Landamæraeftirlit

Íslensk stjórnvöld hafa yppt öxlum og brosað aulalega þegar talað hefur verið um að taka upp virkt landamæraeftirlit við komu fólks til landsins. Sagt er að sé ekki hægt vegna Schengen samstarfsins.

Þetta er rangt.

Það er hægt að halda uppi virku og árangursríku eftirliti með komu fólks til landsins og það hefur sýnt sig að stjörnvöld eru tilbúin til aðgerða til að koma í veg fyrir komu  erlendra meðlima vélhjólagengja. Það sama gildir ekki gagnvart öðrum.

Hingað hafa ítrekað komið einstaklingar sem hefur verið vísað úr landi. Það hefur komið fólk með meiriháttar glæpaferil á ferilskrá sinni. 

Útstöðvar Schengen í Austur Evrópu, Grikklandi og Ítalíu sem og víða annarsstaðar tryggja ekki virkt eftirlit. Þetta viðurkenna nú helstu áhrifaþjóðir í Evrópu, Frakkar og Þjóðverjar. Báðar þjóðirnar hafa ákveðið að taka upp virkt landamæraeftirlit til að tryggja öryggi borgara beggja þjóða.

Hvenær átta yfirvöld á Íslandi sig á því að það skiptir máli fyrir öryggi íslenskra borgara og eigna þeirra að  hafa virkt eftirlit með því hverjir koma inn í landið.

Athugasemdir

[Gústaf Níelsson, 22.4.2012 kl. 23:32]

Eftirlit íslenskra yfirvalda er miklu öflugra með innihaldi fríhafnarpokanna, en farþegunum sem til landsins koma. Reyndar hef ég hvergi á byggðu bóli, nema á Íslandi, séð fullfríkst fólk í einkennisbúningum skoða í innkaupapoka ferðafólks.

[Ágúst H Bjarnason, 23.4.2012 kl. 08:27]

Sæll Jón

Einfaldasta aðferðin til að koma á virku landamæraeftirliti er að segja sig úr Schengen. Ekki eru Bretar í Schengen og fæ ég ekki séð að það sé neitt flóknara fyrir okkur að ferðast þangað eða þaðan en til Schengen landa.

Ef það er hægt að taka upp virkt landamæraeftirlit þrátt fyrir Schengen samstarfið þá á auðvitað að gera það þegar í stað, ef menn guggna á því að segja upp samstarfinu.

Ég á ekki von á að núverandi ríkisstjórn geri neitt í málinu, en vona svo sannarlega að næsta ríkisstjórn láti hendur standa fram úr ermum.

 Með góðri kveðju,

[Jón Magnússon, 23.4.2012 kl. 10:31]

Það verður að passa upp á búsið kæri vinur. Þess vegna hafa innkaupapokar úr fríhöfninni forgang.

[Jón Magnússon, 23.4.2012 kl. 10:33]

Alveg sammála Ágúst. Því miður þá hafa menn ekki viljað horfast í augu við þennan vanda og Samfylkingarfólk hrópað í hvert skipti sem á þetta er minnst að um sé að ræða útlendingahatur eða ennþá verra að þetta jafnbrýni rasisma.  En vangaveltur um eðlilegar öryggisráðstafanir eru hluti af nauðsynlegri þjóðfélagsumræðu. Orð eru jú sögð til alls fyrst.