Bush lætur ekki að sér hæða.

George W. Bush forseti Bandaríkjanna lætur ekki að sér hæða. Á fundi þar sem hann talaði um hvernig mætti bæta heilsu og líklamlegt ástand sagði hann:

"Með því að velja það rétta getum við valið það rétta fyrir framtíðina" Skarpviturt eins og margt sem frá honum kemur.

Nú má segja að kjósendur eigi þess kost að velja það rétta fyrir framtíðina. Áframhaldandi okurstjórn eða kjósa Frjálslynda flokkinn til að taka til í þjóðfélaginu.

Athugasemdir

[Sigurður G. Tómasson, 14.4.2007 kl. 23:07]

Sæll Jón!

Snilliyrðum Bush hefur verið safnað. Þau er m.a. að finna á dagatali sem hangir uppi niðri á Útvarpi Sögu og telur dagana þar til hann lætur af störfum. Mér var sent þetta frá vini mínum í Bandaríkjunum.  Er kominn kosningahrollur í þig?

Kveðja, SGT 

[Jón Magnússon, 15.4.2007 kl. 09:26]

 Þakka þér fyrir Sigurður. Ég þarf greinilega að heimsækja ykkur og skoða dagatalið. Ég á bók sem heitir Bushism en þar eru snilliyrði þessa "geðþekka" þjóðarleiðtoga ég veit ekki hvort þau eru þau sömu eins og á dagatalainu en við sjáum til.

Nei það er enginn kosningahrollur í mér. Kosningabarátta er skemmtilegasti hluti stjórnmálastarfs. Hitt er svo annað mál að ég vildi gjarnan sjá Frjálslynda flokkinn mælast hærra í skoðanakönnunum.  En við gerum okkar besta til að gera kjósendum grein fyrir þýðingu þess að fá öfluga baráttmenn gegn sérhagsmunum og okri á neytendum á þing.