af Alþingi Íslands, en þá sagði breska ríkisstjórnin nei, þessi löggjöf gengur ekki hún er of galinþ Þannig urðu til fyrstu lögin frá skoska þinginu sem var hafnað og stjórn Verkamannaflokksins dettur ekki í hug að breyta því þó hann sé eini flokkurinn í Evrópu, sem treystir sér ekki til að skilgreina hvað felist í orðinu kona eða woman á engilsaxnesku.

Þá er þessi fjórmenningaklíka fallin og flokkar þeirra verulega laskaðir og sumir næstum horfnir eftir að leiðtogarnir stigu hinn tryllta dans woke hugmynda kynja og loftslagsfræða. 

Farið hefur fé betra.

En enn sitja þursarnir í Brussel, sem einbeita sér umfram allt að kynja og loftslagfræðum og úthugsa hvert skemmdarverkið á fætur öðru varðandi efnahag og lífskjör í Evrópu, í þeirri trú, að það geti komið í veg fyrir hnattræna hlýnun, sem hvergi finnst nema í mælingum hins gjörspillta loftslagsráðs Sameinuðu þjóðanna og viðhengja hennar vegna nýrra hitamæla sem stöðugt er verið að koma fyrir til að falsa niðurstöður um raunverulega stöðu loftslagsmála.

Örlög þursanna í Brussel væru sjálfsagt orðin þau sömu og fjórmenningaklíku Katrínar, Trudeau, Stugeon og Ardern ef þursarnir þyrftu að lúta lögmálum lýðræðisins.

Trudeau segir af sér

Vanda verður til verka

Það ber að þakka Bjarna Benediktssyni að draga það ekki lengur, að tilkynna um afsögn sína. Ljóst er að ákveðið tómarúm myndast þegar valdamikill formaður kveður eftir 16 ára formennsku. Afsögn Bjarna kemur þó ekki á óvart og má ætla að bæði pólitískar og persónulegar ástæður valdi því. 

Það er í sjálfu sér ekki eftirsóknarvert fyrir mann sem er búinn að vera atkvæðamesti ráðamaður í íslensku samfélagi í meir en áratug, að ætla að setjast í stjórnarandstöðu eftir að flokkurinn hafði beðið mesta afhroð sem hann nokkru sinni hefur fengið í kosningum. 

Jóhann Hafstein fyrrum formaður Sjálfstæðisflokksins sagði á sínum tíma á Landsfundi, þar sem tekist var á um mannvirðingar í flokknum, að það væri engin maður svo merkilegur að Sjálfstæðisflokkurinn væri ekki merkilegri. Ég hef alla tíð verið sammála þessum orðum Jóhanns Hafstein og talið að það væri mikilvægt á örlagatímum að reynt væri að ná sem víðtækastri sátt um nýja forustu í Sjálfstæðisflokknum. Persónulegur metnaður einstaklinga hefur þó jafnan girt fyrir það. 

Tímann þarf þá að nýta vel. Sem betur fer á Sjálfstæðisflokkurinn á að skipa fleira hæfu fólki en nokkur annar stjórnmálaflokkur í landinu jafnvel þó þeir legðu allir saman. En vandinn er að velja þann til forustu, sem veldur keflinu best og er tilbúinn til að hlaupa markvisst til að ná þeim sigursveig sem Sjálfstæðisflokkurinn þarf að vinna til í næstu kosningum. Verði vandað til verka nú og þess gætt að móta stefnu og vinna í samræmi við Sjálfstæðisstefnuna á grundvelli mannúðlegrar markaðhyggju.

Fyrir nokkru lauk ég við að lesa viðtalsbók Matthíasar Johannessen fyrrum ritstjóra Morgunblaðsins við ýmsa mæta Íslendinga m.a. Maríu Maack, sem lengi vel var helsta forustukona Sjálfstæðiskvenna. Hún segist aldrei hafa sóst eftir mannvirðingum, fara á þing eða í borgarstjórn, heldur að hlúa að fólki og hrifist að þeim sem börðust fyrir Sjálfstæði Íslands og lagt þeim málstað lið. 

Sjálfstæðisflokkurinn þarf nú að kalla slíkt fólk til leiks og og fela þeim forustu, sem að bestu manna yfirsýn eru líkleg til að leiða flokkinn á ný til þess öndvegis í íslenskum stjórnmálum sem hann á skilið.  

Þrettándinn

Þrettándinn er síðasti dagur jólahátíðarinnar sem byrjar að kvöldi þ.24.desember og lýkur þ. 6. janúar. Hvers vegna er þetta svona. Sumum dettur í hug, að þetta sé vegna íslensku jólasveinanna,en það fer þá í bág við hugmyndina um að þeir séu einn og átta eða alls níu.  Þá rímar það ekki við þá skoðun ýmissa annarra þjóða að jólasveinninn sé aðeins einn. 

Hátíð þrettándans er ekki mikil eða merkileg hér á landi, en í ýmsum öðrum löndum er þetta einn helsti hátíðisdagur jólahátíðarinnar t.d. í grísku kirkjunni og á Spáni er þetta kallað dagur konungana og farið er í skrúðgöngur og gefnar jólagjafir. 

Þessi þrettán daga jólahátíð er tilkomin vegna snjallrar málamiðlunar í árdaga kristninnar þar sem vestræna eða rómverska kirkjan taldi fæðingardag Jesú vera þ.24.des og sú gríska þ. 6 jan. Góð ráð voru því dýr og samkomulag varð um að fæðingarhátíðin væri þessa þrettán daga þannig að allir fengju jafnt fyrir snúð sinn.

Óneitanlega snilldarsamkomulag,sem hefur gefist vel í hartnær 2000 ár. 

 

Landsfundur

Miðstjórn Sjálfstæðisflokksins ákvað að halda Landsfund Sjálfstæðisflokksins í lok febrúar. Upp hafa risið deilur vegna hugmynda sem komið hafa fram um að fresta Landsfundinum.

Það sem réttlætt gæti slíka frestun, er að upp hafi komið atvik eða atriði, sem réttlæta slíka frestun. Enn sem komið er hafa engin slík verið nefnd.

Í sjálfu sér skiptir engu máli hvort Landsfundur er haldinn í lok febrúar eða í byrjun maí. 

Það má þó færa fram gild rök sem réttlætt gætu frestun Landsfundar í u.þ.b. 2 mánuði, en það er að formaður flokksins gæfi þá yfirlýsingu, að hann gefi ekki kost á sér sem formaður og vilji væri fyrir því að gera þær róttæku breytingar á stefnumálum Flokksins að færa hann frá því að vera kerfislegur valdaflokkur, en að þeim grunngildum, sem Sjálfstæðisflokkurinn var stofnaður til að berjast fyrir.

Einnig má færa að því rök að breyta skipulagsreglum Flokksins og einfalda þær og m.a. leggja af embætti ritara, en það sem skiptir meira máli, að setja í skipulagsreglur, að allir flokksmenn kjósi formann og varaformann í leynilegum kosningum. Mikilvægt er að auka lýðræði í Flokknum með þeim hætti. Það á allt Sjálfstæðisfólk að vera jafngilt þegar formaður og varaformaður eru kosnir og hafa um það að segja, en ekki bara fulltrúar á Landsfundi.

Það gæti því verið heillaráð að byrja Landsfund í febrúarlok og afgreiða breytingar á skipulagsreglum m.a.til þess að allt Flokksfólk kjósi formann og varaformann t.d.í apríl og fresta fundinum síðan fram í maí. Þar sem nýr formaður og varaformaður taka við og gengið verði frá nýrri stefnuskrá til sóknar.  

Aldursforsetinn

Ég fór á þungarokkshljómleika í gærkvöldi í Iðnó þar sem hljómsveitin "Múr" hélt útgáfutónleika. Ljóst var að ég yrði aldursforsetinn ef ég gerði ekkert í málinu. Þessvegna bauð ég góðum eldri vini mínum á tónleikana. 

Áður en mínir menn í "Múr" byrjuðu var tími til að gaumgæfa aðstæður og skoða mannlífið. Ég ákvað að mæta ekki í jakka og með bindi. Það reyndist rétt ákvörðun og í stíl við klæðaburð 99% áheyrenda. Annars hefði ég verið eins og þegar ég fór á ball í Austin í Texas fyrir margt löngu í einkennisbúningi ungra hægri manna á þeim tíma.

Mikið var ég ánægður með unga fólkið sem sótti þessa hljómleika. Snyrtilegt, kurteist og ekkert vesen eða leiðindi. Flott ungt fólk. Meira að segja bar að vörpulegan ungan mann sem bauð mér sæti sitt og sagði að ég ætti það skilið vegna þess að ég væri búinn að gera svo mikið fyrir land og þjóð. Það tókst ekki að reyna að vera óþekkjanlegur. Ég þakkaði honum vel, en sagði að ég væri það ungur að ég þyrfti ekki stólinn. 

Hljómleikarnir voru síðan eins og góðir þungarokkstónleikar eiga að vera og sem betur fer hafði ég að læknisráði tekið eyrnartappa með, sem dugðu vel þegar hávaðinn fór yfir heilsufræðileg þolmörk homo sapiens.  En það er hægt að mæla með strákunum í "Múr" fyrir þá sem hafa gaman að þungarokki.  

 

Ekki meir ekki meir.

Framkvæmdastjóri Sameinuðu þjóðanna(SÞ) kommúnistinn Guterres fordæmdi í gær loftárásir varnarsveita Ísrael á Houti öfga- og hryðjuverkasamtökin í Yemen.

Houti öfga- og hryðjuverkasamtökin sem klerkastjórnin í Íran notar til óhæfuverka og styður með vopnasendingum hefur á annað ár skotið flugskeytum á Ísrael og valdið töluverðu eigna- og manntjóni. Þeir hafa stundað sjórán um árabil og iðulega tekið kaupskip í gíslingu. Það raskar ekki ró Guterres heldur að brugðist sé til varna gagnvart þessum rumpulýð.

Houti öfga- og hryðjuverkasamtökin eru eins og önnur þessarar gerðar í þessum heimshluta. Þeir hafa engar áhyggjur af öryggi og velferð eigin borgara. Þeir eru í heilögu stríði gegn stóra Satan þ.e.Vesturlönd og Ísrael.

Yemen brauðfæðir sig ekki og færðu ríki hins stóra Satans fyrir tilstilli SÞ þeim ekki ríkulegar matargjafir væri hungursneyð í landinu. 

Guterres hefði fyrir löngu átt að hafa forgöngu um að SÞ gripi til aðgerða gagnvart Houti vígasveitunum og stöðvuðu ógnir þeirra gagnvart öðrum fullvalda ríkjum og sjórán. En það hefur hann ekki gert og ekkert raskar geðhrifum þessa ónýta framkvæmdastjóra nema þegar gripið er til varna gagnvart þessum óaldarflokki. Þarf meira til að sýna hversu gjörsamlega vanhæfur þessi maður er?

Raunar er af nógu að taka. Guterres framkvæmdastjóri hefur það helst til málanna að leggja, að rýra lífskjör á Vesturlöndum með því að krefjast þess að þau dragi úr framleiðslu vegna þess að jörðin sé að stikna úr hita (við finnum nú heldur betur fyrir því þessa dagana) og Evrópa þurfi að taka frá fleiri hælisleitendum. En hann gerir ekki sömu kröfur á hendur Kína, Saudi Arabíu eða Japan svo dæmi séu nefnd. 

Hvenær ætla Vesturlönd að vakna og reka óværu eins og Guterres til að SÞ. geti á ný öðlast þann sess sem þetta þjóðarráð á að hafa.  

 

 

 

Við höfum gengið til góðs

Árið 1981 bjuggu 40% íbúa heimsins við sára fátækt.  Efnahagsvöxtur og sigur markaðssamfélagsins (kapítalismans) yfir ríkisstýrðum áætlunarbúskap kommúnismans breytti þessu. 

Nú 40 árum síðar eru 8% íbúa heimsins talin búa við sára fátækt. Við höfum því sannarlega gengið til góðs. Fólki var hjálpað til sjálfshjálpar. Spakmælin  "Sjálfs er höndin hollust" og "Sinna verka njóti hver" gilda alltaf í mannlegu samfélagi. 

Fyrir 60 árum fékk Lyndon B. Johnson sem síðar varð forseti Bandaríkjanna samþykktar tillögur sem nefndar voru stríð gegn fátækt "war on poverty"  Framkvæmdin kostaði skattgreiðendur gríðarlegar fjárhæðir og höfðu neikvæð áhrif á framleiðni í landinu, en drógu sáralítið úr fátækt í Bandríkjunum. 

Það skiptir öllu að koma fólki til sjálfshjálpar eins og sagt var að Erlingur Skjálgsson jarl á Rogalandi var sagður hafa gert fyrir 1000 árum og var orðað þannig hjá Snorra Sturlusyni: 

"Öllum kom hann til nokkurs þroska."

Ríkisstjórnin ætti að hafa þetta í hug í baráttunni við fátækt í landinu.