Vinstri stjórn í Reykjavík

Björn Ingi er sennilega sá stjórnmálamaður sem samstarsfaðilar treysta ekki framar til að fara í mat án þess að hafa góðar gætur á honum. Björn Ingi byrjaði samstarfið við Sjálfstæðisflokkinn með því að svíkja Vinstri Græna og Samfylkinguna þ.e. hann kom ekki til þeirra eftir mat. Á sama tíma beið Ólafur F. Magnússon eins og ungmey í festum heima hjá sér og beið eftir Vilhjálmi Þ. Vilhjálmssyni sem var búinn að handsala við hann samstarfi. Vilhjálmur hringdi síðan og sagði að Björn Ingi væri kominn heim til sín og hann vildi frekar vera með Birni Inga. Enginn málefnasamningur lá þá fyrir heldur bara samningur um skiptingu valda í borginni milli Björns Inga og Sjálfstæðismanna.

Nú gleymdi Björn Ingi að koma í mat til Villa Borgarstjóra og Villi heyrði þá næst í honum að hann  væri að mynda meirihluta með þeim sem hann áður sveik Vinstri Græn og Samfylkinguna. Þannig geta nú hlutirnir verið.

Meirihlutinn Vinstri Græn, Samfylkingin, Björn Ingi frá Framsókn og Margrét Sverrisdóttir Íslandshreyfingunni sem titlar sig fyrir F lista þó hún sé gengin úr Frjálslynda flokknum fyrir tæpu ári, hefur komið sér saman um að stjórna borginni en hefur ekki haft fyrir því að velta því fyrir sér hvernig. Spurningin er bara um að ráða.

Það er slæmt að horfa upp á þessa nýu kynslóð stjórnmálamanna Dag B. Eggertsson og Svandísi Svavarsdóttur sem bæði geta átt frama fyrir sér í pólitík falla svona á fyrsta alvöru prófinu sínu, að ganga ekki fyrirfram frá öllum hnútum við Björn Inga og Margréti sem eiga bæði þá sögu að skara eld að eigin köku og fara þangað sem best býðst þess vegna með stolnar fjaðrir.

Til síðasta meirihluta var stofnað með óheilindum og til þessa er stofnað af óheilindum. Ef til vill fær þessi nýi meirihluti vinstri manna í borgarstjórn sömu maklegu málagjöldin og meirihlutinn sem lauk göngu sinni í dag. Það er ekki hægt að segja annað en spillingarfnykinn leggi af borgarstjórninni hvar sem litið er.

Nú er spurningin mun meirihlutinn nýi afhenda oligörkunum náttúruauðlindirnar eða  gera eitt af viti koma í veg fyrir það en leyfa borgurnum að koma að málum á jafnréttisgrundvelli. Ef þau gera það þá getur verið ástæða til að hrósa þeim en fyrr ekki.

Athugasemdir

[Páll Einarsson, 11.10.2007 kl. 20:24]

Sæll Jón,

Vildi benda tér á ad Frjálslyndir í Reykjavík baud sig fram undir merkjum Frálslyndra og óhádra. Margrét sveik ykkur og tid hana en hún og glæsilegur listi frjálslyndra og óhádra í Reykjavík fengu rúmlega 10% atkvæda. HEld ad Margrét eigi eftir ad standa sig vel og held ad thú sért tar sammála. Hún er dugleg og hefur unnid vel fyrir borgarstjórnarflokk frjálslyndra og óhádra.

 En til hamingju med daginn

 kvedja,

[Jensen (IP-tala skráð) 11.10.2007 kl. 22:26]

Finnst mönnum það ekki ótækt að Björn Ingi Hrafnsson,skuli hafa oddastöðu í borgarstjórn.Allir með Birni í nýju borgarstjórninni skjálfa,alveg með ólíkindum hvað þessi drengur kemst áfram,skömm.

[Jóna jóns (IP-tala skráð) 11.10.2007 kl. 22:56]

Það er með ólíkindum hvað Framsóknarmenn eru - og hafa alltaf verið vergjarnir. Opnir í báða enda eins og einhver sagði einhvern tíma. Geta aldrei haldið sig við einn makker.........alltaf til í að prufa eitthvað nýtt....! Engin furða að þeir séu stundum kallaðir pólitískar hórur.....helvískir. (Afsakið orðbragðið!)

Vonandi fá þeir engin atkvæði í næstu kosningum.

[Guðrún María Óskarsdóttir., 12.10.2007 kl. 00:59]

Mikið rétt Jón.

Þetta samstarf er ekki á vetur setjandi að mínu viti og krafan um að Björn Ingi segi af sér er ekki farin .

Viðar.

Liðhlaupinn Margrét Sverrisdóttir hefur engan stuðning af minni hálfu og síst af öllu með aðkomu undir F lista merkjum í þetta samstarf, þótt hún afneiti hinum nýja flokki Íslandshreyfingu þótt gegni varaformannsembætti þar. Kæmi ekki á óvart að hún væri á leið inn í Samfylkinguna.

kv.gmaria.

[Guðmundur Jóhannsson, 12.10.2007 kl. 05:31]

Hvaða auðlindir?, eigum við Íslendingar (öllu heldur Reykvíkingar) eitthverjar auðlindir í jörðu í Afriku eða yfir höfuð í öðrum löndum.  Hvaða kjaftæði er þetta um auðlindir.  Eflaust á OR mannauð og einhverja þekkingu skrifaða á blað.  Það er nú ekki mikils virði ef mennirnir fylgja ekki með og slatti af áhættufjármagni.

[Hrúturinn (IP-tala skráð) 12.10.2007 kl. 09:36]

Hvað þá með Hitaveitu Suðurnesja, er það ekki farið að snúast um sjálfa auðlindina?

Hvað Rvk. varðar, snýst þetta um að þekktum tilberum var afhentur "mannauðurinn" (ef þú vilt hafa það svo) á silfurfati. Réttu fjandanum litlafingur, o.s.frv...