Kristileg nálgun eða Gyðingleg

Páskar þýða framhjá ganga og vísar til þess sem segir í 1. Mósebók um fyrirskipun Jahve til Gyðinga í Egyptalandi um að slátra lambi og rjóða blóðinu á dyrastaf fyrir framan útihurð húsa sinna og þá muni Jahve ganga framhjá húsum þeirra, en framkvæma fjöldamorð á saklausum egypskum börnum í öðrum húsum í Egyptalandi.

Þessi frásögn og hugmyndafræði um ættbálka guðinn, þjóarguðinn er gjörsamlega andstæð kristinni hugsun og kristilegri boðun þar sem allar þjóðir og allir einstaklingar eru jafnir fyrir Guði.

Jesús boðaði kærleiksríkan Guð allra þjóða. Þess vegna er það illa valið að nota orðið páskar um helgustu trúarhátíð kristins fólks þegar Guð opinberaði fyrirheit sitt um upprisu og eilíft líf fyrir mönnunum.

Jesús var tekinn af lífi á föstudegi fyrir páskahátíð Gyðinga sem er á sunnudegi svo hann yrði ekki til vandræða á minningarathöfn Gyðinga um fjöldamorð Jahve á ungbörnum. 

Jesús reis upp frá dauðum á mánudegi eftir því sem best verður lesið úr guðspjöllum Nýja testamenntisins. Upprisa hans og boðun um kærleiksríkan Guð allra þjóða, Guð friðar og fyrirgefningar á ekkert skylt við páskahátíð Gyðinga. Gyðingar fagna á þeim tíma fjöldamorðum á meðan við kristið fólk fögnum sigri lífsins yfir dauðanum.

Væri því ekki nær fyrir kristna kirkju og aðra í kristnum þjóðfélögum að halda upp á upprisu Jesú á mánudegi í samræmi við Nýja testamenntið og taka upp nafnið Upprisuhátíð fyrir mikilvægustu trúarhátíð kristins fólks og hafa með  því beina tilvísun til sigurs lífsins yfir dauðanum en sleppa tílvísun í hatur og þjóðarmorð. 

Athugasemdir

[FORNLEIFUR, 6.4.2015 kl. 13:44]

Það voru nú einu sinni gyðingar sem tekið höfðu kristna trú, sem hófu að minnast upprisu Krists. Í stað þess að fárast yfir Gyðingdómi og meintri grimmd gyðinga, væri kannski vert fyrir sannkristna að líta í eigin barm og hugsa út í, af hverju það var gyðingur sem krossfestur var og að sögn vegna þess að hann var svikinn af gyðingi, og svo leiða hugann að því hve margir gyðingar hafa verið drepnir fyrir það meinta svik og krossfestingu; Eða af hverju kristnir menn drekka blóð meistara sín og borða líkama hans á táknrænan hátt. Mannátt er mjög framandi gyðingum.

Svo er kristnum á Íslandi auðvitað í sjálfsvald sett, hvort þeir nota orðið Páska eða ekki. Þetta er afleitt af arameíska orðinu Pesach og komið inn í Íslensku eins og Kristindómur gegnum helg rit á Latínu og Grísku. Englendingar kalla þessa hátíð Easter. Þú vilt kannski kalla þetta Eystrur? Sama er mér

Gyðingar minnast svo reyndar ekki barnadauða í Egyptalandi. Það var aðeins ein af þrautum þeim sem lagðar voru á Egypta svo þeir fengjust til að leysa gyðinga úr ánauð. Svo eru til menn sem halda því fram að bæði vera gyðinga í Egyptalandi og Jesus Jósefsson séu húmbukk og hugarburður.

[FORNLEIFUR, 6.4.2015 kl. 13:50]

Jóna Bolladóttir prestur kallar krossfestinguna meira að segja hefndarklám!!

http://www.dv.is/frettir/2015/4/6/krossfesting-var-hefndarklam-og-brjostabyltingin-er-kristin/

[Húsari. (IP-tala skráð) 6.4.2015 kl. 13:57]

Sæll Jón.

Munur er á því annars vegar að hafa nokkurn
veginn á hreinu helstu hugtök kenningarinnar
eða hvort maður svo trúir því þannig eða ekki.

Orðin synd og helvíti semog mörg önnur svosem
Heilagur andi og endurkoma Krists eru síður
notuð nú en hvað var fyrir 20-30 árum.
Þau eru þó þarna eftir sem áður.

Í sem skemmstu máli mætti orða þetta svo að hinn
syndugi maður sem í engu breytir háttum sínum
eða leitar hjálpræðis Guðs síns, - að framhjá
honum er gengið á degi dómsins.

Vona að mér hafi tekist að orða þetta með
kurteislegum hætti.

[FORNLEIFUR, 6.4.2015 kl. 13:59]

Svo eitt enn. Páskahátíð gyðinga, Pesach, stendur venjulega yfir í sjö daga. Sunnudagurinn, eða dagurinn eftir hvíldardaginn, sem er á laugardögum, er ekki heilagasti dagur þeirrar hátíðar. Upphaflega var þetta vorhátíð og það er langt frá öruggt að sögnin pesach (að sniðganga; að ganga framhjá) eigi eitthvað skylt við hátíðina.

[Predikarinn - Cacoethes scribendi , 6.4.2015 kl. 14:19]

Sæll kæri Jón.

Það var ekki á mánudegi sem upprisan var, það kemur algerlega niðurnjörvað í frásögnum Biblíunnar að um sunnudag var að ræða.

Sjá 16. kafla guðspjalls Markúsar í versum 1-4 :

„Þá er hvíldardagurinn var liðinn, keyptu þær María Magdalena, María móðir Jakobs og Salóme ilmsmyrsl til að fara að smyrja Hann.

Og mjög árla hinn fyrsta dag vikunnar um sólarupprás koma þær að gröfinni.“

 

Sömuleiðis í 24. kafla guðspjalls Lúkasar í fyrsta versi segir :

„En í afturelding fyrsta dag vikunnar komu þær til grafarinnar með ilmsmyrslin sem þær höfðu búið“

Þá ber þetta saman við enn einn vitnisburðinn, nú í 28.kafla guðspjalli Matteusar í fyrsta versi :

„Að liðnum hvíldardegi, þegar lýsti af fyrsta degi vikunnar, komu þær María Magdalena og María hin til að líta á gröfina.“

Skírara getur það varla orðið að um dagrenningu á sunnudegi, fyrsta dag vikunnar, reis Drottinn frá dauðum. Það er sömuleiðis þriðji dagurinn frá því aðfangadagur Hvíldardagsins var, og kallaður er föstudagurinn langi á okkar tíð, en þann dag var Hann líflátinn og þar með fyrsti dagurinn sem Hann var dáinn.

[Jórunn Eggertsdóttir (IP-tala skráð) 6.4.2015 kl. 19:40]

Blóð lambsins sem Gyðingar slátruðu í Egyptalandi, gaf þeim líf. Blóð lambsins Jesú Krists ( sjá Guðs lambið, sem ber synd heimsins ) gefur eilíft líf, þeim, sem við honum taka.

[Jón Þórhallsson, 7.4.2015 kl. 07:52]

Ef að við sleppum nú allri dýrkun á 2000 ára gömlum fortíðar-pyntingum tengt krossfestingum sem eru löngu liðnar og við getum ekki tekið til baka.

Spurningin hlýtur alltaf að vera hvort að Þjóðkirkjan eigi von á öðrum KRISTI sem hún væri tilbúin að viðurkenna sem KONUNG.

Myndi Þjóðkirkjan vilja að það kæmi annan maður fram á sjónarsviðið sem að gæti gert kraftaverk?

http://thjodarskutan.blog.is/blog/thjodarskutan/entry/1678435/

[Jónas Ómar Snorrason, 7.4.2015 kl. 22:17]

Þetta er nú meiri endemis þvælan í þér Predikari. Ætlar þú að byggja trú þína á flökkusögum skrifaðar af fólki, 50-150 árum eftir kristburð, svo ekki sé talað um fyrir og eftir þann tíma þá var fullt af fólki sem var álíka. Í dag getur þú ekki sannreynt ákveðin atriði, sem áttu sér stað fyrir 10 árum, með google ofl. ætlar þú að trúa googlinu frá 050 til að byggja þína trú á. Einfaldur ertu!!!