Mannúð og umburðarlyndi

Í hirðisbréfi biskupsins yfir Íslandi var hvatt til, að sem flestir úr hópi þeirra ólöglegu innflytjenda og flóttafólks sem streymir inn í Evrópu fái ævivist hér á landi. Páfinn í Róm hafði áður sent út samskonar hirðisbréf.

Evrópa er umfram önnur svæði á þessari jörð griðarstaður fyrir fólk á flótta vegna mannúðar og umburðarlyndis gagnvart mismunandi fólki og skoðunum. Mannúð og umburðarlyndi Evrópubúa er grunduð á hugmyndafræði kristinnar trúar. Þegar þessi hugmyndafræði mannúðar var þróuð af kristnum þjóðum voru þær tilbúnar til að verja sig og lífsskoðanir sínar. Þess vegna voru færðar fórnir þar sem milljónir týndu lífi í átökum við myrk ölf nasisma og kommúnisma.

Kristnar þjóðir Evrópu byggja enn á hugmyndafræði kristninnar. En þeir sem hirðisbréfin senda hirða ekki um að gæta hagsmuna trúarsystkina okkar og láta grimmdarverk villimanna bitna á þeim, án þess að rísa upp í sjálfsagðri vandlætingu með kröfu um að trúarsystkinum okkar sé veitt vernd hvort heldur það er í Sýrlandi, Írak eða annarsstaðar. Engin hópur trúaðra verður fyrir eins miklum ofsóknum og kristið fólk.

Í sumar var skipi með flóttamönnum bjargað á Miðjarðarhafi. Í ljós kom að kristna fólkið sem var um borð hafði verið drepið og kastað útbyrðis. Þrátt fyrir það tók hin umburðarlynda Evrópa á móti morðingjunum og veitti þeim griðland.

Í dag sækja hundruð þúsunda ólöglegra innflytjenda og tuga þúsunda flóttamanna til Þýskalands í kjölfar ruglanda Angelu Merkel. Af þeim eru um 40% Kosovo Albanar og önnur 40% Afganar. Flóttafólk frá Sýrlandi er í algjörum minnihluta. Í flóttamannabúðunum aðhyllist mikill meiri hluti þá trú sem heiminum og heimsfriðnum stendur í dag mest ógn af. Salafistar, öfgahópur þeirra trúarbragða sækir skipulega inn í búðirnar til að fá nýja liðsmenn.

Í nafni umburðarlyndis og mannúðar hefur hin kristna Evrópa hafnað því að það megi gera upp á milli fólks. Það má ekki veita kristnu fólki og Yasidum, sem eru í mestri hættu forgang.

Nýverið barst frétt þess efnis að árás var gerð á flóttahjón í flóttamannabúðum í Þýskalandi vegna þess að konan bar krossmark en hjörðin sem var í búðunum hafði ekkert umburðalyndi gagnvart því.

Hirðisbréf kirkju "leiðtoganna" nær ekki til og tekur ekki til eða setur fram tilmæli um að kristið fólk standi vörð um kristin gildi og hagsmuni kristins fólks og vísi burt fólki sem berst gegn grunngildum mannúðar og umburðarlyndis. Þessir kirkju"leiðtogar" fljóta því með ssama hætti sofandi að feigðarósi og íbúar Miklagarðs þegar Múslimaherirnir sóttu að borginni, sem lögðust á bæn í stað þess að verjast þó næg væru efni til þess.

 

Athugasemdir

[Kristján Þorgeir Magnússon (IP-tala skráð) 24.9.2015 kl. 08:54]

Þessi pistill er frábær Jón, eins og svo margir aðrir sem frá þér koma.  Kirkju"leiðtogi" okkar fer sorglega villur vegar í "rétt"trúnaði og popúlisma.

[Predikarinn - Cacoethes scribendi , 24.9.2015 kl. 13:59]

Góður og þarfur pistill kæri Jón.

[Jón Þórhallsson, 24.9.2015 kl. 15:40]

"Þessir kirkju"leiðtogar" fljóta því með sama hætti sofandi að feigðarósi og íbúar Miklagarðs þegar Múslimaherirnir sóttu að borginni, sem lögðust á bæn í stað þess að verjast þó næg væru efni til þess".

Eru engir innan xD sem vilja verja landið?

Er bara sofið á verðinum þar?

[Jón Þórhallsson, 24.9.2015 kl. 15:59]

Bjarni Ben og Ólöf í xd; þau virðast einnig tralla með múslimunum ásamt fleirum: (Það er ekki bara kirkjufólkið).

http://www.mbl.is/frettir/innlent/2015/09/19/buast_vid_um_100_flottamonnum_a_arinu/ 

[Jón Magnússon, 24.9.2015 kl. 21:59]

Takk fyrir það Kristján Þorgeir.

[Jón Magnússon, 24.9.2015 kl. 22:00]

Takk fyrir það ágæti Prédikari.

[Jón Magnússon, 24.9.2015 kl. 22:00]

Takk fyrir þín innlegg Jón Þórhallsson.