Átök í Borgarholtsskóla

Fyrir nokkru var sagt frá fólskulegri árás í Borgarholtsskóla. Ungur maður beitti kylfu og hníf. Rætt var um málið í öllum fréttamiðlum landsins sama dag og daginn eftir. Skólastjórinn velti fyrir sér hvort eitthvað væri að breytast í íslensku umhverfi. 

Jafn skyndilega og umræðan byrjaði, dó hún út. Engin fréttamiðill minnist lengur á þessa illvígu innrás og árás.

Þegar skyndilegur þagnarmúr er settur um ákveðið mál, þá er venjulega eitthvað skrýtið á ferðinni. Eitthvað sem fjölmiðlamenn og í þessu tilviki lögregluyfirvöld líka telja æskilegt, að almenningur verði ekki upplýstur um.

Hvað skyldi það nú annars vera?

Gæti verið að skólastjórinn hafi átt kollgátuna, að eitthvað væri að breytast í íslensku umhverfi, en stjórnmálaelítan, fréttaelítan og lögreglan telji heppilegt, að upplýsa ekki um það hvað það er? 

Athugasemdir

[Þorsteinn Siglaugsson, 21.1.2021 kl. 22:06]

Ég held að það hafi reyndar komið fram í fréttum, sama dag eða daginn eftir, hvað þarna var á ferðinni. Gengi sem réðist á pilt sem hafði orðið vitni að árás þess á annan einstakling áður, og sagt frá. Þetta var búið að koma fram og umræðunni þar með lokið, að frátöldum viðtölum við skólastjórnendur um viðbrögð og hvort og hvernig mætti fyrirbyggja slíkar uppákomur eða í það minnsta draga úr líkum á þeim. 

[Jón Magnússon, 22.1.2021 kl. 10:12]

Spurning hvort það er fullnægjandi afgreiðsla á málinu gagnvart almenningi Þorsteinn miðað við hvað var búið að þyrla upp miklu möldviðri. 

[Þorsteinn Siglaugsson, 22.1.2021 kl. 13:34]

Ja, ég myndi nú kannski ekki kalla það moldviðri. Skilst að þetta hafi verið hrottaleg árás og nemendur og starfsmenn óttaslegnir. En ég held að umfjöllun um málið hafi svo einfaldlega verið tæmd, í það minnsta þar til eitthvað nýtt gerist í því, t.d. ákærur eða eitthvað slíkt.