Til hvers sumarþing?

Stjórnarandstaðan segist hafa fengið fundarboð á sumarþing með matseðli eldhúss Alþingis. Slíkt fundarboð er óvenjulegt en ekki úr takti við soðbrauðið og aðrar krásir sem fjölmiðlar röktu svo rækilega að væru á borðum formannanna við stjórnarmyndunina.

Óháð fundarboðinu þá er spurning af hverju verið er að boða til sumarþings.  Slíkt er eðlilegt ætli ríkisstjórnin að beita sér fyrir breytingum á lögum sem ekki mega bíða til haustsins í stað þess að beita bráðabirgðalögum. 

Vissulega er eðlilegt að boða sumarþing til að afnema verðtryggingu á neytendalánum þ.m.t. húsnæðislánum neytenda þegar í stað. Einnig er mikilvægt að nota tækifærið í sparnaðarskyni til að leggja af stofnanir og rekstur sem ríkisstjórnin telur að ekki sé á vetur setjandi.  Ekki verður séð að önnur mál kalli sérstaklega á sumarþing.

Við andstæðingar verðtryggingar á neytendalánum getum því verið vongóð um að ríkisstjórnin láti það mál til sín taka eigi síðar en í næstu viku.

 

Athugasemdir

[Sveinn Snorrason (IP-tala skráð) 3.6.2013 kl. 22:48]

Víst er nokkur þörf utan þeirrar er þú nefnir:

1) Stjórn fiskveiða, veiðigjald.

2)Gamla fólkið og öryrkjar.

[Jóhann Kristinsson, 4.6.2013 kl. 02:37]

Ég vona að þú hefur svokallað "inside information" ef Ríkisstjórnin afrekar að afnema verðtrygginguna í sumar, þá er sumarþing þess virði.

Ef ekki þá er sumarþing "waste of time and funds."

Kveðja frá Las Vegas.

[Eyjólfur G Svavarsson, 4.6.2013 kl. 14:40]

Góðan daginn Jón Magnússon. Ég vil minna á að það er fleira en verðtryggingin sem þarf að laga á sumarþingi. Það þarf líka að leiðrétta kjör lífeyrisþega eins og lofað var, það þolir enga bið, .það vitum við sem þekkjum málið. KV. PS. Ég vil aðeins minna á það að ef svikin loforð verða endurtekin á Þingi hjá þessari Ríkisstjórn, þá er endanlega búið að jarða Alþingi Íslands. Engin virðing verður borin fyrir Alþingi!!