Sýniþörf fullnægt.

Í gær féll dómur í Hæstarétti. Niðurstaðan var að lánveitandi gæti ekki krafið lántaka um viðbótargreiðslur vegna þegar greiddra vaxta aftur í tímann af gengisbundnum lánum. Jafnframt voru réttilega gagnrýnd ólög sem eru kennd við Árna Pál Árnason þáverandi viðskiptaráðherra. 

Af rökstuðningi meiri hluta Hæstaréttar að dæma má ætla að lántakandi geti krafist viðbótarvaxtagreiðslna af ógreiddum vöxtum aftur í tímann.  

Á Alþingi varð írafár strax og fréttist af dóminum. Þingmaður Hreyfingarinnar krafðist fundar í viðkomandi starfsnefnd nokkrum mínútum eftir að dómurinn var kveðinn upp. Sérstakar umræður eru á Alþingi í dag um dóminn.

Hvaða tilgangi þjónaði þetta?  Í sjálfu sér ekki neinum öðrum en að opinbera sýniþörf þeirra sem að þessu standa. Hvað gerir Alþingi vegna þessa dóms?

Nú liggur fyrir að búið er að létta skuldum af þeim sem voru áhættusæknastir og tóku gengisbundin lán. Þarf þá ekki  að skoða hvað á að gera fyrir þá sem voru varkárari og tóku verðtryggð lán. Gefur það ekki auga leið að það er ekki hægt að láta það fólk sitja uppi með Svarta Pétur?

Eina viðfangsefni Alþingis bæði fyrir og eftir dóm Hæstaréttar er í fyrsta lagi að  afnema verðtrygginguna og í öðru lagi að færa niður höfuðstóla þeirra lána alla vega til jafns við niðurfærslu gengisbundnu lánanna.

Athugasemdir

[Jón Árni Bragason (IP-tala skráð) 16.2.2012 kl. 14:05]

Sæll Jón.

Ég hef engu við að bæta því sem þú segir um Alþingi og það sem þar fór fram.

Mér finnst hins vegar ástæða til þess að leiðrétta þig örlítið. Það hefur ekki verið um neina niðurfærslu gengisbundinna lána að ræða. Lánin voru dæmd ólögleg og nú voru lögin um vaxtaútreikninginn eftir fyrsta dóm Hæstaréttar í raun dæmd ómerk. Það sem um er að ræða er einfaldlega að nauðsynlegt er að endurreikna greiðslur og vexti á þessi lán.

Ég er sammála þér að líta þurfi til þess að lækka höfuðstól verðtryggðra lána en það málefni hefur í raun ekkert með þessi ólögmætu gengistryggðu lán að gera og alrangt að reyna að mynda einhverja tengingu þarna á milli.

Svo er að ég held rangt að tala um tvo hópa. Í langfelstum tilfellum hafa þeir sem tóku gengistryggð lán líka verið með verðtryggð lán og í mörgum tilfellum einungis tekið gengistryggð lán ofan á verðtryggð af því bankarnir buðu ekki upp á annað.

Kveðja,

Jón Árni

[Júlíus Björnsson, 17.2.2012 kl. 06:39]

Hvernig á Íslenska ríkið að bóka , svarið er eins og viðskiptaríkin á sama markaði. Allt hér sem er metið öðruvísi er rangt eða siðlaust. Ég er ekki að tal um verkun á hákarli. Heldur lög og fjármál.  Það sem allt hitt draslið heyrir undir.

Ríki sem stendur ekki vörð um hagsmuni meirihlutans, er ekkert Ríki heldur sossa klíka sem skákar í skjóli sauða.

Þessi lán voru markasett á þá sem þorðu ekki að taka áhættu af Balloon lánum íbúðlánasjóðs, og fylgjast ekki með genginu í öðrum ríkjum geta því ekki gert sér grein fyrir  hvað er verið að skrifa undir.
Gengi krónu þá miðað við sölu á marki EU var alltof hátt, og Seðlabanki Íslands getur ekki varið krónu við áhugleysi Seðlabanka EU, UK og USA, á grunnvaxtastigu hér, sértaklega ekki langtíma áhættu vaxta kröfunni.

Ownership útlendinga Íslensku var það mikið að alveg eins má segja þess hafi þeir reynt að verja bankan þegar leiðrétta átti gengi krónunar.  Bankar þurfa að fá reiðfé um 80% sem kostar enga raunvexti helst til að geta keppt á langtíma sjónarmiðum við Banka sem hafi aðgang að slíku.

[Jón Magnússon, 17.2.2012 kl. 07:57]

Jón Árni þetta er spurning um orðalag en ekki raunverulegt inntak. Þar sem gengislánin voru dæmd ólögmæt þ.e.þau sem tengd eru við íslenska krónu þá var þar í öllum tilvikum um niðurfærslu að ræða vegna þess að lánin voru áfram til staðar en höfuðstólar þeirra breyttust.  Það kann vel að vera rétt hjá þér að það eigi ekki að tala um tvo hópa í þessu sambandi m.a. vegna þess að einn aðili getur þá verði í báðum hópunum. Ég held samt að það sé rétt vegna þess að þarna er um mismunandi lán að ræða og tengingar við breytingar á flóknum aðstæðum í þjóðfélaginu. Í öðru tilvikinu voru breytingarnar dæmdar ólöglegar en í hinu þá hækkar og hækkar lánið í takt við endalausa eignamulningsvél verðtryggingarinnar.

[Jón Magnússon, 17.2.2012 kl. 07:58]

Ríkið á ekki að bóka neitt. Það á að sjá til þess að lánastofnanirnar reikni rétt í samræmi við dóminn þ.e. að greiddir vextir verða ekki hækkaðir.

[Júlíus Björnsson, 17.2.2012 kl. 21:52]

Þetta er mjög góður punktur hjá Jón.  Það er rétt, að Ríkið á ekki að bóka neitt í þessu tiltekna samhengi.  Aðilir koma sér venjulega saman um  lög[leikreglur]  þar sem skilgreint er hvenær og hverjir eiga að vera agtífir [þá hvað ber að gera í samhengi], og hinsvegar hvenær og hverjir eiga vera passífir [þá hvað þeir eiga ekki að gera í samhengi].

Það er segin saga, að meðalgreindir í samhengi, skilja ekki hugtakið "ekki neitt" eða skilja að það sem er skrifað eða sagt í textalegu samhengi getur falið í sér mjög mikilvæg rökmerkingarleg skilboði í samskiptum þeirra sem eru greindari í samhengi. 

Þess vegna er mjög skemmtilegt að hlusta og lesa upplýsingar  sem eru markaðsettar á þá með yfirlesgreind í meiriháttar ríkjum eins USA, UK, Þýskalandi og Frakklandi.

Til að losna við í framtíðinni ofvirkni toppa Íslenskrar stjórnsýslu er nærtækt að horfa til meiri háttar vsk. geira þar sem toppar er ráðnir með 24 tíma starfskyldu 360 daga ársins og greitt fyrir föst upphæð til að að greiða allan kostnað sem fylgir þeirra starfskyldu sem vanalega byggist á ákvörðunartöku eingöngu í samræmi við reglustýringu, en í vsk. geirum miðað við ráðingarsamning sem tekur mið af eðli rekstrarins sem þeir eiga að passa upp á. Þessar föstu upphæðir til greiðslu risnu, lífeyris, .... fylgja svo útreikingum WorldBank á raunþjóðartekjum Íslands í framtíðinni. Ekki einstökum útrásarvíkinginum eða vsk. skattakóngum á hverjum tíma.

Þetta tyggir stöðuleika hjá ríkinu, vægi Íslenska ríkis í þjóðarköku Íslands er gífurlegt að flestra annarra ríkja mati. Það er ekki endalaust hægt að fjölga yfirlitsaðilum með gölluðum reglustýringum til að auka raun þjóðartekjur. Hér þarf að vera skýrt hvað toppar ríkisins eiga ekki að gera eða aðhafast í starfi.