Kuwait og Úkraína

Í ágúst 1990 réðist Írak á furstadæmið Kuwait frjálst og fullvalda ríki og innlimaði það í Írak. Kuwait var og er Íslamskt afturhalds- og einræðisríki, sem lét sig mannréttindi borgaranna hvað þá aðkomuverkafólks engu skipta. Kuwait er ekki í NATO eða öðru hernaðar- eða varnarbandalagi. Samt töldu Bandaríkin nauðsynlegt að koma á laggirnar fjölþjóðaherliði til að ráðast á Írak og "frelsa" furstadæmið. 

Nú hafa Rússar ráðist inn í Úkraínu og mikill samkvæmisleikur hefur verið í gangi frá því að það gerðist hjá stjórnmálamönnum Vesturlanda. Þeir eru sammála um að fordæma innrásina, draga úr viðskiptum við Rússa og beita þá efnahagsþvingunum, sem allir vita að skipta litlu máli, en að öðru leyti að gera ekki neitt.

Það er engin furða að Úkraínuforseti sé vonsvikin yfir því, að Kuwait skuli vera í svona miklum metum hjá NATO ríkjum en Úkraína er ekki einu sinni eins flugbanns virði. 

Á sama tíma hvetja NATO ríkin Úkraínu áfram til að stríða við Rússa og senda þeim vopn. Þar af hefur Þýskaland sent vopn, sem eru bæði úrelt og hættuleg.

En til hvers eru Vesturlönd að hvetja Úkraínumenn til að berjast fyrst þau ætla ekki að gera neitt annað en að horfa á? Eru einhverjar líkur á að Úkraína geti unnið stríðið? Eru einhverjar líkur á að þetta leiði til annars en enn meiri hörmunga í þessum heimshluta. Hvaða úrslit sjá NATO ríkin fyrir sér í þessum hildarleik?

Ömurleiki NATO ríkjanna nú undir forustu Bandaríkjanna enn sem fyrr er samstaðan um að gera ekki neitt og hvetja til þess að Úkraínumenn láti sér blæða út. Það er ekki stórmannleg afstaða heldur skammarleg. Þeim hinum fræga Neville Chamberlain, sem legið er á hálsi í sögunni fyrir að bregðast ekki við ógn nasismans, datt svona aumingjaskapur aldrei í hug. 

Athugasemdir

[Þorsteinn Sch Thorsteinsson (IP-tala skráð) 5.3.2022 kl. 19:43]

Sæll Jón,

Þú gleymir að minnast á hina fallegu og myndalegu Nayirah al-Sabah, er var fengin sérstaklega til þess eins að flytja okkur ekkert annað en lygar, og þannig styðja við lygaáróðurinn fyrir stríði gegn Írak.

"We take a look back at the congressional testimony of a young Kuwaiti girl in 1990, testimony which propelled the U.S. into the First Gulf War but later proved to be based on a lie. In October 1990, a fifteen-year-old Kuwaiti girl gave a harrowing testimony before the Congressional Human Rights Caucus, recounting inhumane atrocities committed by Iraqi soldiers in her country. It was credited for helping draw the U.S. into the Gulf War later that year. Her claims were ultimately refuted by evidence to the contrary, exposing deceptive motives and sources behind the ploy. Known as “Nayirah”, the girl told the caucus that Iraqi soldiers had removed scores of babies from incubators and left them to die. Her story was originally corroborated by Amnesty International and other evacuees of Kuwait at the time.(https://citizentruth.org/fake-news-1990-that-ignited-gulf-war-sympathy/)

 "Nayirah al-Ṣabaḥ (Arabic: نيره الصباح‎), called "Nurse Nayirah" in the media, was a fifteen-year-old Kuwaiti girl, who alleged that she had witnessed the murder of infant children by Iraqi soldiers in Kuwait, in verbal testimony to the U.S. Congress, in the run up to the 1991 Gulf War. Her testimony, which was regarded as credible at the time, has since come to be regarded as wartime propaganda. The public relations firm Hill & Knowlton, which was in the employ of Citizens for a Free Kuwait, had arranged the testimony. Nayirah's testimony was widely publicized. Hill & Knowlton, which had filmed the hearing, sent out a video news release to Medialink, a firm which served about 700 television stations in the United States. That night, portions of the testimony aired on ABC's Nightline and NBC Nightly News reaching an estimated audience between 35 and 53 million Americans. Seven senators cited Nayirah's testimony in their speeches backing the use of force. President George Bush repeated the story at least ten times in the following weeks." (Nayirah Kuwaiti girl testimony).

 

[Grímur Kjartansson, 5.3.2022 kl. 19:59]

Ef ekki hefði verið olía í  Kuwait? 
Hefðu þau þá "bjargað" Kuwait og þar með tryggt sölu á olíu  til USA á hagkvæmu verði

[Sigurður Kristján Hjaltested, 5.3.2022 kl. 20:08]

Já Jón.

Það er ekki sama hverjir eiga í hlut.

En olían er meira virði og auðveldara fyrir

USA að brölta um í mið-austurlöndum en Evrópu.

Ukranía hefur lítið að bjóða þegar olía er annars vegar. 

[Halldór Jónsson, 5.3.2022 kl. 22:13]

Það er munurinn sem er  á Iraq og Hússein og svo Rússlandi og Píutín.

Það er einhver spurning um hnefastærð?

Ég hugsa að illmennskan sé meira en næg hjá báðum.

Og ESB skildi eftir nóg af bönkum með allt opið svo að bissnessinn geti gengið vel áfram og Pútín geti keypt sér nóg af fírverkeríi til að fleygja á Ukraínui.

[Halldór Jónsson, 5.3.2022 kl. 22:28]

Ef bæði Hans Klaufi fyrir vestan og fleiri telja að Ukraína og Litli-Kláus  í Kiev séu virði allsherjar styrjaldar við Stóra- Kjarnorku-Kláus í Kreml þá er það  líklega til athugunar einhversstaðar.

[Ómar Geirsson, 5.3.2022 kl. 23:09]

Þegar þú vilt vera skarpur Jón, þá ertu fáum líkur.

"draga úr viðskiptum við Rússa og beita þá efnahagsþvingunum, sem allir vita að skipta litlu máli, en að öðru leyti að gera ekki neitt.".

Fyrri gufur, sem datt ekki einu sinni svona aumingjaskapur í hug, virka eins og stórmenni miðað við forystu vestrænna ríkja í dag.

Enda sannarlega hefur aldrei áður trúður leitt Bretland, eða elliært gamalmenni Bandaríkin.

Hvenær auðræðið tók við að lýðræðinu í vestrænum löndum má guð vita, en að peningarnir skulu ekki einu sinni reyna að láta strengjabrúður sínar líta út eins og fullorðið (ekki elliært), vitiborið (ekki trúðar) fólk er í raun lokapunktur á endalokum vestrænnar siðmenningar sem má rekja allt til Grikkja og Rómverja. 

Ætli háðungin sé ekki algjör þegar fréttist að einhver sprellikarl í framkvæmdarstjórn ESB, sagður vera utanríkismálastjóri, lagði til að alræðisríkið Kína yrði sáttasemjari milli Rússa og Úkraínu, eins og það þurfi sátt milli innrásarríkis og þess sem ráðist er á.

Eitthvað sem jafnvel Chamberlain datt ekki í hug eftir innrás nasista í Pólland 1939.

Væri vott af alvarleik hjá þessum strengjabrúðum glóbalsins (þeirra sem hafa markvisst flutt framleiðslu Vesturlanda til Kína, og auðinn á reikninga aflandseyja) þá hefði verið skrúfað fyrir peningagreiðslur til Rússlands, það væri þá þeirra að skrúfa fyrir gasið, og trúðurinn í Westminster hefði kyrrlagt eignir rússneskra auðmanna.

Það er að mæta alvöru raunveruleikans með alvöru raunveruleikans.

Rússland er ekki eyland og þó úreltir skriðdrekar þeirra geti lagt undir sig borgir í nágrannalöndum þess, þá hafa þeir ekkert að gera í útskúfun alþjóðasamfélagsins.

Þar þarf aðeins einarða forystu vestrænna ríkja.

En eins og þú bendir réttilega á Jón, þá er hún ekki til staðar. Og er í raun háðung, jafnvel þó hún sé borin saman við eymdartímann milli 1936-1939.

Þar skilur á milli.

Kveðja að austan.

[Jón Steinar Ragnarsson, 6.3.2022 kl. 11:00]

Það er tæpast hægt að bera saman Kuwait og Úkraínu hér. Kúwait er útnári fullur af olíu, sem Saddam ásældist. Bandaríkjamenn fundu sér upplognar ástæður um mannréttindavernd til að fá samþykki fyrir innrás. Sagan um smábörnin í hitakössunum (incubators) sem vondu hermenn Saddams hentu á gólfið. (Uppspuni)

Rússland er stórveldi og kjarnorkuveldi með algerlega óútreiknanlegum vitfirringi við völd. Eru menn tilbúnir til að hætta á heimstyrjöld með að senda herlið þarna inn? (Nokkuð sem er nánast öruggt að gerist)

Þessi Úkraínuforseti hefur annaðhvort tapað allri rökhugsun í örvæntingu sinni, eða er jafn stjórnlaus vitfirringur og Pútín.

[Pétur Þorleifsson , 7.3.2022 kl. 12:17]

Hér er einn sem nefnir líka til sögunnar árás USA og fleiri á Írak vegna Kuwaits. Segir að 150 þúsund manns hafi verið slátrað í þeirri aðgerð í febrúar 1991.

https://www.visir.is/g/20222230913d/verjum-full-veldi-ukrainu-burt-med-russ-neskt-her-lid

[Ómar Ragnarsson, 7.3.2022 kl. 15:35]

Ungverjaland og Úkraína eru Austur-Evrópulönd á áhrifasvæði Rússlands. 

1956 réðust Rússar inn í Ungverjaland til að hrekja stjórnina frá völdum og settu eigin hundflata leppstjórn í staðinn. 

Háværar raddir voru þá um að NATO gerði eitthvað meira en að mótmæla, en ekkert annað var gert, hvorki lýst yfir flugbanni né refsiaðgerðum. 

Núna ráðast Rússar inn í Úkraínu til að hrekja ríkisstjórn frá völdum. Nú er þó beitt viðskiptaþvingunum og refsiaðgerðum, en bein þáttaka lofthers NATO er jafn varhugaverð aðgerð og´hún hefði verið 1956.