Skömmum fortíðina

Þegar ráðamenn valda ekki verkefnum nútíðar og geta ekki mótað stefnu framtíðar má altént skamma fortíðina.

Umræður og tillögur frá ríkisstjórn og Alþingi um rannsóknarnefndir og rannsóknir á löngu liðnum tíma og ákvörðunum sem engu skipta í núinu eða fyrir framtíðina vísa til  úrræðaleysis og vanmátt við að ráða fram úr aðgerðum augnabliksins og framtíðarinnar.

Viðfangsefni dagsins í dag er að koma á lánakerfi sem er sambærilegt því sem er á hinum Norðurlöndunum og raunlækka höfuðstól verðtryggðu lánanna að raunveruleikanum.

Viðfangsefni dagsins í dag er að móta atvinnustefnu og skapa skilyrði öflugs atvinnulífs og eyða atvinnuleysi og versnandi lífskjörum.

Viðfangsefni dagsins í dag er að minnka verulega umsvif hins opinbera og lækka skatta.

Ríkisstjórn sem og stjórnarandstaða verða að móta stefnu framtíðar eða fara frá ella ef þeir hafa engar tillögur eða hugmyndir.

Krefjast verður þess af sérstökum saksóknara nú þegar hann er laus við Evu Joly, að hann fari að vinna vinnuna sína, þannig að einhver árangur sjáist. Eigum við ekki að krefjast þess af sérstökum að hann og dómstólar geri upp við fortíðina sem fyrst?

Látum sérstakan um fortíðina en þá um framtíðina sem eiga að stjórna þessu landi.

Athugasemdir

[Sveinn Úlfarsson (IP-tala skráð) 27.10.2010 kl. 10:31]

Skarplega athugað Jón, það gengur einfaldlega ekki endalaust að réttlæta aðgerðaleysið og framkvæmdafælnina með stöðugt að klifa á að fyrri stjórnvöld hafi klúðrað svo mikið

Ef þetta ráðaleysi heldur lengur áfram verða alþingismenn í öllum flokkum að grípa í taumana og skipta um stjórn. Það er skylda þeirra og þeir hafa svarið eyða að því að vernda þjóðarhag og fylgja stjórnarskránni. Þessi vandræðalegi spuni um að verið sé að vinna að málunum í nefndum og starfshópum út í bæ er orðin öllum ljós ÞAÐ ER EKKERT AÐ GERAST.

Stjórnin er kviknakin frammi fyrir þjóðinni en trúir spunanum úr sjálfri sér og heldur að hún sé í sparifötunum.

[Eyjólfur G Svavarsson, 27.10.2010 kl. 10:38]

Mikið væri nú indislegt ef þetta gæti nú ræst En getan virðist engin. Hvað getur ein ríkisstjórn fengið að sitja lengi án þess að ráða við verkefni sýn?

[Júlíus Björnsson, 27.10.2010 kl. 21:53]

Í USA og EU velja 80% greindustu lántaka 30 ára jafnveðskuldar langtímalán með föstum heildar nafnvöxtum þar sem raunvaxtavæntingar [sem samkeppni er um] eru 1/3 hluti vaxtanna og 2/3 hlutar eru verðbólguvæntingar eða verðtrygging.

Ég tilheyri þessu hópi mannkyns.  Það má apa það sem er til fyrirmyndar líka.

Hér eru bókhalds aðferðir löglegra jafngreiðslulánsforma innan 1.flokks veðskuldar sjóða nýlenduveldanna.

Þroskaðir jafngreiðsluveðskuldarsjóðir er lausninn. Uppfræðsla neytenda.

http://frontpage.simnet.is/uoden/greinir/jafnvægi.htm

[Jón Magnússon, 28.10.2010 kl. 00:17]

Veistu það Sveinn ég held að það séu ekki nema hluti ríkisstjórnarinnar sem heldur að stjórnin sé í sparifötum. Framkvæmda- og úrræðalaus ríkisstjórn er það versta sem hægt er að hugsa sér á þessum tímum.

[Jón Magnússon, 28.10.2010 kl. 00:17]

Eins lengi og meiri hluti Alþingismanna leyfir henni það Eyjólfur

[Jón Magnússon, 28.10.2010 kl. 00:19]

Já og möguleikar til að njóta réttlátra lánakjara Júlíus.