Hrun VBS á ábyrgð Steingríms fjármálaráðherra?

  Fyrir ári síðan tók fjármálaráðherra með blessun ríkisstjórnarinnar þá geðþóttaákvörðun að veita VBS fjárfestingafélagi og Saga Capital tuga milljarða lán úr ríkissjóði. Þetta var eftir bankahrun og allar kennitölur í rekstri fyrirtækjanna ljósar þegar ákvörðunin  um að  veita tugum milljarða af almannafé til fyrirtækjanna.  Um var að ræða fjármálafyrirtæki sem skiptu engu máli varðandi fjármálastarfsemina almennt í landinu. Samt sem áður veitti Steingrímur þeim tuga milljarða fyrirgreiðslu á niðurgreiddum vöxtum allt í boði skattgreiðenda.

Nú er rekstur VBS kominn í þrot þrátt fyrir að hafa fengið 26 milljarða vildarlán frá Steingrími J. fyrir ári síðan.  

Hremmingar VBS er ekki eftirskjálfti af bankahruninu eins og forstjóri Fjármálaeftirlitsins heldur fram. Þetta er allt annað og sjálfstætt mál og allar niðurstöður varðandi VBS lágu fyrir þegar Steingrímur J. ákvað að veita þeim 26 milljarða lán á Bónus vöxtum frá skattgreiðendum.

Ætlar Steingrímur J að axla ábyrgð af því að hafa misfarið með almannafé? 

Hefur Steingrímur J. þá afsökun að honum hafi verið veittar rangar upplýsingar. Var e.t.v ekki gætt nægjanlega að framvindu mála og starfsemi VBS eftir lánveitingu Steingríms? Hverjir eru það þá sem eiga að axla ábyrgð efþað er ekki Steingrímur J? 

Eðlilegt er að fram fari opinber rannsókn á þessum milljarðafyrirgreiðslum Steingríms J. og með hvaða hætti staðið var að málum það eina ár sem tók síðan að stýra fyrirtækinu í þrot. Rannsóknarskýrsla gæti verið tilbúin 1. maí á hátíðisdegi verkalýðsins til upplýsingar um það með hvaða hætti fjármálaráðherra "fólksins" misfer með fjármuni alþýðunnar í þeirri viðleitni sinni að standa við bakið á þeim kapítalistum sem honum eru hugnanlegir.

Athugasemdir

[Jakob Þór Haraldsson, 4.3.2010 kl. 10:16]

Hjartanlega sammála þér: "Ætlar Steingrímur J að axla ábyrgð af því að hafa misfarið með almannafé?  Eðlilegt er að fram fari opinber rannsókn á þessum milljarðafyrirgreiðslum Steingríms J. og með hvaða hætti staðið var að málum það eina ár sem tók síðan að stýra fyrirtækinu í þrot."

Þessi ákvörðun SteinFREÐS (frosinn heili) var glæpsamlega vitlaust og ég gagnrýndi hana harkalega á sínum tíma.  Mér skilst að aðalástæðan fyrir því að Steingrímur veiti þessa aðstoð er að uppáhalds hlaupafélagi hans vinnur (vann) fyrir VBS.  Kannski þetta mál verði til þess að SteinFREÐUR hröklist frá og hleypi HÆFARI stjórnmálamönnum að.  Steingrímur er því miður ítrekað að skíta upp á bak og auðvitað ber & verður að rannsaka þetta mál...!

kv. Heilbrigð skynsemi (fun.blog.is)

[Jón Sævar Jónsson, 4.3.2010 kl. 10:33]

Steingrímur ætlar nú ekki bara að henda milljörðum þarna heldur bíður hann í ofvæni erftir að afhenda BYR 12 milljarða af peningum almennings. Þetta þó vitað sé að bankakerfið er nú þegar of stórt og þyrfti að minnka og að BYR vantar þessa peninga vegna þess að stofnfjáreigendur rændu bankann um hábjartan dag. Segið svo að Steingrímur sé ekki maður athafna!

[Bjarni Gunnlaugur (IP-tala skráð) 4.3.2010 kl. 11:09]

Þetta eru góðar og gildar spurningar hjá þér Jón. Það er fróðlegt að sjá hvað núverandi og fyrrverandi sjálfstæðismenn eru orðnir gagnrýnir á fjármálalífið og pólitíkina, svona í seinni tíð. 

Væri ekki bara best að láta "strákinn" í að rannsaka þetta?

[Hákon Jóhannesson (IP-tala skráð) 4.3.2010 kl. 11:16]

Ágætis hugleiðing hjá þér.  En hvað með ábyrgð stjórnendanna í bankanum - gerendanna ? Er ekki eðlilegt og sanngjarnt að spyrja um það ?  Það þarf víst tvo til.

[Elfur Logadóttir, 4.3.2010 kl. 11:38]

 Jón, til áréttingar. Fjármálaráðherra veitti ekki fé úr sjóðum ríkisins til nýrrar lánveitingar til VBS í fyrravor eins og þú gefur til kynna í bloggfærslu þinni.

Hér er um að ræða afleiðingar ástarbréfaviðskipta VBS við Seðlabankann sem ríkið leysti til sín út úr Seðlabankanum ásamt skuldum annarra aðila við Seðlabankann.

Ákvörðun fjármálaráðherra sl. vor fólst sem sagt í því að skuldbreyta skuld sem VBS stofnaði til við seðlabankann í þeirri von um að það dygði til þess að VBS gæti greitt ástarbréfin til baka.

[Vilhjálmur Árnason, 4.3.2010 kl. 11:44]

Það er eðlilegt að maðurinn útskýri sitt sjónarhorn í þessu máli.

Þetta lítur ekki vel út.

[Heimir Lárusson Fjeldsted, 4.3.2010 kl. 12:47]

Opinber rannsókn verður að fara fram og sett verði farbann á fjármálaráðherra á meðan.

[Jón Magnússon, 4.3.2010 kl. 17:49]

Jakob ég veit ekkert um hlaupafélagann en það er alveg rétt hjá þér að mörgum fannst þetta skrýtið á sínum tíma þar á meðal mér auk þess sem að þarna var óneitanlega um ríkisstuðning að ræða sem er sennilega óheimill skv EES samningnum.

[Jón Magnússon, 4.3.2010 kl. 17:50]

Þetta er hárrétt athugað hjá þér Jón Sævar. Það er hins vegar ekki nóg að vera maður athafna ef þær eru svona

[Jón Magnússon, 4.3.2010 kl. 17:54]

Bjarni ég hef verið gagnrýninn á þetta alla tíð. Ég stjórna því ekki hver rannsakar málið en ég velti því fyrir mér hvort ekki sé rétt að rannsaka hrun fjármálastofnana eftir byrjunarhrunið í október 2008 þar er t.d. um hrun SPRON og Straums að ræða og nú VBS. Til viðbótar því þá lifa fæstir sparisjóðir af nema til komi  fjármagn frá skattgreiðendum.  Því miður er það þannig. Miðað við ofstopann í Vinstri grænum og skrímsladeild Samfylkingarinnar í byrjun árs 2009 þá er eðlilegt að þeirra verk séu líka tekin til skoðunar eins og verk annarra.  Eða eru VG og Samfylkingarfólk e.t.v. heilagt ef Björgvin og Ingibjörg Sólrún eru undanskilin?

[Jón Magnússon, 4.3.2010 kl. 17:56]

Þetta er alveg hárrétt hjá þér Hákon og þetta er einmitt aðalatriðið. Stjórnendur fjármálafyrirtækjanna bera að sjálfsögðu höfuðábyrgð á gengi eða gengisleysi fyrirtækisins óháð því hvort um VBS eða Glitni er að ræða.

[Jón Magnússon, 4.3.2010 kl. 18:00]

Er eðlismunur á því Elfur veitt fjármálaráðherra ekki fjármagni til VBS með þessum hætti?

[Jón Magnússon, 4.3.2010 kl. 18:01]

Það er einmitt mergurinn málsins Vilhjálmur. Það er eðlilegt að maðurinn skýri sitt mál. Vonandi sem fyrst.

[Jón Sævar Jónsson, 4.3.2010 kl. 18:57]

Ég átti nú við að Steingrímur væri maður vitlausra og eða rangra athafna!

[Jón Magnússon, 4.3.2010 kl. 20:52]

Ég hélt Jón Sævar að hann hefði eitthvað lært allan þann tíma sem hann var í stjórnarandstöðu en það er greinilega lítið annað en ræðumennska sem hann lærði  á þeim tíma.

[Jón Snæbjörnsson, 4.3.2010 kl. 20:56]

Ég er minna hissa nú en þegar þessum 25.000.000 milljónum "gjafafé" var úthlutað til þeirra -

Auðvitað á að rannsaka svona mál ofan í kjölinn

svo er það "fiskisagan" það er víst ekki nýtt að nú skilja þeir margir af borði og sæng - sumt kanski undir "eðlilegum" kringumstæðum en flest hér ekki- einn nýlega tekinn saman að nýju við sýna fyrrverandi enda aldrei langt undann þau árin eða í næsta húsi svona rétt til að sýnast og á meðan "hlutirnir" jöfnuðu sig - og eignir í höfn á ný

[Jón Ottesen (IP-tala skráð) 4.3.2010 kl. 23:45]

Svarið við fyrirsögninni er augljóst, hrun VBS er augljóslega ekki á ábyrgð Steingríms. Það er að sjálfsögðu á ábyrgð stjórnenda VBS.

 Hvernig færðu það út að sú ákvörðun að skuldbreyta láni sem Davíð veitti VBS hafi stuðlað að hruni félagsins???

 Það má vel vera að Steingrímur hafi farið illa með almannafé en að halda því fram að hann beri ábyrgð á gjaldþroti félagsins er fáránleg.

[Sjóður (IP-tala skráð) 5.3.2010 kl. 09:43]

Var það Davíð Oddsson eða Steingrímur sem lánaði VBS 26 milljarða ?

[Jón Magnússon, 5.3.2010 kl. 10:31]

Að sjálfsögðu bera stjórnendur ábyrgð á rekstri fyrirtækja sinna það er alveg rétt Jón Ottesen það ættu menn alltaf að hafa í huga. Það var hins vegar um sértæka fyrirgreiðslu að ræða til tveggja fjármálafyrirtækja sem eru í samkeppni við önnur annað þeirra var VBS. Fyrirgreiðsluna fengu þeir á niðurgreiddum vöxtum sem að mínu mati er andstætt reglum EES samningsins en hvað með það. Þá er aðalatriðið að svo virðist sem grundvöllur fyrirgreiðslunnar hafi aldrei verið fyrir hendi.  Þar sem var um geðþóttaákvörðun Steingríms J Sigfússonar að ræða þá er eðlilegt að spurt sé hvers vegna var þetta gert og það er ég að gera með þessari færslu minni Jón Ottesen og ég spyr líka hvort Steingrímur beri ábyrgð á því að veita þessa fyrirgreiðslu þ.e. hvort hún hafi verið veitt á málefnalegum forsendum eða ekki.  Um það snýst málið. 

[Jón Magnússon, 5.3.2010 kl. 10:33]

Það lán sem ég er að ræða um var fyrir tilstuðlan Steingríms J. Sigfússonar.

[Birgir Rúnar Sæmundsson, 5.3.2010 kl. 11:18]

Það á að draga hann til ábyrgðar fyrir þessi afglöp!

Hvar er saksóknari nú ?

Það styttist í að þessir óhæfu dólgar fari frá, guði sé lof.

[Sjóður (IP-tala skráð) 5.3.2010 kl. 11:35]

Þá ertu að misskilja málið alvarlega. Lánið var veitt af Seðlabankanum til VBS og væntanlega þaðan til eins af gömlu bökunum. Seðlabankankinn selur svo skuldabréfið ásamt öðrum til ríkisins til að forða eigin gjaldþroti.

Ríkið átti 2 kosti í stöðunni. Gjaldfella lánið fyrir ári og setja VBS á hausinn eða slaka aðeins á vöxtunum og vonast til að 26 milljarðarnir myndu skila sér til baka.

Enginn peningur fór frá fjármálaráðherra til VBS.

[Bjöggi (IP-tala skráð) 5.3.2010 kl. 13:41]

Já, og hrun Íslands er í boði Sjálfstæðisflokksins.