Meistari orðhengilsháttarins.

Steingrímur J. Sigfússon reynir að verja aðgerðir sínar í Sp/Kef málinu með orðhengilshætti. Það hentar honum einkar vel enda hefur hann verið Íslandsmeistari í faginu undanfarin 30 ár.

Í vörn sinni segir Steingrímur að það sé fáránlegt af Sjálfstæðisflokknum að kenna ríkisstjórninni um Sp/Kef málið. Það er hinsvegar ekki verið að kenna ríkisstjórninni heldur honum sjálfum um alvarleg kostnaðarsöm mistök í málinu.

Þá heldur Steingrímur því fram að ríkisstjórnin hafi fengið þennan vanda í fangið sem skapaðist vegna þess hvernig sparisjóðnum var stýrt. Staðreyndin er hins vegar sú að sparisjóðurinn starfaði í rúmt ár á undanþágu og var síðan klofinn upp allt að ráði Steingríms J. Sigfússonar. Þegar þetta ferli hófst var eiginfjárstaðan jákvæð.

Í þriðja lagi tengir Steingrímur mistök sín í málinu við bankahrunið en það er rangt. Fall sparisjóðsins varð rúmum 2 árum eftir bankahrun og hrun sparisjóðsins varð ekki vegna þess miðað við afstöðu Steingríms sjálfs og Fjármálaeftirlitsins á árinu 2009 og 2010.

Staðreyndir málsins eru einfaldar:

1. Þegar Steingrímur kemur að málinu á sparisjóðurinn 5 milljarða.

2. Steingrímur tekur málið til sín og það er ekki hjá Bankasýslu ríkisins svo sem það hefði átt að vera.

3. Sparisjóðnum er heimilað að starfa á undanþágu fyrst 6 mánuði og síðan aðra 6

4. Að loknu undanþágutímabili stendur Steingrímur fyrir þeirri ákvörðun að kljúfa sparisjóðinn í tvö fyrirtæki og reka áfram þangað til yfir lauk með þeim afleiðingum að skattgreiðendur þurfa að borga yfir 20 milljarða.

Fram hjá þessum staðreyndum sem Steingrímur J. Sigfússon ber ráðherraábyrgð á kemst hann ekki.

Væri einhver döngun í stjórnarandstöðunni þá legði hún fram vantrausttillögu á Steingrím J. Sigfússon strax í dag, þar sem hann hefur ekki sjálfur manndóm í að viðurkenna mistök sín og segja af sér. 

Athugasemdir

[Sumarliði Einar Daðason, 11.6.2012 kl. 12:47]

Ég bara man ekki eftir því að Steingrímur hafi nokkurn tímann getað beðist afsökunar eða viðurkennt að hafa rangt fyrir sér. Iðjulega snýr hann út úr eða svarar spurningu með spurningu, nema þegar hann gagnrýnir spyrjandann í stað þess að svara spurningu.
Hann mun að mínu mati aldrei eiga frumkvæðið að viðukenna eitthvað og hvað þá taka ábyrgð á fyrri orðum eða gjörðum.
Þetta er mitt persónulega mat og það getur vel verið að ég hafi rangt fyrir mér.

[Júlíus Björnsson, 11.6.2012 kl. 13:37]

Stöndugir lykil Ríkisbankar [óháð hverjir eru skráðar hluthafar] eru ekki byggðir á einum degi að fara heldur ekki yfir um á einum degi, eins og skammtíma áhættuvogunar væntingasjóðir.   Ég er á móti því ekki raun vsk. geirar séu að borga skatt í ríkisjóð.  Vegna þess að viðskiptavinir eru flestir búnir að greiða skatt af tekjum ársins áður. Allir vita að reiðufjársjóðir mega ekki safna upp reiðufé til geymslu: því það rýnar um meðalhækkanir á vsk. mörkuðum á hverju ári , óhreyft. MARGUR VERÐUR AF AURUM API. Fjármáráðherra verður að skilja alþjóðlegt bókhald upp á 10 að mínu mati, til teljast hæfur. Geta reiknað raunvirði langtíma veðskuldarbindinga í það minnsta. Kapitalismi er íhald í sjálfum sér.

[Sigurður Ragnarsson (IP-tala skráð) 11.6.2012 kl. 14:46]

Gott, takk. Fall gamla Sparisjóðsins í Keflavík er auðvitað grafalvarlegt mál, sem ekki má sópa yfir, en hið nýja félag Steingríms, SpKef, er annað mál og einnig grafarlvarlegt. Fjármálaráðherra drepur málinu á dreif með því að tala um ábyrgð rekstraraðila, en þetta er nú einu sinni skilgetið barn Steingríms, sem hann gaf Alþingi ekki tækifæri til að taka ákvörðun um. Og hann drepur málinu á dreif með því að tala um ábyrgð á innistæðum fólks, sem voru fráleitt neitt í líkingu við það fé, sem tapaðist í embættistíð hans. Stofnun hins nýja félags var hreint fiasko og starfsemin alla tíð í skötulíki. Það virðist vera þrautreynt, að Steingrímur J. Sigfússon gangist við ábyrgð sinni og biðjist afsökunar, svo að Landsdómur þarf trúlega úr að skera. Það kvað vera, að sögn forsætisráðherra, svo afskaplega gott að fá tækifæri til að hreinsa sig á þeim vettvangi.

[Heimir Lárusson Fjeldsted, 11.6.2012 kl. 18:21]

Takk.

[Jón Magnússon, 11.6.2012 kl. 23:35]

Nei Sumarliði þú hefur alveg rétt fyrir þér.

[Jón Magnússon, 11.6.2012 kl. 23:39]

Nei Júlíus kapítalismi eða markaðhyggja hefur í sjálfu sér ekkert með íhald að gera. Það er ekki nokkur maður nema þeir í villta vinstrinu sem tala um að menn hafi fundið upp betri leið en markaðslausnir.  Ég tel raunar vandamál kapítalismans eða markaðshyggjunar vera helst þá að hún hefur ekki verið reynd í alvöru að undanförnu. Í markaðsþjóðfélagi bera menn ábyrgð á sjálfum sér líka bankar. Í markaðsþjófélagi eru skattar lágir til að hugkvæmni og framtak einstaklinganna njóti sín. Nú tekur ríkið í flestum löndum Evrópu um og yfir 50% af þjóðarframleiðslunni.

[Jón Magnússon, 11.6.2012 kl. 23:40]

Sammála þér Sigurður. Þakka þér fyrir innleggið.

[Jón Magnússon, 11.6.2012 kl. 23:40]

Takk sömuleiðis Heimir

[Halldór Jónsson, 12.6.2012 kl. 09:02]

Landsdóm á þennan fjármálamann.Icesave, Byr,SpKef, Arion, Íslandsbanki,Sjóvá, VBS, Saga Capital,

[Jón Magnússon, 12.6.2012 kl. 11:04]

Það er rétt Halldór. Sp/Kef er bara toppurinn á ísjakanum. Þær fréttir sem birtust í dag í Fréttablaðinu sýna enn betur hvað þetta var allt saman glórulaust og tapið var á vakt Steingríms J og hann getur ekki kennt bankahruni eða Sjálfstæðisflokknum um það. Steingrímur J ber höfuðábyrgðina.