Mun einhver viðurkenna mistök?

Vísindamenn við einn fremsta háskóla í Bandaríkjunum "John Hopkins háskólann í Maryland" í samvinnu við vísindamenn í Danmörku og Svíþjóð hafa komist að þeirri niðurstöðu að samkomutakmarkanir, skólalokanir og aðrar harðar aðgerðir stjórnvalda í baráttunni við Kóvíd höfðu ekki tilætluð áhrif. Niðurstaðan kom vísindamönnunum á óvart, en hún var að e.t.v. hafi harðar aðgerðir stjórnvalda dregið úr dánartíðni um 0.2% í mesta lagi. Þá er ekki tekið með í reikninginn hvað ráðstafanir stjórnvalda ollu mörgum dauðsföllum. En þegar allt er tekið til alls er líklegt að aðgerðirnar hafi ekki bara verið unnar fyrir gýg heldur valdið meira tjóni en ávinningi.

Niðurstaða ofangreindrar rannsóknar sýnir líka að í þjóðfélagi sem býr við hátt menntunarstig og gott upplýsingastig, þá er hægt að treysta fólki til að meta áhættuna og haga sér samkvæmt því. Leið lýðræðis og upplýsinga er fær og það er ekki þörf á að svipta brorgarana grundvallarmannréttindum eins og gert hefur verið.

Í gær mældust fleiri Kóvíd smit á Íslandi en nokkru sinni fyrr, þrátt fyrir ýmsar ráðstafanir stjórnvalda. Frá því í nóvember hefur engu skipt hvort sóttvarnarráðstafanir væru hertar eða slakað á þeim. Smitin eru samt í hæstu hæðum. Sú staðreynd ein og sér sýnir að sóttvarnarstefan ríkisstjórnarinnar er mistök og þessi mistök kostar þjóðfélagið milljarða. Þessi staða rennir auk heldur stöðum undir meginniðurstöðun vísindarannsókna John Hopkins háskóla o.fl.

Vísindamenn og stjórnmálamenn, sem hafa beitt sér fyrir ströngum sóttvarnarráðstöfunum vegna Kóvíd munu rembast við að segja okkur að þetta sé allt saman tóm vitleysa, að þær fórnir sem færðar hafi verið á altari sóttvarnarlæknis og heilbrigðisráðherra í samtaka ríkisstjórn með stjórnarandstöðu, sem krafðist enn harðari ráðstafana, að segja okkur að þrátt fyrir að vísindin segi að þetta hafi allt verið mistök, að þá séu það ekki mistök heldur hafi haft stórkostlega þýðingu. 

Á sama tíma berast fregnir frá Ísrael, sem er leiðandi í bólusetningum og búið að bólusetja flesta með fjórða skammtinum, að dauðsföllum þar fjölgi þrátt fyrir þetta. 

Hver er þá niðurstaðan? 

Gripið var til frelsissviptingar fólks af því að tæknin leyfði það. Þessar frelsissviptingar reynast hafa verið óþarfar, það mátti treysta fólkinu til að gæta sín. Aðgerðirnar hafa kostað gríðarlega fjármuni, sem munu rýra lífskjör á komandi árum og auka fátækt. Engin mun bera ábyrgð á þessum geigvænlegu mistökum.

Þegar allt kemur til alls þá var þetta alltaf spurning um pólitík, en ekki vísindi eins og ritstjóri enska blaðsins "The Spectator" Fraser Nelson segir í grein sinni "The lockdown estapblishment will never accept that its disastrous policy failed". 

Þeir sem hingað til hafa gert hróp að okkur, sem höfum viljað ræða meint vísindi sóttvarnarlæknis og heilbrigðisráðherra og sagt að frjálsar umræður í frjálsu þjóðfélagi væru óvinafagnaður, ættu nú að viðurkenna, að óvinafagnaðurinn er sá mestur þegar stjórnmálastéttin, fjölmiðlaelítan og meintu vísindi þeirra sem ráða með ofurþunga ríkisfjölmiðila og annarra útiloka að eðlileg skoðanaskipti og gagnrýni eigi sér stað. 

 

Athugasemdir

[Sigurður Kristján Hjaltested, 6.2.2022 kl. 13:44]

Frábær pistill.

Takk fyrir.

[allidan (IP-tala skráð) 6.2.2022 kl. 15:40]

Ég verð að viðurkenna að ég skil ekki hvað margir sjálfstæðismenn skilja ekki stóra sigurinn með því að hafa þessar samkomutakmarkanir, sigurinn felst í því að hafa teigt á flæði sjúkdómsins yfir í omikronafbrigði sem er miklu vægara, það er ekkert grín hvað fólk hefur vekist alvarlega af fyrri afbrigðum.

kv.

Alli

[Halldór Egill Guðnason, 6.2.2022 kl. 22:13]

 Þakka góðan pistil, eins og þín er von og vísa Jón. Dulítið merkilegt, nú þegar virðist vera að rakna upp þessi geggjun, að síðastliðna tvo daga í röð, hefur ekki verið talað einu orði um covid á rúvinu. Þó hafa aldrei fleiri greinst með drápsveiruna svokölluðu.

 Góðar stundir, með kveðju að sunnan.

[Bjarni Jónsson, 7.2.2022 kl. 20:39]

Algerlega sammála ályktunum þínum.  Tregða íslenzkra sóttvarnaryfirvalda við að afnema hömlurnar á einu bretti sýnir, að þau eru úti að aka í sóttvarnarlegum efnum og ríghalda í bábiljur sínar um, að opinber höft tjónki eitthvað við veiru, sem komin er út um allt þjóðfélagið.  Sænskur læknir, Sebastian Rushworth, hefur sýnt fram á með samanburði á milli Svíþjóðar, sem fór vægt í sakirnar með opinber höft, og BNA, þar sem víða voru mjög miklar hömlur, að opinber sóttvarnarhöft gegn C-19 útbreiðslu hafa ekki aðeins verið gagnslaus við að fækka dauðsföllum af völdum SARS-CoV-2, heldur hafa höftin fjölgað dauðsföllum af öðrum orsökum.  Forræðishyggjan, sem hér hefur gengið á svig við Stjórnarskrá og almenn mannréttindi, hefur beðið skipbrot.  Það er ekki hægt að beita forræðishyggju sem almennu úrræði, þótt hún kunni að eiga rétt á sér gegn miklu hættulegri faröldrum, eins og ebólu, þar sem smitnæmið (smitstuðull) er lægra en af ómíkron og delta.  Um mjög alvarlegan dómgreindarbrest er að ræða, og mér sýnast læknarnir, margir hverjir, ekki hafa verið barnanna beztir.