Leita í fréttum mbl.is

Trump

Ár var liðið í gær síðan óeirðarfólk sótti að þinghúsinu í Washington DC. Þetta var það versta sem stuðningsfólk Donald Trump gat gert honum og nú minnist Joe Biden þessa atburðar með tár á hvarmi hvernig svo sem það tár var framkallað. 

Stundum verða stjórnmálamenn að gjalda gjörða stuðningsmanna sinna og það er næsta víst, þó Donald Trump sé ólíkindatól, að hann eigi ekki afturkvæmt í forsetastól í Bandaríkjunum. Það besta sem hann getur gert er að styðja efnilegasta frambjóðanda Repúblikana Nikki Haley til framboðs forseta. Hvílíkur munur væri að fá þessa hæfileikaríku konu í stað Joe Biden. 

Það var ógeðfellt að fylgjast með hvernig fjölmiðlar beittu sér gegn Trump meðan hann var forseti. Væri ekki hægt að ráðast að honum vegna þess,sem hann gerði, þá var eitthvað fundið upp til að sýna hverskonar illmenni og/eða fáráður maðurinn væri. 

Komið  var af stað af hálfu Demókrata einkum stuðningsmanna Hillary  Clinton upplognum sögum um Rússagrýluna,sem Trump átti að hafa tekið ástfóstri við. Allt tóm lygi og della. Rándýr rannsókn fór af stað og undir þessu sat Trump svo árum skipti. Er einhver kallaður til ábyrgðar? Nei réttlætið nær víst ekki svo langt í USA þessa dagana, að Hillary og hennar fólk þurfi að svara til saka.

Fréttastofa RÚV lét ekki sitt eftir liggja. Allan tímann meðan Trump var forseti og kórónuveiran geisaði sagði RÚV frá sem fyrsta eða aðra frétt hve margir hefðu smitast í USA. Þær fréttir hurfu eins og dögg fyrir sólu um leið og Joe Biden tók við. Hefur einhver skýrt þessa furðfréttamennsku? Er það yfirleitt hægt með öðru en að vísa til þess hve fréttamennska RÚV er lituð af pólitískum viðhorfum.

 


« Síðasta færsla | Næsta færsla »

Athugasemdir

1 Smámynd: Guðmundur Jónsson

Nikki Haley er manneskja sem stuðningsmenn Trump munu aldrei kjósa held ég. Hún er hluti af því sem þeir voru að hafna með kosningu Trumps. Hún er hinsvegar frambjóðandinn sem alríkið vill til að fella. Það vill til að Trump var líka frambjóðandi alríkisins sem Hillary átti að fella. Hann sá bara við þeim var snjall í sinni markaðssetningu og honum tókst að opna augu fólks fyrir spillingunni sem Heley er hluti af.

Það var slys að Trump endaði sem forseti 2016, Gengið sem Haley er hluti af leiðrétti það 2020 en það kostaði að enn stærri hluti bandarísku þjóðarinnar sá ofan í ormagryfjuna. Sem mun hafa ófyrirsjáanleg áhrif á allar komandi kosningar í USA,

Guðmundur Jónsson, 7.1.2022 kl. 20:13

2 Smámynd: Jón Steinar Ragnarsson

Þetta mál er svo kjánalegt hjá demókrötum að það setur að manni aulahroll. Þetta er blásið upp og mjólkað þurrt í pólitískum tilgangi nú þegar fjarar hratt undan demókrötum. 

Insurection er hreinlega valdarán. Enginn hefur þó verið ákærður fyrir það per se. Þeir líkja þessu nú við Pearl Harbour og 911 og jafnvel þrælastríðið. Þetta lið er alveg hrokkið af hjörunum.

Ein manneskja lét lífið þarna. Kona sem var skotin voplaus að gikkglöðum öryggisverði. Þetta er kyrfilega blásið út úr öllu korti og allir skynja það nema heilaþvegnir kratar.

Jón Steinar Ragnarsson, 8.1.2022 kl. 05:04

3 Smámynd: Guðjón E. Hreinberg

Það er margsannað að atvikið var sviðsett af Demókrötum og voru margir þeirra starfsmenn FBI. Það er enginn sem trúir lengur áróðrinum um atvikið 6. janúar 2021, nema þeir sem horfa eingöngu á RÚV og Sýn.

Guðjón E. Hreinberg, 9.1.2022 kl. 04:08

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Jón Magnússon
Jón Magnússon

Síðuritari er Hæstaréttarlögmaður og fyrrverandi alþingismaður.

 

Eldri færslur

Jan. 2022
S M Þ M F F L
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Heimsóknir

Flettingar

  • Í dag (22.1.): 497
  • Sl. sólarhring: 802
  • Sl. viku: 5207
  • Frá upphafi: 1852498

Annað

  • Innlit í dag: 465
  • Innlit sl. viku: 4556
  • Gestir í dag: 432
  • IP-tölur í dag: 424

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband