Helv. útlendingarnir

Því miður skortir iðulega á að fréttir séu fullnægjandi. Sagt frá því í hádegisfréttum, að 6 kórónuveirusmit hefðu greinst utan sóttkvíar og væru rakin til manns, sem hefði nýlega komið til landsins. 

Þetta varð tilefni þess, að ýmsir töldu, að nú hefði sannast, að sóttvarnarlæknir hefði haft rétt fyrir sér varðandi það að frelsissvipta fólk við komuna til landsins. 

Þegar málið var skoðað nánar, kom í ljós, að þessi smit verða eingöngu rakin til reglna, sem sóttvarnarlæknir sjálfur hefur sett varðandi eftirlit á landamærunum.

Sá sem kom til landsins hafði fengið Cóvid og þurfti því ekki að sæta sóttkví við komuna til landsins, það eru reglurnar sem sóttvarnarlæknir hefur sett. Í sjálfu sér er ekkert hægt að vandræðast út í sóttvarnarlækni fyrir þetta af því að hann var í góðri trú um að ekki þurfi að setja viðkomandi í sóttkví. 

Þetta sýnir að aðgát skal höfð áður en hrapað er að niðurstöðum eða illt lagt til manna. Þetta smit kemur ekki útlendingum eða reglum um komu fólks til landsins á nokkurn hátt við. 

Hópsmitið á vinnustað í Mýrdal

Athugasemdir

[Þórdís Björk Sigurþórsdóttir, 7.4.2021 kl. 17:20]

Var smitið rakið til manns sem hafði áður fengið covid? Sem sagt með mótefni?
úr annarri frétt:
„Fimm af sex kór­ónu­veiru­smit­um sem komu upp utan sótt­kví­ar í gær greind­ust á Suður­landi. Hópsmitið er talið mega rekja til ferðalangs, sem bú­sett­ur er á Íslandi. Viðkom­andi er með mót­efni fyr­ir veirunni og þarf því ekki að sæta sótt­kví."

[Guðmundur Ásgeirsson, 7.4.2021 kl. 19:45]

Nú hlýtur sóttvarnalæknir að þurfa að endurskoða það fyrirkomulag að veita fólki með mótefnavottorð undanþágu á landamærunum, fyrst það getur samt borið smit.

[Jón Magnússon, 7.4.2021 kl. 22:22]

Einmitt Þórdís það var rakið til manns sem hafði áður fengið Cóvíd. En síðan var sagt að það þyrfti að kanna það betur. En alla vega er það rangt sem kom fyrst fram um að þetta væri smit á landamærunum. En passaði hinsvegar vel inn í umræðu dagsins. Svo er verið að kynda undir að framlengja núverandi lokunarástandi óbreyttu. 

[Jón Magnússon, 7.4.2021 kl. 22:23]

Ef þetta reynist rétt. Ég held að þeir ættu að kanna þetta nánar áður en þeir hrapa að einhverri niðurstöðu í málinu.