1000 milljónir dollara

Öfgastjórn Talibana tók völdin í Afganistan með það að höfuðmarkmiði að koma landsmönnum undir harðúð Sharía laga. Konur grýttar, hommum hent fram af húsþökum eða drepnir með öðrum hætti og hendur höggnar af fólki vegna minniháttar brota. 

Vesturlönd fluttu fjölda fólks brott í öryggi Vesturlanda og íslenska ríkisstjórnin samþykkti að taka við á annað hundrað Afgönum á flótta undan villimannastjórninni, svo gáfulegt, sem það nú var. Fréttir berast af miklum fjölda flóttafólks frá Afganistan til Íran. Þaðan mun það streyma til Evrópu með aðstoð smyglara sem græða feitt á málinu og "góða fólksins".

Ingibjörg Sólrún Gísladóttir þróunarstjóri kvennréttinda í Afganistan á vegum Sameinuðu þjóðanna, getur horft yfir rústir starfs síns til margra ára og tekið undir með þjóðskáldinu "Hvað er þá orðið um okkar starf"

Ætla hefði mátt að vestræn ríki mundu bindast samtökum um að útiloka Afganistan frá samfélagi siðaðra þjóða meðan villimennska Talibanana ræður þar ríkjum. Krafist þess, að lágmarksmannréttindi yrðu til staðar í landinu auk ýmiss annars annars yrði engin aðstoð í boði. En það er ekki gert.

Í gær ákvað Evrópusambandið að gefa Talibanastjórninni 1000 milljónir Evra eða 150 milljarða, sem heitir aðstoð. Skattgreiðendur í Evrópu hafa aldrei verið spurðir um þetta eða þeirra samþykkis leitað. Þessir fjármunir hefðu getað nýst vel til uppbyggingar og aðstoðar í Evrópu, en sömu peningunum verður aldrei eytt tvisvar. 

Óneitanlega skýtur það skökku við, að Valdstjórn Evrópusambandsins í Brussel skuli fyrst krefjast þess að lönd Evrópu taki við ómældum fjölda flóttamanna (um 90% þeirra eru ungir karlmenn) vegna ógnarstjórnarinnar í Afganistan og styrkja ógnarstjórnina síðan með gríðarlegum fjármunum. 

Hvers eiga evrópskir skattgreiðendur eiginlega að gjalda. 

Hefur fyrr komið fram hversu gjörsamlega glórulaus utanríkisstefna Evrópusambandsins er og hvernig öllum markmiðum hugsjónum og evrópskum gildum hefur verið kastað fyrir róða af þessu sama Evrópusambandi, sem á stundum virðist í mun að koma öllum evrópskum gildum og viðmiðunum sem lengst út í hafsauga.

 

 

Athugasemdir

[Grímur Kjartansson, 13.10.2021 kl. 20:19]

Það er náttúrlega með eindæmum að verið sé að fjármagna þessi hryðjuverkasamtök frá ESB og Íslandi
Hvernig getur fólk trúað því að aðstoð sem send er til Afganistan geri annað en renna til þessar velklæddu og þrifalegu Talibana sem ávallt eru með nýjustu farsímaana í hönd þótt morðtólin séu aldrei langt undan.
Ef birtar verða myndir af einhverjum þurfandi að fá þessa aðstoð þá eru þær örugglega sviðsettar því Talibanar vita allt um hvernig reka á  áróðursherferðir

[Heiðar Þór Leifsson (IP-tala skráð) 16.10.2021 kl. 04:06]

Skrítin þessi nýja gerð af Talibönum ...

Allir í því að græða á sölu eiturlyfja og aka um á flottustu jeppunum með flottustu hergögnin.

Nýjasta Iran/Contra hneykslið?