Siðfræði Finns Sveinbjörnssonar

Það hefur verið merkilegt að fylgjast með orðræðum Finns Sveinbjörnssonar undanfarið vegna ráðstafanna Arion banka ríkisins og fleiri. Ekki verður annað skilið af Finni en eina viðmiðunin sé að hámarka virði bankans og þá skipti annað ekki máli. Raunar er það sérstakt að hann skuli helst sjá þá leið til þeirrar hámörkunar að fela helstu hrunbarónum þjóðarinnar að halda fyrirtækjunum og afskrifa tugi milljarða til að það megi verða.

Samkvæmt siðfræði Finns þá skiptir ekki máli hvaða sögu menn hafa. Þeir Soprano og Don Corleone væru því gildari rekstrarmenn en Móðir Teresa. 

Skyldu þau Jóhanan Sigurðardóttir og Steingrímur J. Sigfússon vita af þessu og hvað skyldi stjórnarandstaðan segja um málið.  Eru þingmenn virkilega sammála siðfræði Finns Sveinbjörnssonar? Ætlar fólk að láta þessa siðfræði yfir sig ganga og vera ráðandi í þjóðfélaginu.

Athugasemdir

[Þorsteinn Valur Baldvinsson, 9.2.2010 kl. 22:48]

Löggjafavaldið er á alþingi og fyrst ekkert kemur þaðan í formi laga, né nein reglugerð kemur úr ráðuneyti um meðferð mála þá sé ég ekki að hægt sé að setja út á störf Finns sem er að hámarka endurheimtu bankans.

Skil ekki hversvegna endalaust er barið á einstaka starfsmönnum þegar heimildir þeim til handa berast ekki frá þeirra yfirmönnum, er ekki nær að vanda um fyrir þeim sem löggjafavaldið hafa.

Fólkinu sem sleppti stuttbuxnaliðinu út í heim með Íslenska þjóð sem ábekking á óútfylltum víxil.

[Jón Magnússon, 10.2.2010 kl. 09:13]

Það er rétt  hjá þér Þorsteinn að málið snýr bæði að bankastjórnendum og stjórnmálamönnum á Alþingi og í ríkisstjórn. Það er hins vegar ekki rétt að ekki sé hægt að setja út á störf Finns þó að stjórnmálamenn geri ekkert í málinu.  Svo skil ég ekki alveg tilvísunina í stuttbuxnaliðið sem hleypt var út í heim. Þetta voru allt fullorðið fólk sem fjárfesti í útlöndum vegna þess að íslenskir bankar lánuðu þeim gjörsamlega aga- og aðhaldslaust.

[Bjarni Th. Bjarnason (IP-tala skráð) 10.2.2010 kl. 15:17]

Siðfræðin í þessu máli er ekki í lagi. Það er heldur ekki í lagi þegar Ágúst Einarsson, nýráðinn framkvæmdastjóri fjárfestinga/framkvæmdasjóðs lífeyrissjóðanna segist hafa áhuga á fjárfestingum hins nýstofnaða sjóðs í högum. Er það svo að það eigi að láta sjóði launamanna á Íslandi fjárfesta í högum svo baugsmenn haldi völdum í fyrirtækinu? Verða ekki eigendur baugsmiðla glaðir ef gömlu eigendur haga halda völdum í högum með stuðningi frá sjóðum íslenskra launamanna? Þá mun auglýsingakostnaður haga renna beint til þeirra sjálfra. Það er í uppsiglingu að tekinn verði einn snúningur í viðbót á íslensku launafólki sem í sakleysi sínu á hlut í almenningshlutafélagi skráðu í Kauphöll Íslands. Völdin verða í höndum "skuggaforstjóra" sem mjólka fyrirtækið og eru snillingar í því enda gert það áður.