Eru það ekki efnahagsmálin sem skipta mestu?

Bandaríkjamenn ganga til kosninga á morgun. Undanfarið höfum við fengið fréttir af því í ríkisfjölmiðlinum, að forseti Bandaríkjanna sé svo óvinsæll, að ætla megi að flokkur hans muni bíða afhroð í kosningunum og tapa meirihluta sínum í fulltrúa- og öldungadeild Bandaríkjaþings. 

Hvað svo sem líður vinsældum eða óvinsældum Donald Trump, þá getur hann státað af hlutum, sem flestir stjórnmálamenn í heiminum mundu fegnir gefa mikið fyrir að geta. 

Efnahagslífið í Bandaríkjunum er í blóma. Skattalækkanirnar sem Trump stóð fyrir virðast hafa skilað sér. Atvinnuleysi er minna en nokkru sinni fyrr síðustu 50 árin. Það hefur dregið úr fátækt. Laun hækka hraðar en þau hafa gert síðasta áratuginn. Þessi atriði skipta miklu máli sbr. vígorð Bill Clinton á sínum tíma "It´s the economy" sem skiptir öllu máli.

Skoðanakannanir sýna að meirihluti kjósenda þakkar Trump hversu vel gengur í efnahagslífinu, en spurning er hvort það skilar sér í kosningunum.

Þegar svona vel gengur í efnahagslífinu þá eru samt önnur mál til umræðu í kosningabaráttunni. Engin forseti Bandaríkjanna fyrr eða síðar hefur orðið fyrir jafn óvæginni gagnrýni og Donald Trump. Þá hafa pólitískar nornaveiðar verið í gangi gegn honum frá því áður en hann tók við embætti og sérstakur rannsóknardómari hefur verið settur honum til höfuðs. Allt það fár hefur engu skilað nema útgjöldum fyrir skattgreiðendur.

Eftir aðför Demókrata að Kavanaugh Hæstréttardómara var greinilegt að kjósendum líkaði það ekki og fannst allt of langt gengið. Skoðanakannanir sýndu það ótvírætt. Nú er hins vegar spurning hvort Trump geldur fyrir nokkra sturlaða menn sem hafa framið hryðjuverk í Bandaríkjunum eða reynt það síðustu vikur. Demókratar hafa verið ósparir á að kenna Trump um, þó þessi mál séu honum jafn óviðkomandi og hryðjuverkin í Columbine voru þáverandi Bandaríkjaforseta. 

Miðað við forspá og fréttaflutning Ríkisútvarpsins, þá ættu Repúblikanar að bíða afhroð sem aldrei fyrr í kosningunum á morgun þrátt fyrir frábæran árangur í efnahagsmálum. Fróðlegt verður að fylgjast með þegar talið verður upp úr alvöru kjökössum í Bandaríkjunum. 

Athugasemdir

[Tómas Ibsen Halldórsson, 5.11.2018 kl. 10:28]

Sæll Jón

Ég spái því að það verði Demókratar sem bíði afhroð en Repúblikanar haldi meirihluta í báðum deildum og auki jafnvel við sig í fulltrúadeildinni þar sem ýmsir hafa spáð Demókrötum meirihluta.

Bandaríkjamenn eru margir hverjir búnir að fá nóg af framgöngu Demókrata í garð forsetans. #WaldAway hreyfingin sýnir fólk á öllum aldri og þar með fjölda svartra sem eru að yfirgefa Demókrataflokkinn. "Leaving the Demokrat plantation", eins og þeir orða það.

[Sigurður Kristján Hjaltested, 5.11.2018 kl. 19:08]

Góður pistill Jón að vanda.

Já, það verður fróðlegt að sjá hvað kemur

úr kjörkössunum. Ef DT heldur, þá er það

næsta víst að demókratar, eins og þeirra er venja

sem tapa á þeirri hlið, munu halda áfram að

bera fram fake news og lygi til að fegra sjálfa

sig í þeim ömurlegheitum sem þeir standa fyrir.

Sama á við Ísland. Heitir bara VG-Samfó.