Forsenda framfara og atvinnuuppbyggingar

Ég átti þess kost að heimsækja 4 háskóla með menntamálanefnd Alþingis í lok síðustu viku. Háksólann á Akureyri, Bifröst, Hvanneyri og Hólum. Þessir skólar eru ólíkir um margt en það sem mér þótti athygliverðast var sá þróttur og sú djarfa framtíðarsýn sem stjórnendur þessara skóla hafa.  Víða var okkur bent á það hvað mörg ný störf yrðu til með tiltölulega lágri fjárveitingu.

Mannauður verður forsenda velmegunar í íslensku þjóðfélagi.  Framfarasókn í atvinnulífi þjóðarinnar ræðst af því hvað vel við getum búið komandi kynslóðir undir það að taka við og búa til hálaunaþjónustu hér á landi. Óneitanlega fyllist maður bjartsýni af því að hitta fólkið sem stjórnar þessum Háskólum utan höfuðborgarsvæðisins.

Ég velti því fyrir mér eftir að hafa hitt þetta fólk sem stjórnar háskólunum og raunar í síðustu viku líka þá sem stjórna fjármálafyrirtækjunum hvort að stjórnmálastarfið og hugmyndirnar þar væru ekki staðnaðar miðað við þá þróun sem orðið hefur víða annarsstaðar í þjóðfélaginu.

Athugasemdir

[Gunnar Skúli Ármannsson, 17.9.2007 kl. 20:40]

Sæll Jón,

í síðustu málsgreininni berðu saman stjórnmálastarf annar vega og hins vega hugmyndir við nútíma stofnanir. Þetta er góð athugasemd hjá þér. Ég held að stjórnmálastarf geti verið staðnað. Það getur síðan valdið því að þær hugmyndir sem reyna að vaxa í kolli okkar ná ekki að blómstra. Í því liggur vandi vor í dag. 

[Örn Jónasson (IP-tala skráð) 17.9.2007 kl. 22:09]

Það þarf að fjölga háskólum á landsbyggðinni.  Það gengur ekki að allir háskólar séu staðsettir á svæðinu frá Borgarfirði til Selfoss.  Á þessu svæði eru 6 háskólar, en einungis tveir háskólar þar fyrir utan það svæði, á Hólum og á Akureyri. 

Það þarf að bæta við öflugum háskóla í sjávarútvegsfræðum á Vestfjörðum, og öðrum háskóla sem sérhæfir sig í verk- og tæknifræðigreinum á Austurlandi og þá í samstarfi við Alcoa-Fjarðarál.

[Gísli Baldvinsson (IP-tala skráð) 18.9.2007 kl. 09:27]

Smá innlegg kæri Jón. Ekki vont að þú skulir vera kominn í menntamálanefnd Alþingis og handviss að þar muni menn ekki endilega þyrpast í flokkslínur í skoðunum. Þetta með háskóla, og staðsetningar: Það á ekki að skipta máli hvort stofnaður sé háskóli með stórum staf eða háskólasetur. Bið menn að gera greinarmun á því. Það verður væntanlega stofnuð tvö háskólasetur á þessu kjördæmatímabili (svo ég segi fréttir) Eitt sjávarsetur á vestfjörðum, og annað tengt líffræði og umhverfi á austfjörðum.
Þú vitar sjálfur oft í Cato gamla og ég lýk oft mínum ræðum eða greinum á því að segja: Auk þess legg ég til að náms- og starfsráðgjöf verði efld. (Ekki til í lögum um grunnskólann)