Ísland og Kína

Már Guðmundsson og Össur Skarphéðinsson hafa fundið í Kínverjum einstaka vinaþjóð Íslands.

Frægur maður sagði forðum að það skipti máli með hvaða hætti og hverja menn veldu að vinum. Vinátta við einn kann að útiloka vináttu við annann. Þetta er þeim Má og Össuri ljóst og þess vegna velta sumir því fyrir sér hvort þessir gömlu sálufélagar kínverskra kommúnista hafi horfið frá Evrópustefnunni og horfið bakvið bambustjaldið.

Ef til vill er ekki úr vegi að skoða hvaða þjóðir og ríkisstjórnir Kínverska alþýðulýðveldið hefur látið sér annt um síðustu misseri og stutt með ráðum og dáð. Í Asíu studdu þeir ríkisstjórn Sri Lanka til að vinna bug á Tamilum. Í Afríku hafa þeir stutt ríkisstjórn Súdan og tekið svari Súdanstjórnar í málefnum Darfúr allt þar til alþjóðasamfélagið snérist hart gegn þeim. Einræðisherra og herforingjastjórn Gíneu í Afríku hafa verið vildarríki Kína þrátt fyrir fjöldamorð  stjórnarinnar.

Þetta eru örfá dæmi en almennt má segja að þar sem alþjóðasamfélagið víkur frá og fordæmir þá koma Kínverjar og hjálpa þeim sem misvirða mannréttindi og láta ekki morð eða frelsissviptingar aftra sér í einu eða neinu.

Má og Össuri finnst við eiga vel heima í þessum hópi.

Athugasemdir

[Einar Björn Bjarnason, 11.6.2010 kl. 15:23]

Bendi á eigin færslu: Hvað eru Kínverjar að pæla - "gjaldeyrisskiptasamningur, viljayfirlísing Landsvirkjunar og kínv. verktakafyrirt" og er ríkisstj. búin að finna sér hjáleið, til að tryggja upphaf stórframkvæmda?

En varðandi þau atriði sem þú bendir á:

• Sri Lanka - eins og Ísland - hefur hernaðarmikilvæga staðsetningu. 
• En, flotahöfn þar er mjög hentug, fyrir þann er ætlar sér að verða ráðandi flotaveldi á Indlandshafi.
• Í allri sinni uppbyggingu, virðast Kínverjar vera klassískir realistar, þ.e. kaldlynd rökhyggja.

• Það þarf enginn að efast um, að á bakvið áhuga Kínv. á Ísl. býrt einnig sambærileg, kaldlynd rökhyggja.

• Súdan, þar er olía -

• Þekki ekki eins til mála Gíneu - en landið er við miðbaug, örugglega hægt að rækta þar e-h verðmætt fyrir markað í Kína.

------------------------------

"...almennt má segja að þar sem alþjóðasamfélagið víkur frá og fordæmir þá koma Kínverjar og hjálpa þeim sem misvirða mannréttindi og láta ekki morð eða frelsissviptingar aftra sér í einu eða neinu."

• Kaldlyndur realismi.

Kv.

[Jón Magnússon, 11.6.2010 kl. 22:11]

Það er rétt hjá þér Einar Björn. Kínverjar leggja langtímaáætlanir en tjalda ekki til einnar nætur eins og okkur hættir svo mikið til.

Vandinn sem maður sér í þessu er hvað Ísland skortir gjörsamlega utanríkisstefnu. Við hröktum frá okkur stórveldið sem hefur reynst okkur lang best og við höktum í afstöðunni til vina og frændþjóða. Það er full ástæða til að stjórnmálamenn tali hreint úr pokanum um það hvaða framtíð þeir sjá í utanríkissamskiptum Íslands.

[sandkassi (IP-tala skráð) 12.6.2010 kl. 02:18]

Þetta er alveg furðuleg stefna, en fyrst að Jóhanna ætlar að taka sér kínverja til fyrirmyndar eins og hún segir, þá er spurning hvaðan risastóri dollarasjóðurinn á að koma.

Af hverju vilja þau gera samning milli þessara Seðlabanka sem gerir Kínverjum kleift að versla við okkur í sínum gamla innanlandsgjaldmiðli?

Þetta verður að gagnrýna sem og mannréttindabrotin sem eru gríðarleg sem og framferði þeirra í öðrum löndum eins og þú nefnir.

Kínverjar eru maðurinn með ljáinn, þegar að ríki lenda í vandræðum þá eru þeir mættir. Árið 2000 eða 2001 fóru Bandaríkjamenn frá Panama og höfðu þá varið skipaskurðinn í 100 ár samkvæmt samningi.

Við þetta varð gríðarlegt atvinnuleysi og þegar ég kom þarna líklega í mars var kominn 3. stjórnarmeirihlutinn frá áramótum. Þá sáust kínverskir erindrekar 2 og 2 saman hingað og þangað um borgina með bankaveski.

Þeir voru að kaupa allt upp.

Síðan undrast menn að þeir eigi upp undir 6 trilljón bandaríkjadollara í dag?

Hvað ætlar Jóhanna að taka sér til fyrirmyndar? Jú aðeins einn hlut;

Hún ætlar að selja ofan af og svelta þjóðina meðan lítill hópur af fólki makar krók sinn. 

[Jón Magnússon, 13.6.2010 kl. 23:14]

Þetta er allt of mikið rétt hjá þér Gunnar því miður.