Dr. Jekyll og Mr. Hyde

Sagan af Dr. Jekyll og Mr. Hyde fjallar um sömu persónuna. Ég man það ekki lengur en minnir þó að Dr. Jekyll hafi verið góður en Mr. Hyde vondur. Hvorugur hafði áhyggjru af því sem hinn hafði gert þó þetta væri sami maðurinn.

Mér datt þessi saga í hug þegar ég las þá merku frétt að Sjálfstæðismenn í borgarstjórn Reykjavíkur styðji nú málssókn Svandísar Svavarsdóttur Vinstri grænum til að fá ógiltan eigendafund sem að Vilhjálmur borgarstjóri og þáverandi meðreiðarsveinar hans stóðu að því að boða.  Fyrir tillögunni mælti fráfarandi borgarstjóri sem áður stóð ásamt þjónum sínum að boðun fundarins sem hann vill nú fá ógiltan.

Það verður  varla sagt  að borgarstjórnarflokkur Sjálfstæðisflokksins sé  ekki stefnufastur og samkvæmur sjálfum sér.

Sjálfstæðismenn vilja styðja málsókn Svandísar Svavarsdóttur

Athugasemdir

[Hrúturinn (IP-tala skráð) 17.10.2007 kl. 11:19]

 

"Það á bara að vera þeirra sjónarmið sem fara með þessar eignir hvort þeir vilja leigja eða selja." Orð Friðriks Sophussonar (forstjóra Landsvirkjunar!) um afstöðu til framsals hins opinbera á orkuauðlindum, á fundi Samtaka Iðnaðarins 16. okt. 2007.

Íslendingar hafa á undanförnum dögum séð prufukeyrslu á þessari tilhögun... Eru ekki allir ánægðir?

[Baldvin Nielsen (IP-tala skráð) 19.10.2007 kl. 20:59]

Fréttablaðið 31. maí 2006 frétt á bls .2

 

Sjálfstæðismenn og frjálslyndir hafa rætt sameiningu:

Tækifæri úr sögunni

,,Magnús Þór Hafsteinsson, varaformaður Frjálslynda flokksins, sagði á morgunvaktinni á Rás 1 að Sjálfstæðisflokkurinn hefði gert alvarleg mistök þegar hann sleit viðræðum um meirihlutasamstarf með Ólafi F. Magnússyni hjá Frjálslynda flokknum í Reykjavík

.,,Hafi Sjálfstæðisflokkurinn einhvern tíman haft tækifæri til þess að eiga einhvern möguleika á því að fá okkur úr Frjálslynda flokknum aftur inn í Sjálfstæðisflokkinn þá gekk það tækifæri úr greipum í gær,’’ sagði Magnús í gær.

Spurður af Fréttablaðinu hverjir hefðu rætt við hverja svaraði Magnús: ,,Þetta hefur oft verið sagt við okkur þingmaður á þingmann og aðeins í óformlegum samræðum. Ég var ekki að vísa til annars.’’ Hann sagði einnig að Morgunblaðið hefði bent á að Frjálslyndi flokkurinn gæti reynst Sjálfstæðisflokknum skeinuhættur. Boð um sameiningu hefði aldrei verið formlegt og ekki hugleitt af forustu Frjálslynda flokksins.

Arnbjörn Sveinsdóttir, þingflokksformaður Sjálfstæðisflokksins, segir frjálslynda, sem og aðra sem aðhyllist stefnu flokksins, velkomna. ,,Menn ræða ýmislegt í spjallli sín á milli, en enginn minna þingmanna hefur rætt við mig um að þeir hefðu verið með sérstakar þreifingar í þessa átt. Þannig að þetta kom mér frekar á óvart, en eins og ég segi eru frjálslyndir sérstaklega velkomnir vilji þeir fylgja okkar stefnu. ‘’

Sent: Baldvin Nielsen, Reykjanesbæ stofnfélagi Frjálslynda flokksins