Hinir ábyrgðarlausu

Hver vill bera ábyrgð á því, að sjúkraþyrla komist ekki til að ná í dauðveika sjúklinga til að bjarga lífi þeirra eða aðstoða sjómenn í sjávarháska?

Tveir stjórnmálaflokkar Samfylkingin og Píratar segja að það komi þeim ekki við. Aðrir stjórnmálaflokkar öxluðu þá ábyrgð sem fylgir því að vera í pólitík og greiddu atkvæði með því að mikilvæg björgunartæki séu til taks ef líf liggur við. 

Píratar hafa á líftíma sínum markað sér stöðu, sem ábyrgðarlaus á móti flokkur án takmarks eða skiljanlegs tilgangs. 

Öðru máli gegnir um Samfylkinguna, sem á sér nokkra sögu um að vera ábyrgur flokkur. En frá því að Logi Már Einarsson tók við formennsku, hefur Samfylkingin hoppað í takt með Pírötum og frumkvæðislaus, en gagnrýnt allar aðgerðir með óábyrgum yfirboðum. Logi skákaði Samfylkingunni síðan rækilega út í horn með því að útiloka samstarf við flokka sem njóta fylgis um 40% þjóðarinnar.

Það er slæmt fyrir íslensk stjórnmál, að jafnaðarmenn skuli ekki eiga flokk lengur, sem hefur hugmyndafræðilega kjölfestu eins og jafnaðarmannaflokkar á hinum Norðurlöndunum og þor til að takast á við vandamál sem koma upp í þjóðfélaginu, en skáka sér út í ábyrgðarleysishornið í hverju málinu á fætur öðru. 

Athugasemdir

[Jón Þórhallsson, 28.11.2020 kl. 11:22]

Það vantar alltaf inn í umræðuna hvað flugvirkjarnir

eru með í laun í dag og síðan hverjar eru þeirra KRÖFUR?

=Hvað myndu útgjöld ríkisins aukast mikið á ársgrundvelli

ef að gengið væri að öllum kröfum flugvirkjana?

[Sigurður I B Guðmundsson, 28.11.2020 kl. 12:04]

 Ætti ekki að vera val að skila auðu. Annað hvort ertu með eða á móti. 

[Jón Magnússon, 28.11.2020 kl. 13:48]

Þetta er fjarri því að vera láglaunastétt Jón Þórhallsson.

[Jón Magnússon, 28.11.2020 kl. 13:49]

Það getur verið afstaða að skila auðu Sigurður, en í þessu tilviki þegar um stjórnmálaflokk er að ræða, sem vill ekki taka ábyrga afstöðu með öryggi landsmanna, þá er það hallærislegt.