Sérkennilegt réttlæti. Aðeins 1.6% kvótaflóttamanna eru kristnir.

Kvótaflóttamenn eru þeir, sem ríkisstjórnin felur Rauða Krossinum að velja til að koma til landsins á kostnað skattgreiðenda. Lítið eftirlit er með því hvernig þetta verkefni er leyst af hendi. Hvort þeir sem mest þurfa á að halda njóti þeirra forréttinda að fljúga til Íslands og búa hér við betri aðstæður, en ríkið er tilbúið til að búa verst settu íslensku ríkisborgurunum. 

Ráðuneytisstjóri forsætisráðuneytisins kynnti þá stefnu ríkisstjórnar Íslands þ.18.desember s.l., að íslenska ríkisstjórnin ætlaði að stórauka innflutning á svonefndum kvótaflóttamönnum. Á þessu ári hefur ríkisstjórnin flutt inn 74 kvótaflóttamenn og heimilað 311 sögðum flóttamönnum til viðbótar dvöl og uppihald í landinu eða alls 385. Sambærileg tala fyrir Bandaríkin miðað við fólksfjölda eru 18 manns. 

Nokkur atriði vekja athygli. Í fyrsta lagi þá virðist sú stefna Sameinuðu þjóðanna að flóttamenn fái aðstöðu sem næst heimabyggð fokin út í veður og vind. Í öðru lagi er þeim hópi flóttafólks, sem á við mestu erfiðleika að búa ekki sinnt. 

George Carrey fv. erkibiskup í Canterbury hefur hafið rannsókn á hvers vegna hlutfall kristinna kvótaflótamanna er sáralítið. Aðeins 1.6% af kvótaflóttafólki til Bretlands er kristið fólk. Hlutfallið í öðrum Evrópuríkjum er svipað.

Kristið fólk og Yasidar hafa búið við mestu ofsóknir í borgarastyrjöldinni í Sýrlandi, en samt eru þeir nánast ekki gjaldgengir til að njóta hjálparstarfs kristinna ríkja Vestur- Evrópu. Aðeins 16 af hverjum 1000 kvótaflóttamönnum sem koma til Vestur-Evrópu eru kristnir hinir eru Múhameðstrúar. Segir þetta einhverja sögu. Já e.t.v. þá, að kristnu fólki er ekki vært í flóttamannabúðum Sameinuðu þjóðanna af því að þar er það ofsótt líka. Þeir sem velja kvótaflóttafólk ættu að huga að þessu ef þeir eru að vinna vinuna sína með eðlilegum hætti.

Hvaða mannúð er fólgin í því, að skilja eftir þá sem mest þurfa á aðstoð að halda.Biskupinn yfir Íslandi, sem talar meira fyrir innlfutningi á flóttamönnum en boðun Jesú , ætti að fá úttekt á því hvað hátt hlutfall kvótaflóttamanna hér eru kristnir, hvað hátt hlutfall eru Yasidar og hvað hátt hlutfall eru Múhameðstrúar. En e.t.v. finnst henni sér ekki koma það við.

Getur það verið stefna biskupsins yfir Íslandi, Rauða krossins og ríkisstjórnarinnar sé að það eigi að skilja kristið fólk eftir og hafa það útundan á meðan þeir sem minna þurfa á aðstoð að  halda eru fluttir til þess Íslands sem einu sinni játaði kristna trú og gerir það í sjálfu sér enn að nafninu til. 

 

Athugasemdir

[Óskar Kristinsson, 29.12.2019 kl. 14:49]

Blessaður Jón!

Mjög góður pistill,hef oft hugsað um þessa hluti, sá einhvern tíma rauðakrossmann spurðan að hví ekki væri reint að taka inn kristna flóttamenn, hann bara hló og svaraði útúr.

Held að rauðikrossinn þurfi að horfa í spegil, og tala nú ekki um kirkjuna og biskupinn.

[Þorsteinn Siglaugsson, 29.12.2019 kl. 22:35]

Hversu stór hluti íbúa Sýrlands er kristinn? Hve stór hluti eru Yasidar? Finnst þér líklegt að ríkisstjórnin, Rauði krossinn og Þjóðkirkjan hafi gert samsæri um að hafa kristið fólk útundan? Eitthvað fleira svipað sem þér finnst?

[Jón Magnússon, 29.12.2019 kl. 23:09]

Þakka þér fyrir Óskar ég held þetta sama og þú.

[Jón Magnússon, 29.12.2019 kl. 23:13]

Það voru rúmlega 10% landsmanna kristnir við upphaf borgarastyrjaldarinnar sumir nefna hærri hlutfallstölu. Að hluta til er vandamálið það, að kristnu fólki er iðulega vísað frá búðum Sameinuðu þjóðanna eða því er ekki vært þar vegna ofsókna Múslimskra flóttamanna í búðunum. Ekki er gerð tilraun til þess af Sameinuðu þjóðunum eða Rauða krossinum að sinna þessum stóra minnihlutahópi og f.v. erkibiskup af Kantaraborg ætlar í málaferli vegna þessara vinnubragða SÞ og RK. Þjóðkirkjan kemur ekki að þessu vali og gagnrýni mína á hana er fyrst og fremst, að hún lætur afskiptalaust og minnist ekki á hræðileg mannréttindabrot gagnvart kristnu fólki.

[Jónas Gunnlaugsson, 30.12.2019 kl. 01:17]

Slóð

Þessi nústaðreynda trúar hópur, sem er myndaður af samtökum sósíalista til hægri og vinstri og Islam eru að reyna að eyðileggja Kristna menningarheiminn, og flytja þess vegna Múslima yfir á Kristnu svæðin, nú eru stór svæði komin undir menningu Islam.

Jónas Gunnlaugsson | 25. júní 2018

Slóð

Stjórnmálamenn í Tyrklandi, sjá framm í tímann, að Tyrkneskir ríkisborgarar, verða ráðandi öfl í flestum löndum Evrópu, ef þessi þróun fær að halda áfram.

Jónas Gunnlaugsson | 16. mars 2017

Slóð

Það var ekki hægt að segja Gaddafý, hvað hann hefði brotið af sér, af því að þá hefðu allir skilið að Federal Reserve heldur aðeins bókhald, en eignast þá allt sem hann heldur bókhald yfir. Við kölluðum það, bókhaldið, lán.

Jónas Gunnlaugsson | 8. janúar 2017

Slóð

Á hvaða leið er Evrópa

Jónas Gunnlaugsson | 24. nóvember 2015

000

Slóð

Íslamistar stefna að því að leggja undir sig Evrópu

Hjörtur J. Guðmundsson | 13. desember 2007

[Jónas Gunnlaugsson, 30.12.2019 kl. 01:30]

Þorsteinn, 1,6% koma varla af sjálfu sér. Er trúlegt að forstöðumenn Rauðikrossins og Kirkjunnar hugsi ekki?

Ég held að þeir sem trúa á þrívíðan efnisheim, lúti í gras fyrir fjölheimum og strengjakenningu, multiverse og stringtheory

[Guðmundur Jónsson, 30.12.2019 kl. 08:57]

Kristnir menn á Sýrlandi voru (eru) efnaðir og oftar í stjórnunarstöðum en múslímski pöpullin. Þeir hafa líka síður lagt á flótta því þeir búa meira í dreifbýli. Kristnir menn eru af ISIS og fleirum taldir vera hluti af vandamáli sem þarf að uppræta á svæðinu og augljóslega oftar drepnir áður en þeir ná að flýja. 

Uppreisn öreiganna (blóðþyrstir öfga múslímar í tilfelli Sýrlands) passar hisvegar hugsjónum Merkel og hennar hyski í EU vel.

EU og UN vilja ekki kristna innflytjendur á vesturlöndum því þeir eru almennt borgaralega sinnaðir hægri menn sem láta illa af stjórn, vilja jafnvel eiga byssur og ráða sér sjálfir.

[Benedikt Halldórsson, 30.12.2019 kl. 09:17]

Kristnir eru 80% þeirra sem eru ofsóttir en aðeins 1.6% þeirra eru flóttamenn.  

Svokallaður "flóttamannavandi" er ekki í neinu samræmi við veruleikann en er frekar partur af langtímaáætlun að eyðileggja þjóðríkin og leggja niður landamæri - með hjálp Rauða Krossins og Sameinuðu þjóðanna.  

Af hverju þegja allir sem fá borgað fyrir að hafa samvisku og réttlætiskennd?

Fjögur þúsund kristnir eru drepnir vegna trúar sinnar.

4,305 Christians were killed for their faith from 2017 to 2019, and 1,847 churches and other Christian buildings were attacked in the same period.

1,847 churches and other Christian places of worship were attacked between 2017 and 2019, and 3,150 Christians were detained without trial, arrested, sentenced or imprisoned. The statistics on the persecution and martyrdom of Christians since 2017 were contained in the Aid to the Church in Need’s report ‘Persecuted and Forgotten’. The report shows that between 2017 and 2019 Christians were the victims of 80% of all persecution worldwide.

[Jón Valur Jensson, 30.12.2019 kl. 12:02]

Þetta er opinbert hneyksli, nafni minn, bæði hér og í Bretlandi.

Ég þakka þér kærlega fyrir að upplýsa svona vel um þetta.

Nú höfum við betra sóknarfæri til að leiðrétta þessa ósvinnu.

Bezt væri að takmarka sem allra mest komu múslima hingað, einmitt nú þegar vígamenn Ríkis islams eru farnir að flýja í stríðum straumum frá Sýrlandi, Írak og Afganistan og eru í raun til alls vísir, tifandi tímasprengjur mætti kalla þá, enda þurfa þeir ekki að flytja með sér vopn eða sprengiefni til Evrópu til að geta framkvæmt hér hryllileg hryðjuverk, þeir geta verið í sambandi við aðra þrjóta á netinu og nýtt sér morðaðferðir þessara kauða og komizt yfir hráefni til að undirbúa árásir á kristið fólk á Vesturlöndum, eins og þeir hafi ekki gert nógu mikið illt hingað til !

Hafi yfirvöld hér efasemdir um, hvort þau eigi að fara að hvatningu þeirra, sem vilja loka sem mest á fleiri múslima hingað, ættu þau að leita sér ráðgjafar hjá greiningardeild lögreglunnar og hjá dönsku og sænsku lögreglunni -- eða þeirri hollenzku -- eða spænsku!

Gleðilegt ár hjá þér, vinur, og samstöðukveðja til allra okkar ábyrgu skoðanasystkina.

[Húsari. (IP-tala skráð) 1.1.2020 kl. 11:09]

Sæll Jón.

Vitanlega þarfnast þessi pistill
engra athugasemda við svo glöggur
og skýr sem hann er.

Ég velti því hins vegar fyrir mér
hvort þeir kristnu er hingað kynnu
að koma rækju ekki upp stór augu
þegar þeir kæmust að þeirri staðreynd að
helstu búksorgir og aðalefni predikunar
á aðfangadag jóla af hálfu biskups fjallaði um
loftslagsmál og keyrði síðan um þvert bak
er kom að útvarpsmessu frá kirkju sem kennd
er við sr. Hallgrím Pétursson, sálmaskáldið góða,
þar sem öll predikun frá upphafi til enda
fjallaði um loftslagsmál og Grétu Túnberg
og undrun yfir því að menn skyldu ekki
hundast til að taka þeirri predikun.

Eitthvað virðist hafa skolast til frá því 
prestsefnum var uppálagt að boða yðran og
afturhvarf fyrir trú á Jesúm Krist upprisinn.

Skyldi það vera þannig þegar allt kemur til alls
að samningur milli ríkis og kirkju hljóði uppá
að hún skuli taka upp hvert eitt vingl sem
sannleikurinn hrasar um á strætum og
hún því réttnefnd ríkiskirkja í þessum skilningi?

Mónótóniskt bergmálið flestra ríkisstofnana,
sbr.RÚV, gefur tilefni til að spyrja hvort þannig
sé í pottinn búið.

Gleðilegt ár!