Við skulum senda samúðarkveðjur til Rússa.

Föstudaginn 22. mars var framið hræðilegt hryðjuverk í tónlistarhöll í Moskvu. Íslamskir hryðjuverkamenn ÍSIS voru að verki og myrtu unga fólkið, sem var að fylgjast með tónleikum, með köldu blóði. Tala látinna er nú 137 manns. 

Hryðjuverk eru alltaf fordæmanleg og ekki skiptir máli á hverjum þau bitna. ÍSIS hafa tvisvar áður framið mannskæð hryðjuverk í tónlistarhúsum annars vegar í Bataclan í París og hins vegar í Manchester á Englandi. 

Þegar hryðjuverkin voru framin í Bataclan og Manchester sendu íslenskir ráðamenn strax samúðarkveðjur til ríkisstjórna og/eða forseta viðkomandi landa.

Nú að kvöldi dags tveim dögum eftir þetta hryllilega hryðjuverk ÍSIS í Rússlandi, hafa íslenskir ráðamenn ekki hafi haft döngun í sér til að senda Rússum samúðarkveðjur. Það er þeim til skammar. Vonandi verður úr þessu bætt strax.  

 

 

Athugasemdir

[Guðjón E. Hreinberg, 24.3.2024 kl. 23:39]

Í ljós hefur komið að þetta var ekki ÍSIS heldur Tadjikískir rugludallar, allt að ellefu hafa verið handsamaðir, að meðtöldum fjörúm sem frömdu ódæðið.

Ég sá ekki betur - á Facebook síðu Sendiráðs Rússlands í Reykjaveík, en bæði Utanríkisráðherra og Forseti Lýðveldisins hafi sent samúðarkveðjur.

En hvergi bólar á hefðbundnum heillaóskum til Pútíns fyrir glæsilegan kosníngasigur, sem jafnvel Bæden getur ekki státað af.

[Helga Kristjánsdóttir, 25.3.2024 kl. 00:54]

Tek heilshugar undir það.

[Helgi Bjarnason (IP-tala skráð) 25.3.2024 kl. 06:21]

Jú það gerði Guðni forseti. Bæði fordæmdi hryðjuverkið og vottaði Rússnesku þjóðinni samúðar . https://www.mbl.is/frettir/innlent/2024/03/23/gudni_fordaemir_hrydjuverkaarasina/