Jón Magnússon

7.8.2007 | 19:31

Já ráðherra. Áfram ráðherra.

Viðskiptaráðherra hefur bent á nauðsyn nýrrar lagasetningar um gjaldtöku fjármálastofnana vegna fitkostnaðar. Talsmaður bankanna hefur bent á að það að fara á fitið eða yfir á reikningi sé ólöglegt og við því liggi viðurlög og hefur nefnt ákveðnar refsingar í því sambandi. Nú er það þannig að þeir sem fara á fitið eða yfir eru viðskiptavinir viðkomandi fjármálastofnunar og viðurlögin renna í vasa banka og sparisjóða. Bankinn er því að refsa viðskiptavini sínum en hefur hann samt áfram í viðskiptum og lítur á hann sem mikilvægan viðskiptavin af því að unnt er að taka hærri gjöld af honum en öðrum. Sérkennlegt fyrirbæri það.

Gagnrýnt er hvað fitkostnaður sé hár. Flestum er ljóst að hann er allt of hár og það er nauðsynlegt að taka til endurskoðunar lög sem þetta varðar og skal tekið undir með viðskiptaráðherra hvað það snertir. En það eru fleiri atriði sem varða gjaldtöku bankanna sem þarf að skoða. T.d. eru þjónustugjöld þeirra allra þau sömu á öllum atriðum sem máli skipta.

Hér með er skorað á viðskiptaráðherra að skipa nefnd til að láta kanna gjaldtöku fjármálastofnana og bera hana saman við gjaldtöku sambærilegra stofnana í nágrannalöndum okkar.

Flokkur: Stjórnmál og samfélag | Facebook

Athugasemdir

Undirritaður stóð í þeirri meiningu að ekki væri hægt að nota debetkort, nema innstæða væri á reikningnum.Það reyndist rangt.í misgripum notaði ég innistæðulaust kort heilan dag samtals 9 færslur án þess að hafa hugmynd um.Það kostulegasta var að í hvert skipti gaf bankinn samþykki sitt fyrir notkuninni án þess að ég vissi.Síðan ætlaði bankinn að rukka mig fyrir ólöglegt athæfi.Ég neitaði að borga.Bankinn gaf sig.Þegar lögin voru sett 1933, notuðu menn ávísanir til að fara yfir á reikningum með samþykki bankans.

Sigurgeir Jónsson, 7.8.2007 kl. 20:51

Bankarnir hér komast upp með ýmsa ósiði sem t.d. eru bannaðir í Þýskalandi þar sem ég bjó lengi. Í Þýskalandi t.d. að bannað að binda neytendalán við vísitölur. Þar er vaxtatímabilið alltaf eitt ár og bannað er að innheimta vaxtavexti (vexti af vöxtum) innan ársins. Þegar lánastofnun kynnir vaxtakjör fyrir neytendum verður hún að reikna öll gjöld og allan tæmandi kostnað þannig að neytandinn geti borið saman vaxtakjör mismunandi lánastofnanna. Það er undarlegt að evrópska neytendaverndarlögjöfin skuli ekki ná að venda íslenska viðskiptavini lánastofnanna betur en raun ber vitni. Ég vona að viðskiptaráðherra taki á þessum málum.

Pétur Óskarsson (IP-tala skráð) 7.8.2007 kl. 21:35