Kærleiksheimili Ingibjargar og Geirs?

Vel kann að vera að samstarf þeirra Ingibjargar Sólrúnar Gísladóttur og Geirs Haarde sé með ágætum. Sé svo þá er ljóst að Össur Skarphéðínsson iðnaðarráðherra truflar farsæld þess kærleikssambands. Af ummælum iðnaðarráðherra að dæma allt frá því að ríkisstjórnin var mynduð virðist honum í mun að lífdagar hennar verði ekki langir.  Ítrekað fer iðnaðarráðherra þannig fram gagnvart samstarfsflokknum að margir þar á bæ eru búnir að fá yfir sig nóg af köpuryrðum iðnaðarráðherra.

Mörgum Sjálfstæðismönnum finnist það geðleysa hjá stjórn flokksins að láta iðnaðarráðherra komast upp með það óátalinn að vega að  forustumönnum Sjálfstæðisflokksins. Spurning er hvort að forsætisráðherra gerir eitthvað í málinu eða leyfir  Össuri óátalið að halda áfram að andskotast út í forustumenn Sjálfstæðisflokksins.

Athugasemdir

[Guðrún María Óskarsdóttir., 27.11.2007 kl. 00:45]

Sæll Jón.

Ef ég hef tekið rétt eftir hefur formaður Framsóknarflokksins verið ötull í þinginu, að benda á stjórnarandstæðinginn Össur á nóttuni.

kv.gmaria.

[Jón Magnússon, 27.11.2007 kl. 12:56]

Já Össur breytist úr ráðherra á nóttinni í stjórnarandsstæðing eins og Guðni Ágústsson hefur réttilega bent á. Dr. Jekyll og Mr. Hyde er því ekki lengur skáldsagnarpersóna heldur holdgerist í iðnaðarráðherra.

[Guðjón Sigþór Jensson, 5.12.2007 kl. 17:55]

Eða að hann sé kominn með fulltrúa til að sjá um bloggið á næturnar! Kannski það skýrir þennan skoðanamun á Dag-Össurri og Nátthrafns-Össuri.