Leita í fréttum mbl.is

Eru Pólverjar vondir við konur?

Í tæpa viku hafa beljað þær fréttir í RÚV, að Pólverjar ætluðu að segja sig frá samningi Evrópuráðsins um ofbeldi gagnvart konum. Fréttunum hefur jafnan fylgt fordæming á hægri stjórn Póllands og illsku þeirra gagnvart konum. Fréttin eins og RÚV segir hana er röng. Hún hallar réttu máli og skilur útundan það sem máli skiptir og er inntak þessa máls. 

Sú afstaða Pólverja að segja skilið við sáttmálann hefur ekkert með illsku gagnvart konum að gera eða andstöðu við réttindi þeirra. Pólverjar segja sig frá sáttmálanum vegna þess, að í honum eru ákvæði sem skylda aðildarþjóðirnar til þess, að í grunnskólum sem öðrum skólum sé börnum kennd kynjafræði undir þeim formerkjum að allt tal um líffræðilegt kyn sé úrelt. 

Dómsmálaráðherra Póllands segir eðli slíkrar hugmyndafræði vera skaðlega auk þess sem hún sé röng og þessvegna geti Pólland ekki verið aðili að þessum svonefnda Istanbul sáttmála. 

Þetta veldur íslensku ríkisstjórninni og stjórnmálamönnum hér engum vandamálum þar sem þeir samþykktu samhljóða gölnustu löggjöf sem samþykkt hefur verið á þessu kjörtímabili um "kynrænt sjálfræði".

Íslenskum stjórnmálamönnum finnst það sjálfsagt eðlilegt að í íslenskum grunnskólum sé börnum kennt, að kyn hafi ekkert með líffræðilega hluti að gera, heldur fari það eftir viðhorfi hvers og eins og þjóðfélagslegum aðstæðum. Sá er munurinn á stjórnmálastéttinni hér og í Póllandi. 

Mikilvægasta spurningin er að velta fyrir sér hversvegna stjórnmálamenn í Evrópu vilji standa  með lyginni um að tal um líffræðilegt kyn sé úrelt og það skuli algjörlega vanta barnið til að benda á að þessi keisari er ekki í neinum fötum þar sem - hvað svo sem fyrirbrigðið kann að nefnast stendur berstrípað í sínu kynræna sjálfræði.


« Síðasta færsla | Næsta færsla »

Athugasemdir

1 Smámynd: Halldór Jónsson

Sem unga menn dreymdi marga um að geta séð inn í sturtuklefann hjá stelpunum. Rætist þetta kannski núna þó kannski 70 árum of seint fyrir einhverja sé?

Halldór Jónsson, 29.7.2020 kl. 19:32

2 Smámynd: Þorsteinn Siglaugsson

Íslenskir stjórnmálamenn hafa enga siðvitund, og hafa líklega aldrei haft hana.

Þorsteinn Siglaugsson, 29.7.2020 kl. 22:26

3 Smámynd: Jón Magnússon

Kæri Halldór ég átta mig ekki á því hvað þú ert að tala um varðandi sturtuklefann hjá stelpunum, en miðað við lögin um kynrænt sjálfræði, þá getur hvaða drengur sem er sagt að hann hafi vaknað þann morguninn og áttað sig á að hann væri kona og farið í leikfimi með stelpunum og þá væntanlega sturtu á eftir. 

Jón Magnússon, 30.7.2020 kl. 20:28

4 Smámynd: Jón Magnússon

Ekki veit ég það svo gjörla Þorsteinn. En í þessu máli nenntu þeir ekki að kynna sér málið og ekki skánar það þegar fréttastofa þjóðarinnar hefur uppi beinar rangfærslur í svona máli. Einn þingmaður ætlaði að kalla pólska sendiherrann fyrir. Eins og Alþingi Íslands hafi eitthvað með þetta að gera eða geti farið að bullukollast við erlendan sendiherra af því að landið hans vill ekki nauðugt kenna transfræði.

Jón Magnússon, 30.7.2020 kl. 20:30

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Jón Magnússon
Jón Magnússon

Síðuritari er Hæstaréttarlögmaður og fyrrverandi alþingismaður.

 

Eldri færslur

Des. 2020
S M Þ M F F L
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Heimsóknir

Flettingar

  • Í dag (4.12.): 361
  • Sl. sólarhring: 398
  • Sl. viku: 4044
  • Frá upphafi: 1669043

Annað

  • Innlit í dag: 319
  • Innlit sl. viku: 3527
  • Gestir í dag: 306
  • IP-tölur í dag: 305

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband