Hvað brast svo hátt?

Hvað brast svo hátt spurði Ólafur Noregskonungur Tryggvason í Svoldarorustu, þegar bogi Einars Þambaskelfis brast. 

"Noregur úr hendi þinni konungur svaraði Einar."

Svo fór. Ólafur féll og Noregi var skipt milli sigurvegaranna.

"Ef vér slítum í sundur lögin slítum vér í sundur friðinn" sagði Þorgeir Ljósvetningagoði þegar kristni var lögtekin á Íslandi.

Í gær ákvað ríkisstjórn Íslands með dómsmálaráðherra í broddi fylkingar, að slíta í sundur lögin og ganga á hagsmuni fólksins í landinu, með því að virða hvorki lögin né eigin ákvarðanir og láta undan ofbeldisfólki og lögbrjótum. 

Skilaboðin sem ríkisstjórnin sendir borgurum þessa lands og  heimsbyggðinni eru skelfileg. 

Athugasemdir

[Bjarni Jónsson, 25.9.2020 kl. 10:48]

Fer þá með ríkisstjórnina og feril dómsmálaráðherra, eins og með Ólaf, konung, Tryggvason, forðum ?

[Tómas Ibsen Halldórsson, 25.9.2020 kl. 14:22]

Á Íslandi þarf ekki að fara að lögum, þú gerir bara það sem þér sýnist. Þetta eru skilaboð stjórnvalda til fólksins í landinu.

Til að ná þínu fram hefurðu nógu hátt og lætur öllum illum látum. Það er það sem virkar.

[Óskar Kristinsson, 25.9.2020 kl. 20:49]

Takk fyrir þetta Jón!

Allt kom þarna fram sem ég hefði viljað segja.Þú bara orðar það betur.

þetta eru svo gjörsamlega óþolandi vinnubrögð á hinu lága lygaalþingi. Held að það sé mörgum misboðið.

[Helga Kristjánsdóttir, 26.9.2020 kl. 00:25]

Góð samlíking, Nú verður allt vitlaust svo langt sem það nær - í hertum vítum á Stjórnina.  

[Jón Magnússon, 26.9.2020 kl. 10:32]

Bjarni það vona ég þó þannig að þau falli pólitískt en ekki að öðru leyti. 

[Jón Magnússon, 26.9.2020 kl. 10:33]

Tómas þetta er algjör skelfing. Það er ótrúlegt að svona skuli vera staðið að málum. Ég held að því fólki sem heldur um stjórnartaumana sé ekki sjálfrátt. 

[Jón Magnússon, 26.9.2020 kl. 10:33]

Þakka þér fyrir Óskar. 

[Bjarni Jónsson, 26.9.2020 kl. 11:20]

Það, sem mér þykir einkenna fólkið, sem heldur um stjórnartaumana, er skelfileg skammsýni og þar með blinda gagnvart afleiðingum gjörða sinna.  Slíkt fólk hefur aldrei átt neitt erindi í valdastóla.  Vandi margra í ríkisstjórninni er þroskaleysi til stjórnunarstarfs, sem stafar af því, að þau hafa enga reynslu af stjórnun úti í þjóðfélaginu, þ.e. í fyrirtækjunum, þar sem stjórnendum, sem ílendast í starfi, lærist fljótt að íhuga gerðir sínar, enda standa þeir eða falla með þeim.

[Halldór Jónsson, 26.9.2020 kl. 14:44]

Er þessi kærunefnd úttlendingamála 

• Dr. Hjörtur Bragi Sverrisson, formaður, tilnefndur af dómsmálaráðherra,

 

 

• Anna Tryggvadóttir, varaformaður, tilnefnd af dómsmálaráðherra,

 

 

• Árni Helgason hæstaréttarlögmaður, tilnefndur af dómsmálaráðherra,

 

 

• Gunnar Páll Baldvinsson, lögfræðingur, tilnefndur af dómsmálaráðherra,

 

 

• Daníel Isebarn Ágústsson, lögfræðingur, tilnefndur af Mannréttindaskrifstofu Íslands, 

 

 

• Þorbjörg Inga Jónsdóttir lögfræðingur, tilnefnd af Mannréttindaskrifstofu Íslands,

 

 

• Bjarnveig Eiríksdóttir, lögfræðingur, tilnefnd af Mannréttindastofnun Háskóla Íslands.

orðið æðsta stjórnsýslustig í landinu?

Handhafi veitingar rikisborgararéttar?

Hvað anmnað getur hún gert fyrir lýðræðið, lög og reglu í landinu?