Þegar staðreyndir verða hatursorðræða

Framsæknir minnihlutahópar eru iðnir við að fordæma skoðanir sem þeir telja sér mótdrægar. Í hinum vestræna heimi sækir transhópurinn hvað harðast fram og hafnar jafnvel líffræðilegum staðreyndum og fordæmir þá sem benda á þær staðreyndir.

J.K.Rowlings metsöluhöfundur Harry Potter ævintýranna hefur ekki látið þessar öfgar setja sig út af laginu. Þegar transhugmyndafræðin sagði; fólk sem fer á túr" sagði Rowlings "Það eru bara konur sem fara á túr." 

Gríðarleg hatursherferð fór þá af stað gegn Rowlings. Reynt var að banna verk hennar. Sumir brendu bækur hennar eins og nasistar forðum við bækur sem þeir töldu óæskilegar. 

Merkilegt að það skuli talin hatursorðræða gagnvart transfólki að segja frá þeirri líffræðilegu staðreynd að "það eru bara konur sem fara á túr".

Stórt  listasafn í Seattle (Museum of Pop Culture bannar nú verk Rowlings vegna öfgaskoðana og hatursorðræðu. 

Þó fólk almennt sé ekki að amast við transmálum, þá er ekki hægt að líða að þessi hópur frekist yfir allt og alla og krefjist þess að öllu verði breytt m.a. tungumálinu til að þóknast þeim. Slíkan yfirgang á að fordæma, þó viðurkennt sé að transfólk skuli hafa öll réttindi eins og aðrir í þjóðfélaginu.

Athugasemdir

[Helga Dögg Sverrisdóttir (IP-tala skráð) 7.8.2023 kl. 09:27]

Tek undir hvert orð. Verra er að áróður fyrir hugmyndafræðinni fer fram innan margra skólaveggja. Því miður hafa margir kennarar ekki fyrir því að kynna sér málaflokkinn nægilega. Láta duga það sem þeim er sagt í fjölmiðlum, en þar kemst bara einhliða skoðun að.

Við megum ekki gleyma þessum prófessor sem fann á eigin skinni hve vitlaust trans-hugmyndafræðin er. Hún heldur fram að konur eigi að hafa einkarými sín í friði. Hér er umræða um málið. Íslenskir fjölmiðlar fjalla ekkert um málið, þó merkilegt sé.  Kathleen Stock deplatformed for her views on women's rights - 'That's the POINT of a debate!' - YouTube

Hún segir líka trans-konu (með lim) ekki geta verið lesbía, því lesbíur vilja ekki lim. Einfalt fyrir flesta en ekki trans-aðgerðasinna og suma karla sem skilgreina sig sem konu.