Vegir utanríkisráðherra eru sérstakir.

Utanríkisráðherra hefur biðlað til Háskólsamfélagsins um að hefja "vísindalega" áróðursherferð fyrir réttlætingu kosningabaráttu fína fólksins til að fá fulltrúa Íslands kosinn í Öryggisráð SÞ.  Sama dag tilkynnti utanríkisráðherra að hún ætlaði að kalla NATO liðsmann þjóðarinnar í Írak heim þó aðeins 35 dagar væru þar til hún lyki störfum.

 Áróðursherferð Háskólasamfélagsins á að  sannfæra Íslendinga um ágæti þess að sækjast eftir kjöri í Öryggisráð SÞ og leita afsökunar á peningaaustrinum í þá kosningabaráttu þrátt fyrir að mikill meiri hluti landsmanna sé á móti þessu.  Afturköllun íslenska NATO liðans varðar hins vegar Ísland og þá sem hugsanlega vilja greiða okkur atkvæði í kosningunni til Öryggisráðsins

Spurning er hvort utanríkisráðherra telur það til styrktar framboði Íslands í Öryggisráð SÞ meðal NATO þjóða að bregðast við með þeim hætti að kalla eina NATO liðann í Írak heim?

Utanríkisráðherra segir að allt annað gildi um liðsmenn Íslands í Afghanistan, án þess að færa vitræn rök fyrir því.

Það væri e.t.v. verðugt verkefni á næstu fundum Háskólasamfélagsins að velta fyrir sér þeirri spurningu hvort  þjóð sem kallar gæslumenn sína úr  verkefnum að eigin geðþótta án samráðs við bandalagsþjóðir sínar á erindi í Öryggisráð Sameinuðu þjóðanna.

Athugasemdir

[Þröstur (IP-tala skráð) 9.9.2007 kl. 19:04]

En var ekki Frjálslyndiflokkurinn að lýsa yfir stuðningi við utanríkisráðherra um að kalla heim friðargæsluliðann sem við höfum i Írak?

[Kristján Pétursson, 9.9.2007 kl. 22:56]

Er ekki tímabært að Íslendingar hafi sjálfstæða utanríkismálastefnu ?Við höfum alla tíða frá stríðslokum fylgt Bandaríkjamönnum í utanríkismálum innan SÞ.Ef við náum kjöri í Öryggisráði SÞ.má ætla að 'Islendingar verði ekki lengur bundnir á bás hjá Bandaríkjunum,heldur taki sjálfstæðar ákvarðanir.Afstaða núverandi utanríkisráðherra til Íraksmálsins að kalla liðsmann okkar þaðan sýnir skýra afstöðu hennar að skera á það samband,sem Halldór og Davíð tengdu okkur við Írakstríðið.Afkoma Íslendinga að gæslustörfum í Afghanistan er tilkomin vegna veru okkar í NATO.

[Guðrún María Óskarsdóttir., 9.9.2007 kl. 23:49]

Góður pistill Jón.

Innilega sammála.

kv.gmaria.

[Jón Magnússon, 10.9.2007 kl. 00:46]

Með því að kalla stúlkuna heim frá Írak er ekki verið að skera  á það samband sem Halldór og Davíð settu okkur í þegar við vorum skráð á lista yfir hinar viljugu þjóðir sem studdu ólögmæta innrás í Írak. Í öðru lagi þá er ekki samkvæmni í því að kalla stúlkuna heim frá Írak en hafa íslendingana áfram í Afghanistan. Í þriðja lagi þá er nauðsynlegt að þeir sem vilja að við förum í Öryggisráðið skilji að það útheimtir meiri aðgerðir og fórnir af okkar hálfu eða eins og Baldur Þórhallsson sagði á ráðstefnunni í HÍ " Það er liðin sá tími að við fáum allt fyrir ekkert" Við erum ekki marktæk í Öryggisráði SÞ ef við erum ekki viljug til að leggja til fólk neinsstaðar.  Áhugafólk um setu í Öryggisráðinu ætti að athuga það.