Hræðilegt ódæði

Fréttirnar af hryðjuverkinu í Noregi eru hræðilegar og enn finnast mér þær ótrúlegar.

Hvernig gat þetta gerst í friðsælasta ríki heims, þar sem velmegun er meiri en annarsstaðar í heiminum, þar sem hernaður og hernarðarhugsunu er fjarlægari en í flestum öðrum ríkjum. Fyrirfram hefði margir fullyrt að svona nokkuð gerðist aldrei á Norðurlöndum. En það gerðist samt.

Hvað veldur því að einstaklingur láti sér detta í hug og framkvæmi svona hryðjuverk?  Við þurfum að hugleiða það og velta fyrir okkur leiðum til að draga úr hættunni á því að svona sturlun geti aftur leitt til hryðjuverks eins og þess sem unnin voru í Noregi í gær.

Flestum er vafalaust eins farið og mér að fyllast óhug yfir fréttunum af fjöldamorðunum í Noregi og standa með frændum okkar í sorginni og hluttekningunni með þeim sem misstu börn sín, ættingja eða vini. 

Við verðum að standa saman um að gera allt sem í okkar valdi stendur til að koma í veg fyrir að svona harmleikur geti átt sér stað.

Athugasemdir

[Örn Johnson ´43 (IP-tala skráð) 23.7.2011 kl. 21:07]

Ef við skoðum hlutina í samhengi við íbúafjölda og 9/11 þá missa Norðmenn 100% fleiri. Mjög sorglegt og ótrúlegt að svona geti gerst.

[Jóhanna (IP-tala skráð) 24.7.2011 kl. 10:28]

Ef marka má það sem kemur fram í fréttum og haft er eftir lögreglu úr yfirheyrslum, þá var Anders B. mjög á móti Sosialdemokrötum og aröbum og islam. Sagðist vera kristinn (sem erfitt er að trúa) eftir þessar gjörningar. En það er eitt í þessu sem ráðamenn vesturlanda verða að athuga, þeir verða að starfa í þágu fólksins. Það hefur ekki verið þannig undanfarin ár á norðurlöndum. Það finnast alltaf einstaklingar allsstaðar sem spora úr.... Það er of seint að byrgja brunninn þegar barnið er dottið ofan í hann.

Ennfremur vil ég votta öllum Norðmönnum samúð mína.

[V.Jóhannsson (IP-tala skráð) 24.7.2011 kl. 13:28]

http://politisktinkorrekt.info/ Orsök og afleiðing?

Aðein geðsjúklingur fremur svona voðaverk, en allt hefur sitt upphaf og við vitum aldrei hvar sjúklingurinn er. Stjórnmálamenn hafa svikið fólkið fyrir eigin hag í vissum málaflokkum og nú verða þeir að fara að vinna vinnuna sína þjóðinni til hagsbóta.Óhuggulegt að þetta hafi gerst og norska fólkið á alla mína samúð.