Píratar og prentfrelsið

Þingflokkur Pírata hefur lagt fram frumvarp sem ber heitið "afnám fangelsisrefsingar fyrir tjáningu skoðana"  Þó að þessi breyting yrði að lögum þá breytti hún engu í raun þar sem engin hefur verið settur í fangelsi vegna þeirra brota sem frumvarpið varðar undanfarna áratugi þó slík refsing hafi verið dæmd.

Það er virðingarvert að óbreyttir þingmenn leggi fram lagafrumvörp og hugsunin er sú að endurskoða refsiákvæði vegna ærumeiðinga og standa vörð um eðlilega tjáingu. Þess vegna hefði verið æskilegt að þingmennirnir hefðu hugsað málið aðeins lengra fyrst á annað borð verið er að leggja til breytingar á refsiákvæðum vegna ærumeiðinga.

Þeir sem þurfa helst á æruvernd að halda eru einstaklingar vegna brota fjöl- og vefmiðla gagnvart t.d. friðhelgi einkalífs þeirra og heiðri. Þeir sem þurfa síður á æruvernd að halda eru þjóðríki, trúarhópar eða kynþættir. Það skaðar almennt ekki Þýskaland þó einhverjir kalli þjóðverja bölvaða nasista, sem þeir eru ekki. Kristið fólk á Vesturlöndum hefur mátt búa við árásir á trúarskoðanir sínar og trúartákn án þess að ástæða þyki til að beita refsilöggjöfinni. Þess vegna kom það fólki á Vesturlöndum á óvart þegar meðlimir Pussy Riot voru fangelsaðir fyrir brot á refsiákvæðum þess lands sem er hliðstætt þeim sem hér eru.

Meginatriðið er að fólk hafi víðtækt tjáningarfrelsi, en verði að bera ábyrgð á orðum sínum. Það verður þó að vera innan skynsamlegra marka.  Gamanleikarinn Rowand Atkinson sem lék m.a. Mr. Bean hefur verið hvað ákveðnasti talsmaður víðtæks tjáningarfelsis og fundist hatursákvæði vegna trúarhópa, hagsmunahópa og þjóða ganga allt of langt og takmarka eðlilega tjáningu og þess vegna eðlilega kerskni og húmor.

Þingmenn Pírata mættu skoða þetta mál nánar hvað varðar meiri breytingar á meiðyrðalöggjöfinni þannig að eðlileg umræða geti þróast í þjóðfélaginu þannig að þöggun tepurskaparins verði ekki alls ráðandi.

Athugasemdir

[Helga Kristjánsdóttir, 19.11.2014 kl. 05:13]

Líklega hefur Rowand Atkinsson fengið að heyra það. Margir sjá sjálfa sig í atriðum hans,eins og fjöldasöng í kirkjum,sem Mr Bean túlkar svo sakleysislega: Hann sér illa á sámabók sessunautar,mímar því lagið með textanum þar til kemur að ;Hallelúja;þá færist hann allur í aukana og vekur athygli vegna raddstyrks. Minn maður er upp með sér.

[Jón Magnússon, 19.11.2014 kl. 10:27]

Einmitt Helga, en hann er á öruggu svæði þegar hann gerir grín að því sem gerist í kirkjum kristinna en ekki í sýnagógum eða havð þá heldur moskum.

[Helga Kristjánsdóttir, 19.11.2014 kl. 16:16]

 Já einmitt Jón,hef oft ætlað að þenja mig vegna grófra atriða að tali nú ekki um skrifa,um kristi og kirkjur og látið átölulaust.Svo verður allt vitlaust vilji maður ekki moskur og búrkur í landi sínu.