Björk bullar

 Þegar Björk Guðmundsdóttir söngkona setur fram hugleiðingar um alþjóðamál þá vekur það athygli af því að hún er góður söngvari, en ekki vegna þess að greining hennar sé brillíant hvað þá heldur gáfuleg. Fjölmiðlamenn hlaupa á eftir frægu fólki sem iðulega setur fram mis gáfuleg ummæli oft til að halda sér í umræðunni í auglýsingaskyni.

Ekkert skal fullyrt um að ofangreindar hvatir ráði því að Björk Guðmundsdóttir söngkona skuli bulla um hryðjuverkaárásirnar í Kaupmannahöfn og París. Björk tengir hryðjuverkaárásir Íslamista í þessum löndum við hernað þeirra erlendis eins og hún kallar það. En er það svo? Liggur ekki fyrir hvað var orsök hryðjuverkaárásanna í París og Kaupmannahöfn?

Í París var ráðist á höfuðstöðvar teiknimyndablaðs sem birti dónalegar myndir og að mínu mati ósæmilegar af Múhameð spámanni, Jesú og fleirum. Orsök árásarinnar var myndbirtingin. Ráðist var gegn tjáningarfrelsinu. Í sömu atrennu var ráðist á Gyðinga vegna trúarskoðana þeirra. Hryðjuverkaárásin í París hafði því ekkert með hernað Frakka að gera. Hún var annars vegar atlaga að tjáningarfrelsinu og hins vegar vegna haturs á Gyðingum.

Í Kaupmannahöfn var það sama upp á teningnum. Ráðist var á bænahús Gyðinga vegna haturs á Gyðingum og saklaus borgari drepinn þegar markmiðið var að drepa sænskan teiknara vegna teikninga af Múhameð. Aftur atlaga að tjáningarfrelsinu og Gyðingahatur.

Það er með miklum ólíkindum að á samfélagsmiðlunum skuli sumt vinstra fólk bera blak af þessu rugli í söngkonunni, sem er með yfirlýsingum sínum í fyrsta lagi að rugla saman orsök og afleiðingu og í öðru lagi að bera blak af hryðjuverkamönnum á fölskum forsendum.

Baráttan gegn hryðjuverkum Íslamista er óhjákvæmileg og það er slæmt þegar fólk í vestrænum löndum telur sig vera friðflytjendur þegar það í raun samsamar sig með glæpamönnum. 

Við gerum venjulegu fólki í Evrópu sem játar Íslam ekki verri óleik en að taka ekki hart á móti glæpum Íslamistanna.

Athugasemdir

[Anna Sigríður Guðmundsdóttir, 2.3.2015 kl. 00:25]

Jón. Gleymum ekki hryllilegum afleiðingum NATO-hertökustríðandi fylkinga heimsins, í þessum umræðum um svokallaðan "friðarheim" bankarænandi, siðlausan og heimshörmungarvaldandi siðblinduheim vesturlanda.

Sá sem er fórnarlamb stríðandi bankaránshertökuliða á hryllilegan flóttahrekjandi hátt, býður þess aldrei bætur á sálinni.

En kannski er sá alvarleiki ekki nógu vel þekkt staðreynd í sálfræðimenntandi Háskólum í hinum vestræna heimi?

M.b.kv.

[Jón Magnússon, 2.3.2015 kl. 08:24]

Það þarf ekkert að vera að rugla með þetta Anna. Árásirnar í París og Kaupmannahöfn voru ekki vegna þess heldur vegna teikninga af Múhameð og haturs á Gyðingum. Hafði ekkert með NATO að gera eða bankarán.

[Predikarinn - Cacoethes scribendi , 2.3.2015 kl. 08:48]

Hárrétt greining hjá þér klri Jón, nema hvað ég tek ekki undir að Björk sé eitthvað sérlega góður söngvari. Fræg er hún þó sem listamaður og margir að meta hana þó ég geri það ekki.

Ég held hún ætti að halda sig við að sinna þeim áhangendum í stað þess að bulla sem hún gerir þarna. Slíkt kynni að fæla frá henni kaupendur tónlistarinnar. Gerir hún ráð fyrir að gyðingar þeir sem kunna að hafa metið hana fram að þessu kaupi áfram af henni plötur eftir svona yfirlýsingar, eða munu frakkar og danir kaupa plöturnar áfram allir sem einn ?

Hitt er þekkt að þegar hún var fengin til að syngja á Oympíuleikunum - þá var hún ekki beðin fyrr emn eftir að Emiliana Torrini hafði hafnað boði um slíkt. Björk var varakandidat í háatíðina  hjá aljóða Ólympíunefndinni.

[Guðbjörg Snót Jónsdóttir (IP-tala skráð) 2.3.2015 kl. 10:44]

 Ég held, að Björk ætti að halda sig við sönginn, þótt ekki sé hún góð söngkona svo sem, en hún ætti að hafa vit á að tjá sig um tónlistina eina, því að hún hefur greinilega ekki hundsvit á stjórnmálum, þegar hún fer að þvæla um þau og annað þeim tengt. Hún ætti að láta föður sinn um að rausa um þau. Það liggur við, að maður skammist sín fyrir hana, og að hún skuli vera Íslendingur, þegar hún byrjar þessar ræður sínar, sem er ómögulegt að fá neinn botn í, en auðheyrt, að hún veit ekkert um.

[Guðrún Þóra Hjaltadóttir, 2.3.2015 kl. 11:56]

Trúlega er það heillavænast fyrir Björk að snúa sér að söng áfram.

Ætli það sé þeim að kenna sem að mótmæla Moskvu á Íslandi að vinsældir Bjarkar hafi minnkað ?

[Jón Magnússon, 2.3.2015 kl. 17:54]

Sínum augum lítur hver á það Prédikari en ekki ætla ég að dæma um það hvort hún syngur vel eða illa. Alla vega á hún marga aðdáendur sem telja það. En það skiptir engu máli hvernig hún syngur. Hún er að tjá sig á öðrum vettvangi og verður að bera ábyrgð á því eins og aðrir og stendur ekki undir ábyrgð.

[Jón Magnússon, 2.3.2015 kl. 17:56]

Sem betur fer Guðbjörg þá er hún ekki ein á báti meðal listamanna sem bulla með sama hætti. Svo er það til styrktar að það eru fáir sem fylgajst með fréttum og fréttamiðlarnir eru svo lélegir að þeir taka það sem að þeim er rétt af fræga fólkinu gagnrýnislaust. Alvöru fréttamiðill hefði t.d. getið þess um leið og hann sagði frá ummælum Bjarkar að þetta væri raunar annað en hryðjuverkamennirnir sjálfir segðu um ástæður hryðjuverkanna.

[Jón Magnússon, 2.3.2015 kl. 17:58]

ég er sammála því Guðrún. Hún er betri sem söngkona.

[Óskar Helgi Helgason (IP-tala skráð) 2.3.2015 kl. 22:57]

Sæll Jón - sem og aðrir gestir þínir !

Fjarri fer því: að Jón fari of geyst, í réttmætum lýsingum sínum á Björk / og vinum hennar.

Kannski - Björk Guðmundsdóttir: sem og hennar fylgjarar ýmsir í vef veröldinni, þyrftu að kynnast hrjóstugu og niðurdrepandi mannlífi Saúdí- Arabíu og nágrennis, til þess að láta sannfærast af hófstilltum varnaðarorðum Jóns síðuhafa, gott fólk ?

Þrátt fyrir - daglegar fregnirnar, af skelfilegum níðings verkum Múhameðskra, víðs vegar um veröldina.

Ef eitthvað er - er Jón fremur hógvær og kyrrlátur í orðavali sínu, miðað við tilefnin - sem til umræðu eru.

Með beztu kveðjum sem oftar - af Suðurlandi /  

[Anna Sigríður Guðmundsdóttir, 2.3.2015 kl. 22:58]

Takk fyrir svarið Jón.

Ég er ekki sammála þér núna.

Björk bendir á hið augljósa, í NATO-heimsveldisstýringunni herjandi.

Ég er enn föst í þeim ó-útskýrða takmarkaða skilningi sálfræðinnar réttlætanlegu, að NATO-herteknum fórnarlömbum stríðandi fylkinga vesturlanda, hefur hreinlega verið att út í geðbilunarstríðsframkallandi hryðjuverkaviðbrögð.

Sorglegast af öllu er það, að öfga-trúarbragða-þjálfunarbúðir Anders Bering Brevik, og annarra öfgaþjálfunarbúðir stríðssýktra flóttamanna, hafi fundið sér vel fyrirséðan og velfyrirgreiddan þjálfunarstað, í Breta-heimsveldinu.

Þöggun heimsfjölmiðlanna samtakastilltu og Bretamafíustýrðu, er lykillinn að upplýsingaþöggun og réttindatortímingu alls verkafólks/fyrirtækja-réttinda siðmenntaðra vinnandi skattgreiðenda.

Það gildir í allri Evrópu, og víðar á jörðinni, en ekki bara á Íslandi.

M.b.kv. 

[Jóhann Kristinsson, 3.3.2015 kl. 04:04]

Björk var mjög vinsæl í Kína. Oft var ég spurður um Björk á mínum ferðum til Kína og þá sérstaklega af unga fólkinu.

það kom að því að hún fór í tónleikaferð til Kína og þurfti endilega að opna skoltinn um pólitík.

Neddless to say, vinsældir Bjarkar hrundi og það kæmi mér ekkert að óvart að hún væri ekki velkomin þangað aftur.

Þegar fólk lifir í einhverri loftbólu eins og margir listamenn og er ekki í nánu sambandi við veruleikan, þá ætti þetta fólk að segja sem minnst, en einbeita sér að því sem það gerir vel, að áliti margra aðdáanda.

Kveðja frá Houston

[Jón Magnússon, 3.3.2015 kl. 15:39]

Takk fyrir það Óskar Helgi.

[Jón Magnússon, 3.3.2015 kl. 15:40]

Athyglisverðar upplýsingar Jóhann.

[Jón Magnússon, 3.3.2015 kl. 15:41]

Guðrún Magnea það verður að skoða hvert mál út af fyrir sig og hvað er þar um að ræða í stað þess að fara út um víðan völl í heimssögunni. Við erum stödd í núinu hér á Vesturlöndum þar sem er hryðjuverkaógn af ýmsum toga m.a. vegna þess að sumir vilja ekki samþykkja tjáningarfrelsi.