Glórulaus skattheimta

Það er komið haust. Okkur er sagt að hitinn á norðurhveli hafi slegið öll met í sumar. Það er raunar rangt en það er annað mál. Veðurspár sýna Miðjarðarhafslöndin og Flórída og Texas eins og það sé kviknað í þeim, en á þessum stöðum hefur hitinn farið um yfir 40 gráður í sumar.

Fjölmiðlaelítan og ríkisstýrða vísindaelítan básúna að nú komi berlega í ljós ógn hnattrænnar hlýnunar. Samt streyma túristar til þessara ofurheitu svæða, sem aldrei fyrr. Fólki líður vel á þessum stöðum og sækist í að fara þangað. Íbúum Flórída hefur fjölgað um 706.000 og Texas um 884.000 frá Kóvíd. Á sama tíma hefur fækkað um meira en milljón íbúa bæði í New York og Kaliforníu. Hitabylgjur og hvirfilbylir eru síðri ógn en vetrarkuldinn.

Kannanir sýna að mun færri deyja úr hita en áður, þrátt fyrir allt tal ríkiskeyptu vísindaelítunnar, fjölmiðla- og stjórnmálaeltítunnar. Kuldinn drepur tíu sinnum fleiri en hiti einnig í Afríkusvo merkilegt sem það nú er.

Þrátt fyrir þetta stelur ríkisstjórnin árlega milljörðum af skattgreiðendum og neytendum til að fórna á altari stærsta svindls sögunnar. Íslenskir neytendur finna fyrir því í hærra bensínverði, sem hækkar líka verðtryggðu lánin þeirra og 30 milljarðar eru teknir af skattgreiðendum skv. fjárlögum.

Það er óafsakanlegt að byggja sjálfur sína eigin dýflissu sagði frelsishetja Sviss, Vilhjálmur Tell og gerði uppreisn gegn ríkisvaldinu sem hafði hneppt hann og landa hans í ánauð.

Athugasemdir

[Tómas Ibsen Halldórsson, 25.9.2023 kl. 12:15]

Talið er að hlutfall koltvísýrings (CO2) í andrúmsloftinu sé um 0,04%. Af þessum 0,04prósentum eru 0,03% af mannavöldum, sem þýðir að hlutur koltvísýrings í andrúmsloftinu af mannavöldum sé um 0,000012%. Svo er sagt að við séum að gera út af við jörðina af því við dælum of miklu CO2 út í andrúmsloftið.

En af hverju er jörðin að grænka? við sjáum það vel hér á landi að Ísland er grænna í dag en þegar ég var að alast upp. Og af hverju eru garðyrkjubændur að dæla CO2 inn í gróðurhús sín? Sagt er að uppskera þeirra verður 30% meiri og betri vegna þessa.

„Loftslagsváin“ er einn angi af hræðsluáróðrinum sem í gangi er af hendi elítu hinna ofur ríku sem vilja halda fólki í ótta því þá er auðveldara að stjórna því. Þetta eru aðilar sem enginn hefur kosið til eins eða neins en vilja ráða því hvernig við lifum, hvar við búum, hvort við fáum að ferðast, hvað við borðum og hvaða læknismeðferðir við hljótum. Þetta eru lævísir lygarar sem er alveg sama um alla aðra en það sjálft, en það kallast siðblindingar á íslenskri tungu.

[Jón Magnússon, 25.9.2023 kl. 14:10]

Hjartanlega smmála.