Ný samninganefnd um Icesave

Skv. samkomulagi stjórnar- og stjórnarandstöðu verður ný samninganefnd  skipuð til að leita nýrra samninga um Icesave. Er eðlilegt  að ríkisstjórn sem þegar hefur undirritað 2 samninga um Icesave og þrýst þeim í gegn um Alþingi sitji áfram og leiti í 3. sinn eftir samningum?

Með þessu viðurkennir ríkisstjórnin mistök. Er ekki eðlilegt að þeir sem bera ábyrgð á þessu axli ábyrgð?  Var það ekki Steingrímur J. Sigfússon sem fyrir ári síðan fór mikinn og krafðist þess að þeir sem bæru ábyrgð öxluðu hana. Hvenær ætlar Steingrímur J. Sigfússon að axla ábyrgð á vanhæfri samninganefnd og óviðunandi samningum um Icesave? 

Athugasemdir

[Sigurður Þórðarson, 20.1.2010 kl. 17:04]

Slík samninganefnd fengi sterkara umboð ef búið væri að fella lögin í þjóðaratkvæðagreiðslu, því meiri sem munurinn yrði því betri yrði samningaðstaða Íslands.

[Jón Magnússon, 20.1.2010 kl. 23:43]

Ekki ef sama ríkisstjórn sæti Sigurður. Sú ríkisstjórn væri þá endanlega komin út í horn í málinu.