Ekki staðurinn eða tíminn.

WHO hefur gefið rangar upplýsingar og stutt kínversku kommúnistastjórnina í því að ljúga að heimsbyggðinni.

Rifjum aðeins upp: 

2019

30.12. Kínverskur læknir Li Wenliang 34 ára varar   við hættulegri veiru. Lögreglan þaggar niður í honum.

31.12. Taiwan hefur samband við WHO eftir að hafa séð skýrslu Li Wenliang um að veiran smitist á milli fólks. WHO heldur skýrslunni leyndri.

2020

3.1. Heilbrigðisyfirvöld í Kína krefjast þess af læknum og sjúkrastofnunum, að engar upplýsingar séu gefnar um veiruna.

9.1. Kína tilkynnir um undarlegan sjúkdóm í Wuhan.

14.1 Tíst frá WHO. Engar sannanir fyrir að veiran smitist milli fólks. 

20.1. Kína tilkynnir að smit berist á milli manna.

23.1. Wuhan héraðið lokað af en fram til þess voru ferðir frjálsar frá Wuhan til hvaða lands í heimi, en ferðabann var frá Wuhan til annarra héraða Kína á sama tíma.

28.1  Tedros framkvæmdastjóri WHO ber lof á Kínversku ríkisstjórnina fyrir góð viðbrögð við veirunni og lofar þau fyrir upplýsingagjöf.

30.1. Tedros heimsækir Kína og lofar stjórnvöld fyrir frábær viðbrögð til að vinna bug á veirunni.

31.1. Trump Bandaríkjaforseti tilkynnir um bann við flugferðum til Bandaríkjanna sem taki gildi 2.2.

4.2. Tedros framkvæmdastjóri átelur Bandaríkjaforseta vegna ferðabannsins og segir það geta haft alvarlegar afleiðingar og aukið á ótta fólks án þess að hafa jákvæða heilsufarslega þýðingu.

7.2. Le Wenliang læknir sá sem fyrstur vakti athygli á veirunni deyr.

14.2 Tedros varar fólk við að gagnrýna Kína nú sé ekki rétti staðurinn eða tíminn.

28.2. WHO gefur út 40 síðna skýrslu þar sem framganga Kínverja við að ráða niðurlögum veirunnar eru lofuð.

11.3. Tedros yfirlýsir að um heimsfaraldur sé að ræða.

18.3. Yfirmaður hjá WHO gagnrýnir Trump fyrir að tala um Kínaveiru.

29.3. Ai Fen læknir í Wuhan sem var meðal þeirra fyrstu til að vara við veirunni hverfur. Talið að kínversk stjórnvöld beri ábyrgð á því.

Þessi upptalning sýnir að WHO hafði aldrei frumkvæði og lagði aldrei neitt til sem skipti máli varðandi veiruna. WHO brást algjörlega. WHO er algjörlega í vasanum á Kínverjum. Þá sést líka, að Kínverjar leyndu staðreyndum eins lengi og þeir gátu um veiruna. 

Á meðan ferðabann var frá Wuhan til Kína var ekkert ferðabann frá Wuhan til annarra landa. Veiran dreifðist óhindrað út frá Kína. Kínversk yfirvöld héldu því fram lengi að veiran smitaðist ekki á milli fólks þó svo þau vissu að það var rangt. Tedros WHO forstjóri tók undir það og sagði lengi vel að veiran smitaðist ekki á milli fólks. Hvar skyldu rannsóknirnar sem réttlætu þær yfirlýsingar vera. Einfalt: Þær eru ekki til. Þetta var argasta lygi og bæði Tedros og kínversk stjórnvöld vissu það.

Til er orðtæki sem segir "margur verður af aurum api." Það mætti útfæra og segja "Margur verður af annars aurum api." Það virðist svo sannarlega eiga við um þær ríkisstjórnir Vesturlanda sem fordæma þá ákvörðun Trump að greiða ekki að sinni til WHO. Hvað þá heldur þann stjórnmálamann á Vesturlöndum, utanríkisráðherra Íslands, sem jók í kjölfarið framlag til WHO.

Stjórnmálamenn á Vesturlöndum eru á nálum yfir því að missa velvild kínverskra stjórnvalda og hafa látið þá gera sig að viðundri allt of lengi. Þeir hafa ekki staðið með lýðræði og mannréttindum til að njóta viðskiptalegrar náðarsólar Kínverja. Nú reynir á. Ætlar Evrópa að standa með þeim gildum, sem hafa skapað frelsi og velmegun í álfunni eða á að halda áfram að standa með ófrelsinu og afsaka það, að Kínverjar skuli hafa hrint af stað heimsfaraldri sem þeim hefði verið í lófa lagið að koma í veg fyrir og segja satt og fá aðrar þjóðir í lið með sér á upphafsdögum veirunnar. 

Í leiðara Fréttablaðsins á fimmtudaginn var vísað í aðgerðir Trump gagnvart WHO og sagt að nú "væri hvorki rétti staðurinn eða tíminn til að vandræðast við WHO. Nákvæmlega sama sögðu stjórnmálamenn og íþróttaforusta Evrópu fyrir Olympíuleikana í Berlín. Þó vitað væri um mannréttindabrot nasista og ofsóknir gegn Gyðingum þá sameinaðist hagsmunakór velviljaðra afglapa í að segja. "Nú er ekki rétti staðurinn eða tíminn til að gagnrýna"  

Seint virðist það ætla að ganga að stjórnvöld lýðræðisríkja grípi tímanlega til sameiginlegra aðgerða gegn ógnar- og einræðisstjórnum þrátt fyrir að þær sýni eðli sitt eins og Kínverjar núna. 

Ef það er ekki rétti staðurinn eða tíminn núna til að láta Kína og WHO svara til saka fyrir afglöp sín, sem valdið hafa heimsfaraldri og ógnar efnahagskerfi Vesturlanda og fleiri svæða í heiminum hvenær þá?

Nú er einmitt rétti staðurinn og tíminn fyrir Vesturlönd til að mótmæla lyginni og krefjast rannsóknar á framgöngu Kínverja og WHO í málinu. 

        

 

 

Athugasemdir

[Anna Björnsdóttir (IP-tala skráð) 20.4.2020 kl. 12:29]

Til fróðleiks - pbk

[Jón Steinar Ragnarsson, 20.4.2020 kl. 17:00]

Það er kaldhæðnislegt að risakonsert hinna ríku og frægu á netinu safnaði 125 milljónum dollara Helmingurinn rennur til WHO og tveggja annarra SÞ stofnana með tilheyrandi lofgjörð og skjalli.

[Jón Magnússon, 20.4.2020 kl. 17:58]

Það segir þú satt Jón. Mín kynslóð heldur að Sameinuðu þjóðirnar og stofnanir séu eins og þær voru fyrir 20 árum síðan. En það er mikill misskilningur. Fólk ætti t.d. að kynna sér ferðakostnað WHO og setja það í samhengið við önnur útgjöld fyrirbrigðisins. Það er ekki sparnaðinum fyrir að fara á þeim bæ. 

[Þorsteinn Siglaugsson, 20.4.2020 kl. 18:43]

Þetta er upplýsandi samantekt.

Maður hlýtur að velta því fyrir sér, til dæmis með hliðsjón af því að lokað hafi verið á ferðir frá Wuhan til annarra svæða Kína, en ekki til útlanda, og í ljósi vísbendinga um að veiran hafi komið frá rannsóknarstofu, hvort þarna sé um vísvitandi aðgerð að ræða.

Er mögulegt að kínversk stjórnvöld hafi ákveðið að nýta veirusjúkdóm til að skapa óreiðu og efnahagslegt hrun á Vesturlöndum í því skyni að ná tökum á efnahagslífi þeirra og í framhaldi á stjórnkerfunum? Líkindin með grunnatriðum í hernaðarlist Sun Tzu eru óhugnanleg. Við sjáum hvernig Afríka hefur smátt og smátt verið að falla í hendur Kínverja á undanförnum árum.

Veikleiki Vesturlanda er að mannslíf eru mikils metin og viðhorfið er að dauðinn sé óeðlilegt ástand sem verði að berjast gegn með öllum ráðum. Fyrir kínverskum stjórnvöldum eru mannfórnir hins vegar aðeins eins og peðfórn þegar mátleikur er í augsýn.

[Guðjón Bragi Benediktsson, 20.4.2020 kl. 19:29]

Þann tíma mun að bera að menn munu hópa að sér kennurum eftir eigin fýsnum sínum...Þeir munu snúa eyrum sínum burt frá sannleikanum og hverfa að kynjasögum. 

[Jón Magnússon, 21.4.2020 kl. 18:13]

Þakka þér fyrir Þorsteinn gott innlegg og góðar pælingar.