Ríkið og trúin

Allt frá lögfestingu tíundarlaga á 11.öld hefur ríkisvaldið talið eðlilegt að hafa afskipti af trúarskoðunum einstaklinga og greiðslur þeirra til guðdómsins. Spurning er hvort það sé eðlilegt enn í dag að ríkisvaldið vasist í þeim málum.

Nú deila kirkjunnar menn á ríkisstjórnina fyrir að borga henni ekki það sem kirkjunni ber af sóknargjöldum. Þannig fái keisarinn meira en honum ber á kostnað Guðdómsins.  

Auðvelt ætti að vera að skera úr um þetta, þar sem við höfum sérstök lög í landinu um sóknargjöld nr. 91/1987 skv. þeim greiðir ríkið 15. hvers mánaðar til trúfélaga fyrir nef hvert í viðkomandi trúfélagi. 

En hvað sem líður sóknargjöldum og fjárhæð þeirri er þá ekki eðlilegt að spyrja, hvort ekki sé óeðlilegt, að ríkisvaldið vasist í innheimtu fyrir trú- og lífsskoðunarfélög í landinu. Af hverju ætti ríkisvaldið frekar að skipta sér af því en innheimtu æfingagjalda til íþróttafélaga?

Árið 2020 væri eðlilegt að ríkisvaldið segði sig frá þessari gjaldheimtu á einstaklinga og lækkaði skatta þeira sem því nemur og segði nú verður guðdómurinn að sjá um að innheimta það sem Guðs er, keisarinn sér um sig.  

Athugasemdir

[Jón Þórhallsson, 26.11.2020 kl. 12:21]

Það mætti velta þvi fyrir sér hvort að það mætti reka hvern söfnuð fyrir sig með sama hætti og skátafélög eru rekin;

þar sem að það fólk sem að hefur mestan áhuga á safnaðarstarfinu borgar sitt árs/félagsgjald með heimsendum gíróseðli.

Þeir sem að gerðu það hefðu þá atkvæðisrétt

tengt öllum málum innan þeirrar kirkju.

þeir sem að væru búnir að borga slíkt gjald í X mörg ár

gætu þá fengið afslátt eða fría þjónustu í kirkjunni.

En þeir að ekki væru skráðir félagar mættu mæta í kirkjuna en þyrftu þá að borga eitthvað fyrir veitta þjónustu eins og jarðaför.

[Grímur Kjartansson, 26.11.2020 kl. 13:49]

Á það ekki líka við um afnotagjaldið til RUV og gjaldið í framkvæmdarsjóð aldraða sem fer í eitthvað allt annað. Skattur á bensín sem á að fara til vegaframkvæmd og óteljandi "grænir" skattar.

En annars finnst manni að margir prestar lifi í gamlavtímanum og líti á sig sem embættismenn líkt og þegar læknir, sýslumaður og prestur réðu öllu í sveitinni enda einu mennirnir sem höfðu "lært" 

[Sigurður Kristján Hjaltested, 26.11.2020 kl. 13:50]

Og þó fyrr hefði verið.

Löngu tímabært að afnema þessa vitleysu.

[Loncexter, 26.11.2020 kl. 16:34]

Ég er með tillögu en hún er svona: Taka skal saman tekjur meðlima hjá hverju trúfélagi fyrir sig, og það trúfélag sem virðist hafa meðlimi með góðar tekjur fær hærri styrki. Trúfélögum mun þá fækka, og "gagnleg" trú mun þá vaxa og dafna betur en áður og gera þjóðlífið betra.