7000 ár að borga skuldirnar

Álftanes er ekki eina sveitarfélagið í heiminum þar sem meiri hluti sveitarstjórnar skuldsetti sig umfram heilbrigða skynsemi.

Í spænska þorpinu Pioz skammt frá Madrid  þar sem búa 3.800  skuldsetti sveitarstjórnin sig svo mjög, að miðað við tekjur sveitarfélagsins þá tekur 7.000 ár að borga skuldirnar til baka.

Sveitarstjórnin í Pioz tók lán til að byggja og kauaa íbúðir, vatnshreinsunarstöð og sundlaug með flottum vatnsrennibrautum fyrir hálfan milljarð.  Nú er búið að loka sundlauginni af því að það er of dýrt að reka hana. Hætt er að lagfæra vegi og byggingar. Rafmagn er í 12 klukkustundir á sólarhring. Það virðist erfiðara á Spáni að velta óráðssíu  við stjórn sveitarfélaga yfir á aðra, en hér á landi.

En hvernig bregðast ofurskuldug sveitarfélög við hér? Er beitt einhverjum aðhaldsaðgerðum - ef svo er þá hverjum?

Athugasemdir

[Jón Steinar Ragnarsson, 14.5.2012 kl. 07:10]

Hvaða sveitarfélög hefurðu helst í huga að Álftnesingum undanskildum?

[V.Jóhannsson (IP-tala skráð) 14.5.2012 kl. 13:02]

Ofurskuldug sveitarfélög á Íslandi skuldbreyta eins og hægt er fyrir áramót og eru alltaf nánast skuldlaus við áramótauppgjör.

Síðan er t.d. opinberum gjöldum hjá fyrirtækjum í sveitarfélaginu skuldbreytt í hlutafé og enginn skuldar neinum neitt. Eða þannig.

[Jón Magnússon, 14.5.2012 kl. 16:57]

Þau eru svo ótal mörg því miður Jón. Nú síðast var verið að tala um skuldavanda Hafnfirðinga, sem þó hafa fyrsta og stærsta álverið.

[Jón Magnússon, 14.5.2012 kl. 16:57]

Þannig að við erum snillingar V. Jóhannsson.