Gegn eigin borgurum

Í gær bárust fréttir af því að stórir hópar ungra manna af Arabískum og Norður-Afrískum uppruna hefðu veist að konum með ránum og kynferðislegu ofbeldií Köln í Þýskalandi og nokkrum öðrum þýskum borgum á gamlárskvöld. 

Af hverju bárust fréttir af þessu fyrst í gær? Vegna þess að lögregluyfirvöld og stjórnvöld reyndu að þagga þetta niður. Fylgjendum fjölmenningar í Þýskalandi slógu skjaldborg um pólitísk viðhorf sín og horfðu framhjá hagsmunum eigin borgara. Lögreglan virðist ekki hafa skorist í leikinn til að verja eigin borgara af ótta við að vera sökuð um rasisma. 

Ótti lögreglu og ýmissa annarra yfirvalda hefur iðulega á síðustu árum leitt til þess að ekki er brugðist við til að verja eigin borgara af ótta við að stuða samfélag múslima. Dæmi frá Rotherham og Manchester á Englandi þar sem glæpahópar múslima stóðu fyrir mannsali og nauðgunum á miklum fjölda af ungum stúlkum óáreittir um árabil, vegna þess að yfirvöld settu kíkinn fyrir blinda augað af ótta við að vera sökuð um rasisma.  

Í kjölfar árása og rána innflytjenda í Þýskalandi á þýskar konur á gamlárskvöld segir Angela Merkel kanslari að sýna verði stillingu og gæta þess að þetta verði ekki til að auka andúð á innflytjendunum. Þessi ummæli eru ámóta og konurnar á Stígamótum mundu segja við konur sem þangað leituðu eftir nauðgun, að þær yrðu að gæta þess sérstaklega að sýna nauðgurunum skilning og velvilja.

Svo virðist sem undansláttarfólkið í innflytjendamálum vilji sveigja reglur réttarríkisins að þeirri innflytjendastefnu fáránleikans, sem er andstæð hagsmunum eigin borgara og ógnar öryggi þeirra. 

Athugasemdir

[Jón Pétur Líndal. (IP-tala skráð) 6.1.2016 kl. 11:36]

 Það er eitt grundvallaratriði þegar talað er um fjölmenningu sem þarf að skilgreina og leiðrétta hjá ansi mörgum. Fjölmenning er rangnefni eða allavega rangtúlkun á því sem verið er að tala um. Fjölmenning er orð sem hefur verið búið til og á að vera jákvætt orð yfir það þegar hrært er saman fólki af ólíkum uppruna með ólík trúarbrögð, ólíka siði og venjur, ólík viðhorf til kynja, ólíkt uppeldi, ólík tungumál, ólíka sögu, ólíkt loftslag og umhverfi o.s.frv. Og fjölmenning felur í sér að hræra þessu öllu saman í eitt þjóðfélag, ekki bara kostunum sem eru einhverjir hjá öllum, heldur líka göllunum. Það er t.d. í tilviki Íslands verið að fórna áratuga baráttu fyrir kvenfrelsi fyrir fjölmenningu, það er verið að fórna friðsamlegri kristinni trúarástundun fyrir trúarbrögð sem margir þeirrar trúar setja ofar landslögum, það er verið að fórna frjálsum ástum fyrir fjölmenningu o.s.frv. Það er ekki bara fjölbreyttur matur og karaóki sem felst í fjölmenningu og það sem skynsöm þjóð mundi gera væri einfaldlega að kortleggja kosti og galla þess að hræra svo ólíku fólki saman og vega og meta hvað er raunverulega gott fyrir samfélagið, bæði þá sem eru þar fyrir og þá sem koma þangað inn frá öðrum löndum. En tilfinningasöm þjóð er kærulaus og vill afgreiða allann pakkann með því að búa til jákvætt orð yfir óreiðuna og kalla hana fjölmenningu.

[Helen Gunnars (IP-tala skráð) 6.1.2016 kl. 12:17]

Greinilegt hver þróunin er í þessum málum, allt heilagt og ef sett er út á ertu rasisti. En hvað með þann rasisma sem þetta lið (sérstaklega múslimar ) sýna af sér til annara ???

[Jón Þórhallsson (IP-tala skráð) 6.1.2016 kl. 16:36]

Það verður helst að tal um hvern hóp fyrir sig tengt fjölmenningu!

[gunnar (IP-tala skráð) 7.1.2016 kl. 18:23]

Helen kemur inn á vanreifað mál, en það er undirokun kristinna manna í þeirra löndum. Þeir hafa verið ofsóttir kerfisbundið, kristnir Armenar upplifðu þjóðarmorð 1915 sem enn fæst ekki viðurkenning á. Kristnir menn í Mosul í Írak hafa flúið landið af ótta við að tapa lífi sínu. Enginn segir neitt við þessu, engin fjölmenningarsamtök sem hiksta yfir þessu, ekki múkk frá fjölmiðlum. Það er hinn helmingurinn á málinu sem gleymist oft í umræðunni.