Ég má ekki þú.

Fyrirbrigði það í fjölmiðlaheiminum, sem kallar sig Stundina birtir í gær grein eftir ritstjórann þar sem amast er við tjáningarfrelsi Douglas Murray ritstjóra "The Spectator" og þeirra sem standa að því að hann tali á fundi í Kaldalóns sal Hörpu kl. 20 á fimmtudagskvöldið. En miða á viðburðinn má kaupa í gegn um tix miðasölukerfið undir aðrir atburðir.  

Blaðið fer rangt með það hverjir standa fyrir fundinumþ Það rétta er, að  það það er félagið Tjáningarfrelsið, sem stendur líka að útgáfu bókar Douglas Murray í íslenskri þýðingu og fundurinn er til að kynna bókina og gefa fólki tækifæri til að spyrja höfundinn til að eðlileg skoðanaskipti geti átt sér stað. 

Douglas Murray er af Stundinni kallaður ný-íhaldsmaður eins og það sé skammaryrði, en hann er félagi í Íhaldsflokknum í Bretlandi. Þeir sem sagðir eru standa fyrir fundinum eru kallaðir þjóðernissinnar. Var ekki alveg eins hægt að segja föðurlandsvinir? Þeir sem eru félagar í tjáningarfrelsinu hafa mismunandi skoðanir til margra hluta og félagar tilheyra a.m.k.5 mismunandi stjórnmálaflokkum í landinu.

Hvað sem þessu líður og rangfærslum Stundarinnar, þá er eitt athyglisvert. Þetta blað hefur staðið í málaferlum í meir en ár til að fá að birta illa fengin gögn frá Glitni og farið mikinn í fordæmingu á þeim sem vildu að mati blaðsins hefta tjáningarfrelsi þess. Nú bregður svo við, þegar um er að ræða skoðanir sem eru blaðinu ekki þóknanlegar, þá heimtar ritstjóri blaðsins að þær skoðanir fái ekki að heyrast. 

Til upplýsingar fyrir aðstandendur Stundarinnar þá er lýðræðið fyrir alla og tjáningarfrelsið líka? Þannig lítur það greinilega ekki út frá sjónarhóli Stundarinnar en skv. þeim fjóshaug er tjáningarfrelsið bara fyrir Stundina og þá sem hafa svipaðar eða sömu skoðanir.

Athugasemdir

[Halldór Jónsson, 21.5.2019 kl. 15:00]

Hvernig stendur á því að Lilja Alfreðsdóttir leggur sig í líma að fá ríkisfé til að bjarga 50 milljóna gjaldþroti Kjarnans? Hvernig standa fjármál Stundarinnar? Skuldar hún ekkert? Hvar fást upplýsingar um það?

Væri það þá ekki í fyrsta sinn sem fjármál væru í lagi hjá erkifeðgunum Jóni Trausta og Reyni?

Siðferði er afstætt Jón minn. Þórhildur Sunna má kalla Ásmund Friðriks þjóf á grundvelli tjéningarfrelsis síns. Ég má ekki segja álit mitt Á Þórhildi Sunnu því þá yrði mér líklega stefnt fyrir meiðyrði þar sem hægri menn njóta ekki tjáningarfrelsis um vinstri menn. 

[Þorsteinn Siglaugsson, 21.5.2019 kl. 19:28]

Grein Stundarinnar er skrítin. Murray er sakaður um kvenhatur og erkiíhaldsstefnu, en rótin að gagnrýni hans á Islam er einmitt fólgin í frjálslyndum viðhorfum hans.

Douglas Murray er hins vegar ekki ritstjóri Spectator. Hann skrifar aftur á móti í blaðið. Ritstjórinn heitir Fraser Nelson.

[Benedikt Halldórsson, 21.5.2019 kl. 21:22]

Fyrir örfáum árum hvarflaði ekki að nokkrum manni á Íslandi að reyna að koma í veg fyrir að fólk gæti sótt fundi og hlustað á erindi. 

En þá gerðist eitthvað sem full þörf er á að rannsaka. Fólk úr ýmsum róttækum samtökum, ritstjórar og aktivistar reyndi að koma í veg fyrir að "sumir" fengju að halda erindi á Íslandi. Fólkið lagði mikið á sig til að koma í veg fyrir að almenningur hlustaði á sama fólkið og gefur út bækur og allir hafa aðgang að í bókabúðum og youtube, gæti hlustað á sama fólkið í fundarsal á Íslandi. 

Af hverju? Vill það banna bækur og koma á allsherjar ritskoðun á netinu? Annað hvort er svarið já eða nei. Mig grunar að svarið sé ekki já, heldur sé þetta erlend hefndaraðgerð.

Hverjir svara kallinu? Hverjir láta sig hafa út í slíka vitleysu, að koma í veg fyrir fundi, sem nota bene á sér engin fordæmi á íslandi? Sem engin hefð er fyrir og engin pólitísk hreyfing hefur nokkru sinnu stutt?

Líkleg skýring á þessu óíslenska athæfi er að fólkið sem þiggur "hjálp" frá einhverjum gjöfulum en hefnigjörnum sponsor sé að þakka fyrir sig.  

[Jón Steinar Ragnarsson, 21.5.2019 kl. 23:20]

Orið popúlismi er vinsælt að nota í meiningunni rangar skoðanir. Hafir þú svo rangar skoðanir er bein tenging þar yfir í fasisma og jafnvel nasisma, rasisma og fóbíur ímisskonar. 

Borgin fékk um daginn 400 milljóna styrk frá ESB til "rannsókna" á popúlisma. Tvær manneskjur á vegum hennar sjá um verkefnið þótt ekki sé borgin rannsóknarstofnun per se. Hvað þessar rannsóknir eiga að fyrirstilla er óljóst. Eins hvað gert verður með niðurstöðuna. Útekt á röngum skoðunum er ekki lítið djobb. 

Á sama tíma er ESB að ráðast "til baráttu gegn popúlisma og falsfréttum. Falsfréttir þá oftast ærlegur sannleikur sem undanskilinn er málfrelsi. Popúlistarnir eru "andstæðinga ESB" eins og þeir orða það. Andstæðingar eru sjálfkrafa með rangar skoðanir neikvæð skrif um sambandið falsfréttir.

Ekki hefur verið minnst einu orði á alvöru falsfréttir sem vinstriliggjandi fjölmiðlar jusu út í tvö ár um að Trump væri rússnenskur agent. Þótt það hafi verið hrakið með ítarlegri og hlutlausri rannsókn fyrir 40milljón dollara þá hafa menn ekki látið af enn.

Orwell hlýtur að snúa sér við í gröfinni.